3 “ ‘Wa ban o malagyu ya sanya ginan. Nanggamat ban emu ay namon sas Babilunya at fun. Ay gtaban ban emu sit daga salubangan laman namauri, ay nantaban emu sas talun Babilunya.
Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’
Fun Sedekya naubung anya aroro sat nafoyung. Eremyas nalong te, “Katatuy Yawi at longan: Gfon kban ay gfagbilug tuy fag furuan sas talun Babilunya at fun.
Ay fun Sedekya ban wa malagyu ya siginan sangay taw Babilunya, abat ngate, nantaban ban anya sas talun Babilunya at fun at daga salubangan laman nanginsaful anya.
“Ay namon kban Sedekya, Uda at fun, ay at ngay tagfangguna sat fawayan, talun Babilunya at fun at ngay tagfawayan. Ay kanya ban fagayu dewa nafaragang wan nu gfawayan ayu,
Ay nu glugo wan, fun Sedekya nafauro Eremyas ay nataban sat bale ay ginas ginto anya te, “O e foyungan o siginans Yawi?” Ay Eremyas gbalus anya te, “Sabv, gfagbilug ban emu sas talun Babilunya at fun.”
“Kanya ban fagayu gtaban wan fagayu am mangena ay anggan am ngay sisian sas talun Babilunya ay wa ban o malagyu ya. Ay kanya ban fagayu girug wan tuy fag furuan.”
Dewa katanya, ggamat kban anya kata sik mangilafang ay nantaban sas talun Babilunya sa sangay taw Kaldea at talun. Dewa katanya, kanya ban wa glag, ay sanya waban nu kabul.
Ay talun Uda at fun nafamabo talun Babilunya at fun. Ay Uda at fun nasugu at ngay taw sas talun Igiptu laman nanget ngay kabayu ay ngay tagfawayan. Dewa katanya, o nunda ro kanya gbabo? O ay kanya ro malagyu malangfe sas faurianan dewa yud nafaning at nasadian sas talun Babilunya?
Duan! Au, Fun Dius, gfatuyanan au te, kafanud nu gleleg au, anud, Uda ban at fun umbul sas Babilunya, aroro kanya wa nafaning at nasadian sanya fag fun, at nafili anya laman sik fun.