Eremyas 34:9 - Fanawbuid tagsibaliwas Fakayabian

⁹ Fun Sedekya nasugu te, “Fagayu at ke fagsuguan Ebreu mangena man ay mangama, masine nu gfalfas wan anya fagayu. Wa masine sik taw Udyu nu gfagsuguan gugat at kaiban fag taw Udyu.”

Eremyas 34:9 ပူးပေါင်းရင်းမြစ်များ

Fakasigadan 14:13

Ay e sik taw at nalagyu ay nanamoyung at ngay nalag sas Abram. Ginanya Abram gbanwan sis Mamre at fagagbilugun fag ngay fun kayu ayu daul, (Mamre sik taw Amur.) Ay Eskul ay Aner fag duksay Mamre at fagadgalangan, ay Abram at ngay ufud.

Fakasigadan 40:15

Aroro at matuyan, nafabulunan kway nu gatabanan au siginans Ebreu at talun, ay dewa au ste, kwe nafakamulun mauri laman kaubung au.”

Nu Galin 2:6

Ay kanya nalunggab kafag buyug ay nalag kafag ngenge nu gwayway ay kanya kafanyu, ay nalong te, “Tuy fag ngenge sik taw Ebreu.”

Nu Galin 3:18

“Ngay taw Israel ban at ngay fagtainan gdungugan emu. Ay nantaban ban o anya fagayu sas Igiptu at fun, ay nanlong ban am sa anya te, ‘Yawi, ngay taw Ebreu at Dius, ansure sa emi. Nu katanya, get ami sa emu te, aylati nu glao ami sas talun at yud e taw at kadugean tuluk menit, laman namon ami ngay fanggalangun sas Yawi em Dius.’

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 30:8

Au, Yawi at Mabalyanan, glong au te, ginanya ban, kanya fagayu wa gdog ya nangafagsuguanan tibak talun. Nanggatvng kwan fantungud liug tagsit ngay tungud liug ay nanluas kwan fansiuk anya fagayu fag salambitan.

Eremyas 34:10

Ay fagayu taw ay anggan ngay tagfangguna naylat takatanya fag nasadian, ay kanya fagayu nafalfas at ngay fagsuguan, fag ngay mangena ay fag ngay mangama.

1 Kurintu 6:8

Ay at maidap am yay tagfauri ay tagdaya ay faduksay.

2 Kurintu. 11:22

Kanya fagayu nu sik ngay taw Ebreu, anggan au sik taw Ebreu kyangay. Ay nu sik ngay taw Israel, sik taw Israel kyangay. Ay nu Abrayam at ngay kasugfunanan, anggan au Abrayam kyangay at kasugfunanan.

Deuterunumyu 15:12

Am ngay kaiban Ebreu, dewa mangama ay mangena, at nafalao at sadili sa emu laman sik fagsuguan ay kanya nu nafakamulun sa emu unumk banwa, falfasi wan anya sis fafituk banwa.

Filipus 3:5

Aroro anke fakatoglagan au sis fawaluk menit, ay sik taw Israel au, siginans Benamin at kasugfunanan, ku ngay mangaguyang taw Ebreu, ay nu sabaliwa em faugali tam fagkamatoanun, sik taw Fariseu au at maksvn nu gfaning.

1 Samwel 14:11

Duama nu nanangalagan, ngay taw Filistia gudguroan te, “Kanya wan ngay taw Ebreu! Kanya fagayu naduksun wan siginan at fagsuksuanan.”

1 Samwel 4:6

Ay ngay taw Filistia nu nadungug ngay taw Israel nu guro, kanya fagayu gidgintoan te, “Wain ngay taw Ebreu at fagudguroanun?” Ay kafag ngay taw nu nasaful te, Fagsuadan Nasadian andasug sa sangay taw Israel at fagmafulan,

1 Samwel 4:9

Dewa katanya, faksvni tam ngay amatanganan, aroro nu nmomuy way tam, ngay taw Ebreu namagsuguan antam kata ebi nu gfagsuguan tam anya fagayu. Nu katanya, namawayan watam!”