Eremyas 36:7 - Fanawbuid tagsibaliwas Fakayabian

⁷ Tiba ginan ban manga, siginan takatanya, kanya fagayu kakbang tua sas Yawi ay gubun tua at ngay ugali at mauri. Aroro Yawi nafararang wan sa anya fagayu te, namaurianan ban anya fagayu aroro maksvn nu kadotama.”

Eremyas 36:7 ပူးပေါင်းရင်းမြစ်များ

2 Fun 22:13

“Nanginto am sas Yawi laman sa angku ay sa sangay taw Uda sabaliwa at marirukan si ay nalag fag fafil. Yawi maksvn nu kadotama antam aroro tam ngay mangaguyang wa nafaning at marirukan sanya fag fafil. Ay anggan itam wa tam nafakamulun takatanya.”

2 Fun 22:17

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

2 Krunika 34:21

“Nanginto am sas Yawi laman sa angku ay sa sangay taw Israel ay taw Uda at sawad, sabaliwa at marirukan si ay nalag fag fafil. Yawi maksvn nu kadotama antam, aroro tam ngay mangaguyang wa nafaning Yawi at ngay longan at marirukan sanya fag fafil.”

Eremyas 1:3

Yawi gfataglayun gfoyung at foyungan sas Eremyas gina Yuyakim, Usyas at baguama, nu gfunan, sitsigons falabi sadik banwa Sedekya, Usyas at baguama, nu gfunan. Ay gina sis falimak magdanun, ginanya fag banwa, ngay taw tagbanwan sis Erusalem natabanan.

Eremyas 16:10

“Nu nalong ban o takatanya sanya fag ngay taw, ay kanya ban fagayu nu nainto te, ‘Wain Yawi at fagnafararangun te, kadasug ban sa emi takaksvn nya fag faurianan? Nataw em nafakamulun at mauri? Ay nataw em asalanan tagfauri Yawi em Dius?’

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 21:5

Au wan at namawayan ayu siginan ku fagmabalyananun aroro maksvn nu kadotama au ayu.

Eremyas 25:5

Yawi naringang siginan at ngay taglong te, ‘Talyuyani wan ay ngay ugali at mauri ay ay ngay fakamulun at mauri laman ban gbanwan tuam gugat ste fag fagbanwanan ku nafon sa ayu ay sa ay ngay mangaguyang.

Eremyas 26:3

Bangaran ro kanya fagayu gdungugan yay emu ay gtalyuyan at ngay ugali at mauri. Ay kanya ban fagayu nu nafakamulun tua takatanya, kwa gfataglayun ya ku algan sa anya fagayu aroro sat ngay fakamulun at mauri.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 37:20

Nu masine dungugani angku, gfainfanyuan au sa emu te, lag gfafoli ya angku sas Yunatan fag tagriruk at bale aroro kabul kro sanya.”

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 42:2

Ay kanya fagayu glong sas Eremyas te, “Fagayu ami at kinsawad gfainfanyuan ami sa emu te, darangini emi sam Dius. Ebi, ngayu oma mi, dewa katanya katsi, glag wo, wami ngayu ya.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Esekyel 12:3

Nu katanya, namalganan o am ngay famubaun ay namaning o kata nu gatabanan o. Ay loi sa tibak furuan, ay nu glao o, si yakman swa menit, laman kafag ngay taw glag emu. Tiba ginan ro, kanya fagayu nu nalag takatanya am fakamulun, sumaful te, sik takamabo way.

Esekyel 13:13

“ ‘Nu katanya, au, Fun Dius Yawi, glong au te, at kaksvnan nu kadotama au, nangiklas kban at ngay alad siginan sik maksvn fag fulug, ay yelu fag arak, ay at maksvn fag arak.

Esekyel 20:33

Au, Fun Dius Yawi, gfatuyanan au te, kafanud nu gleleg au, nanfunan kban ayu ke fagmabalyananun ay at maksvn fag fandotaman.

Esekyel 22:20

kata sik taw nu gfaful sanbung salapi, tansu, sanbung ay balanban laman nangirug sas afuy. Namaful kban ayu sas furuan Erusalem ay namadasug kban sa ayu ku dotama, laman namaurianan au ayu sanya kata nu gfatinas ngay sanbung.

Esekyel 5:13

“Nu nfasludan waban takatanya, kwa ban kadotama ya ayu, nu katanya, nafasud kwan ay ngay nafakamulun mauri. Ay gina kban nafadasug sa ayu takatanya, sumaful ban am te, au Yawi tagfakamatoan ayu aroro maksvn nu kadotama au ayu.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Daniel 9:13

Anfasludan sa emi kanya fag faurianan kata at marirukan sis Muisis at Faugali. Ay dewa ndasug sa emi takatanya, wami naugatan laman guseganan tuo emi siginan nu gubun ami em ngay asalanan ay nu gafanud ami sa emu.

Daniel 9:18

Em Dius, dungugi angku. Damai, maksvn nu gidapan ami. Wami gdarangin laman gfatoglag ami te, matuyan ami, nu bunway gfasaful ami te, mafangafanyu tuo.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Uel 2:13

Ubuni wan ay fagmauriun sas fagdaul ay amatanganan siginan nu ggirat am ay ngay lanbung, laman gfasaful am sa sangay taw te, gubun am ay ngay asalanan. Afolii sa ay Dius Yawi, aroro kanya mafangafanyu ay mafamamatang, ay mafangesug ay di masakit gfangadotama. Ay mafalganan tua gfabali at amatanganan laman di gfadasug ngay faurianan.

Unas 3:8

Fagayu am, suluni saku ay faksvni nu gdarangin am sas Dius. Ay ubuni wan ay ugali at mauri ay anggan ay fakamawayanun,

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’