Eremyas 36:9 - Fanawbuid tagsibaliwas Fakayabian

⁹ Anfasludan takatanya gina yud gfangon fag menit laman gdarangin sis Yawi at daga salubangan, gina sis fasiamk magdanun sis falimak banwa Yuyakim, Usyas at baguama nu gfunan sis talun Uda. Ngay taw Erusalem ay ngay taw tagsiginan sangay furuan tagsis Uda anful sas Yawi at bale.

Eremyas 36:9 ပူးပေါင်းရင်းမြစ်များ

2 Krunika 20:3

Ay Eusafat anlimu ay ankakbang sas Yawi. Ay nasugu sas fagayu taw Uda te, “Lag tam gfangon laman gdarangin tam.”

Nemyas 9:1

Gina sis faduak safulu e ufatk menit, ginanya yay fia fag magdanun, ngay taw Israel anful ay wa gfangon laman gdarangin. Ay kanya fagayu nasulun saku, ay nafoli dafug sat ngay mesa alfuyu laman gfalag te, kabalu.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Eremyas 36:1

Ebi sis faufatk banwa Yuyakim, Usyas at baguama nu gfunan sis Uda, Yawi nalong sas Eremyas te,

Eremyas 36:22

Ginanya at marios fag buknga, ay fun siway at suluk ay malunggung sis day afuy.

Eremyas 36:6

Nu katanya, gina yud gfangon fag menit laman gdarangin, o yakman lang taglao sanya. Ay ngay taw Uda tagsiginan at ngay furuan nangaful sanya. Ay nantap o Yawi at ngay longan at marirukan ste fag fagrirukan ku nafoyung emu.

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.

Uel 1:14

Nanlong am sas Uda at ngay tagfangguna ay sas fagayu tagbanwan te, fagayu am loi sas Yawi at bale laman e buknga am nu yud kon, ay eti sas Yawi te, “Gubuki emi.”

Unas 3:5

Ay sanya fag ngay taw anke fagafanudun tua sas Dius. Nu katanya, fagayu taw at maramraman, ay anggan at yud e fagmakatuun, e buknga nu yud gfangon laman gdarangin, ay nasulun saku laman gfalag te, gubun at ngay asalanan.

Tagfangguna 20:26

Nu katanya, ngay taw Israel gdog yay naundaud sas Betel ay gfainfanyuan sis Yawi at daga salubangan. Kanya fagayu wa gfangon laman gdarangin yakmay anyabi ay gfon at fagirugun fag ngay fanggalangun ay ngay fanggalangun sas Dius laman sas nasadian.

1 Samwel 7:6

Ay kanya fagayu nu nful wan, nabul mamam ay naugwag sis Yawi at daga salubangan. Ginanya fag menit kanya fag ngay taw wa gfangon laman gdarangin laman gfoyung ay gubun at ngay asalanan sas Yawi. Ay ginanya Samwel nu gfasigad gfangguna ngay taw Israel.