Eremyas 36:2 - Fanawbuid tagsibaliwas Fakayabian

² “Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 36:2 ပူးပေါင်းရင်းမြစ်များ

Esra 6:2

Ay sis fun at bale sit mogat fag furuan Ekbatana, si sik furuan sis Medya fag afud talun, nalag sik rirukan taglong te,

Ub 31:35

Nu e gfadiuganan di angku, griruk kro ku ngayan sit ba rirukan laman gfatuyanan sas Dius te, kdi e asalanan. Nu e foyungan di te, mauri au, glong kyay ro sa anya te, ‘Riruki yap.’

Alubad. 40:7

Nu katanya, nalong au te, “Ste au. Ay anriruk sim fafil sabaliwa angku.”

Nu Galin 17:14

Sanya ginan, Yawi nalong sas Muisis te, “Riruki tuy laman wo kalyam ay namasaful o sas Uswe te, namamin kwa ban fia ngay taw Amalek.”

Isayas 8:1

Yawi nalong sa angku te, “Buli sik fagrirukan daul, ay riruki tuy fag ngay longan: ‘Maer-Salal-Kas-Bas.’

Eremyas 1:10

Ay katsi gfili au emu laman namoyung o sa sangay talun at ngay taw ay sa sangay fagfagtainanan te, tiba ban si ayu umfaurianan ay umkamin ay umrasras ay e nangaiyan, ay tiba ban umlindug tua ay umkaksvn.”

Eremyas 1:5

“Eremyas, gina au nangawat emu sim mina at ungdan, nafili kwa emu. Ay gina o yud ansalug, nafili kwan emu laman ban sik taglong o sas fagayu talun at taw.”

Eremyas 1:9

Sanya ginan, Yawi nafalugde at take ay nated ku bibig ay nalong te, “Gfon au sa emu ku ngay longan am fagnanlongun.

Eremyas 2:4

Ngay taw Israel, Akub at kasugfunanan, dungugani Yawi at longan.

Eremyas 25:3

“Kaduge duak safulu e tuluk banwa, siginans falabi tuluk banwa Usyas, Amun at baguama, nu gfunan sis Uda, dasug katsi, Yawi gfoyung wa gugat sa angku at longan. Ay gfoyung koma gugat ayu, dewa katanya, wam kaylat gdungugan.

Eremyas 36:14

Nu katanya, at ngay tagfangguna masakit nasugu Yeudi, Netanya at baguama, Selemya at fufu, ay Kusi at fufu tud, laman glao sas Baruk ay glong te, “Bubai sa anya fagayu rirukan at natap sa sangay taw.” Ay Baruk gbuba kafag fagrirukan ay nalao sa sangay tagfangguna.

Eremyas 36:18

Baruk nabalus te, “Sabv, Eremyas nafoyung angku fagayu at marirukan ste fag fagrirukan ay ku fanriruk sik malayung fag fanriruk.”

Eremyas 36:23

Ay Yeudi nu gtap nu siwas fatulu ay sis faufatk talad, fun nabul at fiso sirut ay nagatvng wan sanya ginan fag afud rirukan, ay gukas sasad afuy yakmay kafag rirukan ankamin.

Eremyas 36:29

Sanya ginan, nanlong o sas fun te, ‘Katatuy ku longan: Nairug o kafag rirukan, aroro marirukan sanya te, talun Babilunya ban at fun nanrasras wan tuy fag talun, ay gfabul ban iste fag ngay taw ay fag ngay fagbaugun.

Eremyas 36:6

Nu katanya, gina yud gfangon fag menit laman gdarangin, o yakman lang taglao sanya. Ay ngay taw Uda tagsiginan at ngay furuan nangaful sanya. Ay nantap o Yawi at ngay longan at marirukan ste fag fagrirukan ku nafoyung emu.

Eremyas 45:1

Gina sis faufatk banwa Yuyakim, fun Usyas at baguama, nu gfunan sis Uda, Baruk nariruk Eremyas fag taglong at ngay nalong sa anya.

Eremyas 51:60

Eremyas nariruk sat mafalutan fag fagrirukan fagayu faurianan takadasug sas talun Babilunya.

Esekyel 2:9

Sanya ginan, nalag au sik daluap ay nafon angku sik fafil mafalutan.

Usea 8:12

Ngayu ku nafariruk suguan laman at fagnamaningun, dewa katanya, kanya fagayu nu glong, wa sa anya nu gfon au kafag suguan, sa way tibak taw.

Deuterunumyu 31:24

Ay Muisis nu nariruk wan sas fafil fagayu suguan,

Ebreu 10:7

Ay nalong au te, ‘Ku Dius, andasug au laman gfakamulun au am fakaylatun, kata sit Rirukan sis Dius at Longan sabaliwa angku.’ ”