Eremyas 34:7 - Fanawbuid tagsibaliwas Fakayabian

⁷ Ginanya Babilunya at fun ay at ngay tagfawayan nafawayan wan furuan Erusalem, ay Lakis ay Aseka. Nafawayan kanya fag ngay furuan aroro kanya way lang at sawad fag ngay furuan at ke ngay dingding alad.

Eremyas 34:7 ပူးပေါင်းရင်းမြစ်များ

2 Fun 14:19

Tibak taw Erusalem kaylat gfabul anya. Nu katanya, kanya nalagyu sas furuan Lakis, dewa katanya, kanya fagayu nasugu ngay taw laman nangguyan anya ay nafabul.

2 Fun 19:8

Ay fun tagfawayan nu nadungug te, Asirya at fun nalao wan siginans furuan Lakis ay gfawayan sis Libna, kanya nalao sanya.

2 Krunika 27:4

Ay kanya yangay at nafawat ngay furuan sis Uda at fagagbilugun fag ngay buksul, ay at nafawat ngay alad gang ay ngay bale ngabat fagulitan, sa sangay sad araw.

Isayas 36:2

Ay gina Asirya at fun sis furuan Lakis, kanya nasugu at fun tagfawayan anggan ngayuk tagfawayan sas fun Esekyas sis furuan Erusalem. Ay gina kanya fagayu ndasug sis day Erusalem, anragang si sik fagfamiluganan sis buid fag fagfungsuan mamam, sa sangaba dalan tagsas tagbakbak at gamasun.

Eremyas 11:12

Nu katanya, at fagnangetan gubuk sa way lang at ngay fagsegan at fagnamonan gugat ngay fanggalangun. Dewa katanya, faurianan nu ndasug, kanya fag ngay fagsegan wa mafalangfe nusnga sinu fag taw.

Eremyas 34:1

Nabukudunusur, talun Babilunya at fun, nanamawayan furuan Erusalem ay anggan tagsit ligung fag ngay furuan. Kanya gadgaloan fagayu at ngay tagfawayan ay anggan ngay tagfawayan tagsiginan at fagagbilugun fag ngay fagfagtainanan. Ay ginanya, Yawi, Israel at Dius, nalong sas Eremyas te, “Loi sas Sedekya, Uda at fun, ay nanlong o sa anya te, ‘Yawi glong te, Namon kwan sas talun Babilunya at fun tuy fag furuan daul ay kanya nangirug.

Eremyas 4:5

“Nanlong o sa sangay taw Uda ay sa sangay taw Erusalem te, ‘Uyupi ay budyung sas fagdaul ay talun.’ Fabiai nu guro am ay longi te, ‘Lagyui wan ay suksuani sa sangay furuan at ke ngay alad.’

Eremyas 8:14

Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Mikas 1:13

Am fag ngay tagbanwan sis furuan Lakis, fasayangi sa ay ngay kabayu ay ngay faguyudan ay lagyui wan. Aroro nafaning wayam ngay taw Israel at nafakamulun mauri, ay taw Siun nafaning yangay ayu nafakamulun at mauri.

Deuterunumyu 28:52

Kanya ban fagayu namawayan sas fagayu ay furuan ay Dius Yawi at nafon ayu, yakmay ban anrufa at ngay alad tangabat ayu daul ay fagsegun.

Uswe 10:3

Nu katanya, fun Aduni-Sedek nafabuba sik rirukan sas Kebrun at fun Uam, ay Armut at fun Piram, ay Lakis at fun Afya, ay sas Eglun at fun Debir te,

Uswe 10:5

Nu katanya, taw Amur at fun fag lima ansadi: Erusalem, Kebrun, Armut, Lakis ay Eglun at ngay fun. Ay kanya fag ngay fun nafaful at mesa tagfawayan ay namawayan furuan Gibyun.

Uswe 12:11

Armut at fun, Lakis at fun,

Uswe 15:35

Armut, Adulam, Suku, Aseka,

Uswe 15:39

Lakis, Buskat, Eglun,