Eremyas 37:13 - Fanawbuid tagsibaliwas Fakayabian

¹³ Ay Eremyas nu ndasug sa sangay taw Benamin at furuan at sakbawan, Irya, ngay tagulit sakbawan at fun, Selemya at baguama, Kananya at fufu, nagamat anya. Ay kanya nalong anya te, “Ggubuk o ngay taw Babilunya.”

Eremyas 37:13 ပူးပေါင်းရင်းမြစ်များ

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 20:2

kanya nasugu te, falangi Eremyas ay ubungi sis Yawi at bale, si sik sakbawan at nafangayan te, Benamin at sakbawan.

Eremyas 21:9

Nusnga sinu ban tagbanwan yay gugat ste fag furuan, kabul ban sas fagawayanan, sas fanlunus, ay sas fakasaitun. Dewa katanya, nusnga sinu ban at nafamababaun sa sangay taw Babilunya at maligung si ay furuan, kanya ban gleleg tua.

Eremyas 27:6

Nu katanya, katsi namon kwan ay ngay talun sa ku fagsuguan Nabukudunusur, talun Babilunya at fun. Ay anggan tagsis talun fag ngay mangilafang namagbilug kwan sa anya.

Eremyas 28:14

Au Yawi at Mabalyanan, Israel at Dius, glong au te, gfafunguan kban fantungud liug fag sanbung sas fagayu talun laman kanya fagayu gfakamulun sas Nabukudunusur, Babilunya at fun. Ay namagbilug kyangay ban sa anya anggan tagsis talun fag ngay mangilafang.’ ”

Eremyas 36:12

kanya nalao sas fun at bale daul, sa tagriruk at suluk, ay fagayu tagfangguna maful sanya. Ay sanya yangay Elisama fag tagriruk, ay Delaya, Semaya at baguama, ay Elnatan, Akbur at baguama, ay Gemarya, Safan at baguama, ay Sedekya, Kananya at baguama, ay anggan tiba yak fun.

Eremyas 38:1

Sefatya, Matan at baguama, ay Gedalya, Pasur at baguama, ay Yeukal, Selemya at baguama, ay Pasur, Malkya at baguama, nadungug Eremyas at longan sa sangay taw te, “Yawi glong te,

Eremyas 38:4

Nu katanya, kafag ngay tagfangguna nalong sat fun te, “Fabuli wan Eremyas aroro at ngay longan gfamomuy way at kinsawad fag ngay tagfawayan ay tam ngay taw at ngay amatanganan. Kanya we algan ya at masine sa sangay taw, nu bunway fagmauriun way.”

Eremyas 38:7

Ay Ebed-Melek, sik taw Etiupya, ay sik tagfangguna yangay sis fun at bale daul nu nadungug sabaliwas Eremyas, kanya nalao sas fun at bale. Ay ginanya at fun malunggung sis Benamin at sakbawan. Ay kanya nalong sas fun te,

Takabalu 4:18

Em ngay fawayan glag way em ngay leleganan, ay wami maduksun ya sa em ngay dalan. Matapan way lang em ngay menit, ay munakbang wan em fakatabuan.

Amus 7:10

Amasya fag tagfon fanggalangun sis Betel nafadasug sas Erubuam, Israel at fun, sik rirukan. Katatuy at marirukan, “Amus e algan mauri sa emu ste sis talun Israel. Ay fagayu taw wa kagwanta ya Amus at ngay nalong.

Sakaryas 14:10

Ginanya ban namadatag wan fagdaul talun Geba sas fawalan fag alvngvdan sitsigons Rimun ay sas fasiunan fag alvngvdan Erusalem. Dewa katanya, Erusalem ban wa kabali, siginan Benamin at Sakbawan ay gtaglayun sa Taguna fag Sakbawan, sitsigons Sakbawan tagsis Fugungan, ay siginans Kananel fag bale ngabat fagulitan sitsigon fun at fagturisan rawvg ubas. Wa ban e gdog ya nanrasras Erusalem, ay at ngay tagbanwan ban gbanwan tua manabayan.

Lukas 23:2

Ay kanya fagayu gfasigad gfoyung at ngay fantabugan te, “Nalag ami tuy fag taw nu gfae asalanan tam ngay taw. Ay kanya gsalag emi nu gfon ami famayad sas talun Ruma at fun, ay nalong te, ‘Au wan sik fun, Dius at nafili.’ ”

Fakamulun 24:13

Kanya fagayu we famatuyan sa emu sabaliwa angku te, mauri au.

Fakamulun 6:11

Ay kafag ngay taw nasugu tibak taw laman nanfamuagan nanlong sa sangay taw te, “Nadungug ami Esteban nu glong mauri sabaliwas Muisis ay sas Dius.”

2 Kurintu. 6:8

E gfauseganan emi, ay e gfalingun emi, ay e glong at masine sabaliwa emi, ay e glong at mauri. Ay e nafangayan emi te, sik ngay takamuag, dewa matuyan em foyungan.