Eremyas 32:40 - Fanawbuid tagsibaliwas Fakayabian

⁴⁰ Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Eremyas 32:40 ပူးပေါင်းရင်းမြစ်များ

2 Samwel 23:4

kanya kata tua menit at yamag nu kasure sis balabag at yud e gfarum, ay tagfariro ngay makmak.’

Alubad. 80:19

Yawi, em Dius at Mabalyanan, fafolii wan em fagmanabayanun, ay falagi sa emi am fakafanyun, laman umlangfe ami.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Esekyel 36:26

Namon kban sa ayu at bagu fag amatanganan ay at bagu fag falad. Ay ay ngay fakamaboun ban nantubus kwan at mafamaning.

Esekyel 36:27

Namon kyangay ban sa ayu ku Falad laman ban gfaning tuam fia ku ngay suguan ay ku ngay faugali.

Esekyel 37:26

Nangawat kban sik nasadian sa kafag ngay taw laman ban kanya fagayu manabayan tua gugat. Ay em nasadian ban di e fakatabuan. Namabanwan kban ay namaayu anya fagayu sat talun. Ay namawat kban ku bale, ay sanya tua ban gugat.

Esekyel 39:29

Kwa ban gfabayan kanya fag ngay taw siginan nu gfadasug au ku Falad sa anya fagayu. Au, Fun Dius Yawi taglong tuy.”

Mikas 4:5

Ngay taw ban dewa gfataglayun gseg at ngay fagsegan, ami ban gfataglayun tuami gugat gseg Yawi em Dius.

Deuterunumyu 31:6

Maksvni tua ay ngay amatanganan ay maseganamai. Lag am kalimu anya fagayu aroro ay Dius Yawi galo tua ayu. Kanya di gubun ay di gfabayan ayu.”

Deuterunumyu 31:8

Yawi ban tagfangguna emu, ay kanya ban gufud gugat emu, ay di ban gubun ay gfabayan emu. Nu katanya, lag o kalimu ay kamomuy.”

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Ebreu 4:1

Dius nafatuyanan sa antam te, manangadasug tua ban tam sat fagfiangalayan. Nu katanya, masine nu mafalganan tuam gugat laman ban nusdi sadi si ayu diam yud umdasug sanya.

Ebreu 7:24

Dewa katanya Isus gleleg tua kabavn, ay kanya sik tagfon fanggalangun kabavn ban.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

1 Pedru 1:5

Ay siginan ay fagafanudun, Dius at fagmabalyananun gdiri ayu kaduge am gfanya fakalangfean, at mafalganan takasure ban sa taguyan fag buknga.