Eremyas 33:3 - Fanawbuid tagsibaliwas Fakayabian

³ “Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Eremyas 33:3 ပူးပေါင်းရင်းမြစ်များ

Alubad. 145:18

Munakbang tuo sit matuyan fag ngay taw taguro tua gugat sa emu.

Alubad. 25:14

Yawi, kabavn munakbang tuo sa sangay taw tagsuyu emu, ay gfamatang o gugat sanya fagayu am nasadian.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 91:15

Ay kanya ban, dewa anke fagidapun, nu nadarangin ban sa angku, gbalus ktua ban anya, ay si ktua ban gugat anya, ay gfalangfe ay gfae fagusegananun anya.

Isayas 45:3

Ay gfon kban emu nusnge wain fag ngay ramraman at mafasuksukan, laman sumaful o te, au Yawi, Israel at Dius, at nauro emu.

Isayas 48:6

Nadungug wam ebi ku ngay algan, ay nalag yangay am nu kafasludan fagayu, dewa katanya, wam gafanud te, au at nafafasludan. Siginan katsi, glong kwan takafasludan ban ku yud yay batang gfoyung sa ayu, ay fagyudun yay saful.

Isayas 65:24

Ay kanya ban fagayu gina nanget ay gina get, gbalus kwan at darangin.

Eremyas 23:35

Amasine yap taginto yay sat ngay fagadgalangan ay sat ngay kalongan nu nataw ku longan,

Eremyas 29:12

Nu katanya, guro tua ban am ay gdarangin sa angku, ay gdungugan ktua ban ayu.

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Eremyas 32:27

“Au Yawi, fagayu taw at Dius. O nunda e fagyudun au mafafakamulun nusnge wain?

Daniel 2:18

Ay kanya nalong sa anya fagayu te, “Darangini laman Dius tagsis banwa kafanyu tua antam ay laman sumaful tam tam fun at taginfan, laman ban kanya di gfabul antam kata tibak tagfangatulun sis Babilunya.”

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 2:23

Nu katanya, gfauseganan au emu ku Fun, ku ngay mangaguyang at Dius. O wan at nafon angku ku fagsafulun ay ku fagmabitsugun. Ay nafon tuo sa emi em fagetun sa emu te, foyungi emi fun Nabukudunusur at taginfan.”

Uel 2:32

Ginanya ban, nusnga sinu fag taw taget gubuk sas Yawi, umlangfe sanya ginan fag faurianan. Aroro Yawi nalong te, umke sawad yay ban ngay taw Israel sis Buksul Siun, at masuad te, Erusalem. Kanya fag ngay taw Yawi at nafili ay at nafalangfe.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

Mikas 7:15

Fasurei sa emi at ngay madulo kata ebi am nafakamulun, gina o gfalfas emi siginans talun Igiptu.

Mateu 13:35

Kanya nafakamulun katanya laman gfafasludan Dius at nalong sat taglong ebi at nafoyung te, “Namoyung kban ngay faydayuanan, ay namoyung kyangay ban anggan ebi at masuksuk siginan fagdaul daga nu nkawat.”

Fakamulun 2:21

ay nusnga sinu taguro sa tam Fun at ngayan umlangfe tua ban.’ ”

1 Kurintu 1:2

Griruk ami sa ayu, Dius at ngay taw sis Kurintu, am at nafili siginan nu nsadi am sa tam Fun Isus. Ay Dius nauro ayu laman sik ngay yud tuam e malong, gasfuan fagayu nusnga nday at natoglag tam Fun Isus, fagayu tagafanud at Fun.

Efesu 3:20

Tam Dius mafafakamulun tagtungud yay fagayu tam fagetun ay tam amatanganan, siginan at fagmabalyananun tagfunan antam.

Deuterunumyu 4:29

Dewa katanya, nu grvbvy tua ban am gugat ay Dius Yawi sas fagdaul ay amatanganan, lumag ban am anya.

Deuterunumyu 4:7

We tibak taw at mabalyanan at ke dius at munakbang gugat, kata Yawi tam Dius nu munakbang si antam galay tam guro anya.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.