Eremyas 33:7 - Fanawbuid tagsibaliwas Fakayabian

⁷ Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Eremyas 33:7 ပူးပေါင်းရင်းမြစ်များ

Alubad. 126:1

Yawi gina gfafoli at ngay taw sas Siun siginan at fagatabananan, kata way sik taginfan.

Alubad. 126:4

Yawi, fafolii yap em fagmanabayanun, kata sik liskung at nadog yay anke mamam.

Alubad. 14:7

Umdasug wa nangus fakalangfeun sa sangay taw Israel siginans Buksul Siun! Ngay taw Israel ban guseganan, gina ban Yawi gdog nafae fagmanabayanun anya fagayu.

Alubad. 85:1

Yawi, nafae fagmasineun o am nafili fag daga. Nadog o nafae fagmanabayanun am ngay taw Israel.

Isayas 1:26

Ay gdog kyay ban nanfili sik ngay tagwabilug ay sik ngay tagfalu longan laman sa ayu. Ay ay furuan ban kangayan te, sik matuyan ay tagkasakan fag furuan, aroro ngay tagbanwan sanya masine ay matuyan at ugali.”

Isayas 52:8

Ngay tagulit emu guro guseganan, aroro lumag ban Yawi nu kafoli sas Erusalem.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 30:18

Yawi nalong yangay te, “Namafoli kyay ban sas Akub at kasugfunanan at ngay furuan at ramraman, ay kafanyu kban anya fagayu. Ay gdog kyangay ban kawat ngay furuan ay at ngay bale tangabat si ebi ataw at fakawatan.

Eremyas 30:20

At ngay sisian ban umsik maramraman kata ebi taguna. Gfaksvn kban anya fagayu si ku daga salubangan, ay gfaurianan kban nusnga sinu tagfalingun anya fagayu.

Eremyas 30:3

Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 31:28

Ebi nafaurianan au, ay nafamin ay narasras ay naiyan anya fagayu, dewa katanya, namadog kyay ban namalindug ay namaksvn.

Eremyas 31:38

Yawi gfataglayun glong te, “Abandi ban e gdog yay kawat Erusalem laman sa angku, siginans Kananel fag bale ngabat fagulitan, sitsigons Sakbawan tagsis Fugungan.

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Eremyas 32:44

“Ay sanya ban fag talun gdog tua e gfabayad at ngay gamasun ay kawat at ngay nasadian ay gfae famatuyan, ay e ngay tagfatuyan ban sit ngay nasadian. Katanya ban at fakamulun sas Benamin at daga, ay sa sangay daga at maligung sis Erusalem, ay sis Uda fag ngay furuan, ay sa sangay buksul ay sa tangayu fag buksul tagsis fakayabian ay anggan tagsis Negeb fag ngay daga. Umfasludan ban takatanya aroro namafoli kban ku ngay taw sat talun siginan at fagatabananan. Au, Yawi, taglong tuy.”

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Takabalu 4:22

Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Esekyel 39:25

“Nu katanya, au, Fun Dius Yawi, glong au te, katsi nangafanyu kwan ngay taw Israel, Akub at kasugfunanan. Namadog kwan namaramraman kafag ngay taw, laman ban kanya fagayu namauseganan ku ngayan yud e malong.

Usea 2:15

Nu nfoli ban mi, gdog au namafoli sa anya at ngay tanuman, ay datag Akur, nangawat au sik sakbawan tagfon fagsegun. Ay kanya ban gbalus angku kata at nafakamulun ebi, gina au gfalfas anya siginans talun Igiptu.”

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”

Sakaryas 1:17

Ay tagbarita nalong yangay sa angku te, “Katatuy Yawi at Mabalyanan at longan: ‘Gdog kyay namae ramraman ku ngay furuan tagsis Uda. Ay gdog kyay namasun Siun, ku nafili fag furuan Erusalem.’ ”