Eremyas 33:5 - Fanawbuid tagsibaliwas Fakayabian

⁵ ngay taw Babilunya ban masakbo way. Ngayu ban takabul ste fag furuan, ay aroro maksvn nu kadotama au ayu, nangiklas kwan ay furuan. Gtalyuyan kwa ban tuy fag furuan aroro sat fagmauriun.

Eremyas 33:5 ပူးပေါင်းရင်းမြစ်များ

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Eremyas 32:5

Namataban kban fun Sedekya sas talun Babilunya ay kanya ban gbanwan sanya yakmay ban antabu gfaurianan anya. Dewa ban am gfawayan ngay taw Babilunya, wa ban am gbabo. Au, Yawi, taglong tuy.”

Eremyas 21:10

Nafalganan kwan namadasug sik faurianan ste fag furuan, abat ngate, fagmasineun. Ay namagbilug kban anya sas Babilunya at fun, ay kanya nangirug. Au, Yawi, taglong tuy.’

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’

Esekyel 39:29

Kwa ban gfabayan kanya fag ngay taw siginan nu gfadasug au ku Falad sa anya fagayu. Au, Fun Dius Yawi taglong tuy.”

Eremyas 18:17

Namarapyag kban anya fagayu sat ngay fawayan at daga salubangan kata sik tagmara at nafalayug lukbu siginans fakamenitan. Ay gaiyan kban anya fagayu ay kwa ban ggubuk ya gina gafaurianan.”

Deuterunumyu 32:20

Kanya nalong te, “Gtalyuyan au anya fagayu ay nanlag kban nusnga setaw at fakadasugan, aroro kanya fagayu at mauri way fag gaban taw, ay at yud way matuyan fag ngay sisian.

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Takabalu 2:7

Fun Dius narasras yangay at fagirugan fanggalangun ay anggan at Bale. Ay kanya nafarasras sat ngay fawayan at ngay dingding, ay kafag ngay fawayan naudguroan sis Yawi at bale kata nu e fagmafulun.

Deuterunumyu 31:18

Ay ginanya ban fag buknga gtalyuyan kwan anya fagayu, aroro nafakamulun at mauri nu gseg tibak fagsegan.