Eremyas 37:1 - Fanawbuid tagsibaliwas Fakayabian

¹ Talun Babilunya at fun nafili Sedekya, Usyas at baguama, laman at fun sis Uda. Kanya at fangungbus Yuyakin, Yuyakim at baguama.

Eremyas 37:1 ပူးပေါင်းရင်းမြစ်များ

2 Fun 24:12

Yuyakin, Uda at fun, ay at mina, ay at ngay fagsuguan, ay takadungug fag ngay taw, ay ngay fun sirut nafamababaun sas Nabukudunusur. Ay gina fawaluk banwa fun Nabukudunusur nu gfunan sis Babilunya, kanya nataban Yuyakin.

2 Fun 24:17

Ay kanya nafili Matanya, Yuyakin at sai, laman sik fun, ay nafangayan anya te, Sedekya.

Eremyas 21:1

Yawi naringang sa angku gina fun Sedekya nafadasug sa angku Pasur, Malkya at baguama, gadgaloan Sefanyas, Maaseya at baguama fag tagfon fanggalangun. Kanya fag dua nalong angku te,

Eremyas 22:24

“Au Yawi, gfatuyanan au te, kafanud nu gleleg au, nangaiyan au emu Yuyakin, Uda at fun, Yuyakim at baguama. Dewa o kata sik fanumyu si ku siun fag daluap fakatoglagan ku fagmabalyananun, gbul au emu siginan ku sumyu.

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 24:1

Yawi nafae taginfan angku, gina Nabukudunusur, Babilunya at fun, nataban Yuyakin, Yuyakim at baguama, Uda at fun. Nataban fun Yuyakin sas talun Babilunya anggan at ngay tagfangguna, ay at ngay tagsaful kawat, ay Uda at ngay tagfakamulun. Si ku taginfan nalag au duak sabi igus at rawvg sis salubangan Yawi at bale.

Eremyas 52:31

Ay gina sis fatuluk safulu e fituk banwa, Yuyakin, Uda at fun, nu maubungan, Ebil-Merudak ansik fun sis Babilunya, ay kanya nafalfas Yuyakin siginan at fagubungan sis faduak safulu e limak menit sis falabi duak magdanun ginanya fag banwa.