Eremyas 33:9 - Fanawbuid tagsibaliwas Fakayabian

⁹ Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 33:9 ပူးပေါင်းရင်းမြစ်များ

2 Krunika 20:29

Ay fagayu fagfunanun nu nadungug te, katanya Yawi nu gfawayan Israel at ngay fawayan, kanya fagayu anke fakalimuun sas Dius.

Nemyas 6:16

Ay em ngay fawayan at munakbang si em talun nu nadungug te, antabu wan nu kawat ami alad, anlimu ay ankapla. Kanya fagayu nasaful te, siginan Dius at gubuk nafatabu ami gfakamulun.

Ester 8:17

Ngay taw Udyu tagsis fagayu furuan ayu daul ay sa sangay afud talun at nadungug fun at suguan, maksvn nu guseganan. Ay sanya fag talun ngayu at kintaip te, taw Udyu aroro anlimu ngay taw Udyu.

Alubad. 130:4

Dewa katanya, nafalyam tuo em ngay asalanan, laman gsuyu tuami emu.

Alubad. 40:3

Ay kanya nafoyung angku sik bagu fag alubad laman famauseganan anya. Ngay taw nu nalag takatanya, gsuyu ay gafanud sas Yawi.

Isayas 43:21

Nawat au kanya fag ngay taw laman sa angku, ay laman ban kanya fagayu namauseganan angku.

Isayas 55:13

Abat ngate dugi dauy tagtugbung sanya fag daga, altimu tua. Ay abat ngate tanulung, sik dingin tua. Ay at ngay kinfasludan takatanya gfae fagusegananun tua ban angku. Ay kanya ban tagfalag te, mabalyanan au kabavn.”

Isayas 60:5

Ay nu nalag ro wo takatanya, guseganan ro wo maksvn, aroro gfadasug tua sa emu tibak talun at ngay ramraman.

Isayas 62:1

Aroro kesug au Siun, kwa ban gfaragang nu garingang au yakmay at fagmatuyanun ay at fakalangfean kalag kata sik salung tagdamlag.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 62:4

Ay wa ban gfangayan ya emu te, “Sik mabaluanan” ay “Sik nafabayanan.” Nu bunway gfangayan tua ban emu te, “Dius at fagusegananun,” ay at “Kindadwa sas Dius,” aroro Yawi guseganan tua emu ay kata nu nangadadwa o sa anya.

Isayas 62:7

Lag gfaragang nu kakbang am sas Yawi, yakmay kanya nafadog nafawat furuan Erusalem, sik furuan at mauseganan sas fagdaul daga.

Isayas 64:2

Afuy nu mafairug way at magong fag ngay sanga ay nu mafauluk way mamam, katanya yangay ban nu kadasug o. Am ngay fawayan ban fag ngay talun at ngay taw gtadtaruyan, ay kanya ban fagayu sumaful te, sinu o.

Eremyas 13:11

Nu setain kanya fag famutus fagwan nu gfutus taw at fagwan, kaylat kyangay nangus ngay taw Uda ay taw Erusalem nu masadi sa angku. Nafili au anya fagayu laman namauseganan ay nanseg angku, dewa katanya, kanya fagayu wa naylat. Au, Yawi, taglong tuy.”

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 29:1

Sis furuan Erusalem, Eremyas nariruk laman sa sangay fagtainan, sa sangay tagfon fanggalangun, sa sangay taglong ay sa tiba yak taw fun Nabukudunusur at nataban sas talun Babilunya.

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 31:14

Namon kban ngayuk fanggalangun sa sangay tagfon fanggalangun. Ay gfapsug kban ku ngay taw siginan ku ngay famonun. Au, Yawi, taglong tuy.”

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Eremyas 32:42

Yawi nalong yangay fia te, “Nu setain nu gfadasug au faurianan sa kafag ngay taw, namadasug kyangay ku nafatuyanan fag fagmasineun sa anya fagayu.

Eremyas 33:14

Yawi nalong yangay fia te, “Sik menit ban namafasludan au ku nafatuyanan fag fagmasineun sa sangay taw Israel.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Eremyas 49:25

Takadungug ay at mabayan fag furuan Damasku naiyanan wan.

Esekyel 26:20

Ay namoli kban emu sasad fagngabasadan lino magamut ebi fag ngay mangaguyang. Ay kabavn ban marasrasan o magamut si sangay kinbul, ay wa ban o gdog ya kafoli sa tagleleg fag ngay taw at talun.

Esekyel 36:35

ay glong ban te, “At yud e tungkul fag daga, katsi kata wa tanuman Eden. Ebi fag ngay furuan at kinrasras ay at mabaluanan, katsi e gbanwan tua ay e ngay alad.”

Esekyel 39:13

Ay fagayu ban taw ggudgubukan gfoli. Ngay taw Israel wa ban kalyam kafag ngay menit aroro ginanya ban ngay taw nu gfauseganan angku. Au, Fun Dius Yawi, taglong tuy.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Sakaryas 1:17

Ay tagbarita nalong yangay sa angku te, “Katatuy Yawi at Mabalyanan at longan: ‘Gdog kyay namae ramraman ku ngay furuan tagsis Uda. Ay gdog kyay namasun Siun, ku nafili fag furuan Erusalem.’ ”

Sakaryas 12:2

Ay Erusalem ban umkata sik fanlangu laman ban sit ligung fag ngay talun umsigung. Ay kanya ban fagayu nu nanamaurianan Erusalem, namaurianan yangay tibak furuan sis Uda.

Deuterunumyu 30:5

ay gfafoli ban ayu sa ay mangaguyang at nagbilug fag fagbanwanan, ay nangagbilug ban am. Ay kanya ban gfaramraman ay gfayu ayu gtungud yay ay ngay mangaguyang.