Eremyas 38:19 - Fanawbuid tagsibaliwas Fakayabian

¹⁹ Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Eremyas 38:19 ပူးပေါင်းရင်းမြစ်များ

2 Krunika 30:10

Ngay tagfosuk longan nalao sa sangay furuan tagsis Efraim, Manase, ay sitsigons Sebulun, ay ngay taw naase way ay nafalingun anya fagayu.

Nemyas 4:1

Sanbalat nu nasaful te, gdog ami nangawat furuan at alad, maksvn nu kauri ay nu gfalingun emi fag ngay taw Udyu.

Ub 31:34

Ay kdi lang namaragangan ay nanansuksuan aroro kalimu au ngay taw at ngay longan.

Fangatulun 29:25

Nu kalimu way o tibak taw, kata nu nsangdaw o. Dewa katanya, nu gafanud tuo sas Yawi, umlangfe tuo.

Isayas 57:11

Yawi nalong te, “Sinu fia ay fakalimuun fag ngay fagsegan laman kamuag am sa angku? Nalyam wam angku ay wam gamatang ya. Wain ay fagyudun gsuyu angku? O siginan nu yud au garingang ngaduge fag buknga?

Eremyas 20:7

Yawi, nafaylatan o ay nagbilug angku. Ngay taw kase gfalingun angku.

Eremyas 38:22

Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Eremyas 38:5

Ay fun Sedekya gbalus anya fagayu te, “Kanya nafatigwanan kwan sa ayu. Fakamuluni wan sa anya nu setain ay fakaylatun.”

Eremyas 39:9

Nebusaradan fag tagfangguna ngay tagulit, nafangguna laman gtaban ngay taw at kinsawad sis Erusalem, ay anggan at nafadiuganan anya fag ngay taw, natabanan wan sas talun Babilunya.

Uan 12:42

Dewa katanya, ngayuk taw Udyu at tagfangguna at nafanud sa anya, ay kanya fagayu wa gfasaful sas nusnga sinu aroro kalimu te, ngay taw Fariseu manangaiyan ban anya fagayu siginans bale fakafulan,

Tagfangguna 9:54

Ay kanya nauro wa vtv tagbuba at famabul ay nalong te, “Fabuli angku siginan am fiso laman ro ngay taw wa glong te, sik mangena way at nafabul angku.” Nu katanya, at tagfawayan nafabul anya.

1 Samwel 15:24

Saul nalong sas Samwel te, “Nasalan au; kwa nafaning am ngay foyungan ay Yawi at suguan. Anlimu au ay nafaning kata ku ngay taw at fakaylatun.

1 Samwel 31:4

Ay Saul nalong sa tagbuba at ngay famawayan te, “Guladi am fiso ay fabuli angku, aroro nu dway ro wo nafabul angku, ngay taw way ro at yud natoglag Dius tagfabul angku, ay kanya ro fagayu gfalingun angku.” Ay tagbuba at ngay famawayan anlimu way gfabul anya, nu katanya, Saul nabul at fiso ay naurus at sadili.