Eremyas 32:39 - Fanawbuid tagsibaliwas Fakayabian

³⁹ Ay namasadi kban at ngay amatanganan ay at ngay algan laman ban kanya fagayu gseg tua gugat angku, ay laman ban kanya fagayu ay anggan at ngay kasugfunanan e fagmanabayanun tua.

Eremyas 32:39 ပူးပေါင်းရင်းမြစ်များ

Fakasigadan 17:7

Ay gfafasludan kban ku nasadian sa emu ay sa am ngay kasugfunanan te, au tua ban gugat at Dius. Ay gfataglayun kban ku nasadian kabavn.

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

Fakasigadan 22:12

Tagbarita nalong te, “Lag o gfabul am baguama! Katsi natuyan kwa te, kalimu tuo Dius, aroro di o nawabilugan gfon sa anya am baguama fia dewa sadi way.”

2 Krunika 30:12

Dius nafamatangan yangay ngay taw Uda, laman namakamulun yangay fun ay at ngay tagfangguna at suguan kata Yawi at suguan.

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 128:6

Nalag yay ban o nangus am ngay fufu. Ay Israel ban nangus umke fagmanabayanun.

Alubad. 86:11

Yawi, foyungi sa angku am balyawvtan laman mafafaning au am fagmatuyanun. Fasadii ku namatangan, laman gsuyu ktua emu.

Fangatulun 23:17

Lag o galabian tagasalanan, nu bunway suyui tua Yawi kaduge o gleleg.

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 52:8

Ngay tagulit emu guro guseganan, aroro lumag ban Yawi nu kafoli sas Erusalem.

Isayas 65:23

Kanya ban fagayu wa gfakamulun at yud e tungkul, ay at ngay sisian ban di gdalan sat maksvn fag fagidapun. Aroro Yawi nafaramraman anya fagayu, anggan at ngay kasugfunanan.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Esekyel 36:26

Namon kban sa ayu at bagu fag amatanganan ay at bagu fag falad. Ay ay ngay fakamaboun ban nantubus kwan at mafamaning.

Esekyel 37:22

Namasadi kban anya fagayu sas talun Israel, ay sadi way ban at fun. Kanya ban fagayu wa gdog ya kaafud ay wa kadua yak talun ay duak fagfagtainanan.

Esekyel 37:24

“ ‘Ku fagsuguan Dabid at kasugfunanan namagtainan ban anya fagayu. Sadi way ban tagalaga anya fagayu. Ay kanya ban fagayu gfaning tua ku ngay suguan ay ku ngay faugali.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 17:21

Mama, nangus kanya fagayu masadi tua kata anta. Nu setain nu masadi o si angku ay nu masadi au si emu, katanya yangay nangus kanya fagayu nu masadi si anta, laman fagayu taw ste swa daga gafanud te, o wan at nasugu angku.

Fakamulun 13:33

Dius nafafasludan at fatuyanan sa antam fag kasugfunanan sabaliwa nu gfadog gfaleleg Isus. Aroro katatuy at Rirukan sis faduak Alubad te, ‘O wan ku Baguama, ay katsi au wan am Mama.’

Fakamulun 2:39

Aroro kanya at fatuyanan sa ayu ay sa ay ngay sisian ay sas fagayu taw tangayayu, tam Fun Dius at fagnanguroun yay ban.”

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Fakamulun 4:32

Ay fagayu tagafanud masadi at ngay amatanganan ay wa nesug at ngay ramraman nu bunway sa tuas fagayu.

Fakamulun 9:31

Siginan ginanya, ngay tagafanud sas fagdaul talun Udea ay Galilea ay anggan Samarya, anke fagmanabayanun ay ankaksvn yangay nu gafanud ay gbanwan gfaning tam Fun. Ay at Masine fag Falad nafabitsug at ngay amatanganan, nu katanya, ngay tagafanud anfamut yay.

Ruma 11:16

Taguna fag afud tinapay nu nafon way sas Dius, fagdaul tinapay nafon yangay. Ay nu nafon way sas Dius sik fun kayu at lalid, anggan fagayu at sanga nafon yangay.

1 Kurintu 7:14

Aroro sik mangama at yud gafanud ansik matuyan tua sas Dius siginan at mangena, ay sik mangena at yud gafanud ansik matuyan tua sas Dius siginan at mangama. Ay nu dway katanya, at sisian ban wa masine sas Dius. Ay at matuyan, ansine tua sa anya.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

Deuterunumyu 5:29

Kanya ban nangus fagayu gsuyu tua gugat angku ay gfaning tua gugat ku ngay suguan, laman ban manabayan tua gugat nu mabanwan anggan at ngay kasugfunanan.

Deuterunumyu 6:2

laman ban am ay ay ngay sisian ay anggan ay ngay fufu gsuyu tua Yawi kaduge am gleleg. Nu gfaning tua ban am tuy fag ngay suguan ay fagayu fagaloan ku nafon ayu, ngaduge tua ban nu gleleg am.

Deuterunumyu 6:24

Yawi tam Dius nasugu emi te, masine nu gfaning ami tuy fag ngay faugali, ay suyui anya laman dimi e fagayudanun ay laman ngaduge tua nu gleleg ami kata katsi.

Ebreu 10:20

Ay gsakbo tam sanya sa sik bagu fag dalan tagsas leleg tam Fun Isus at naluang sa antam. Kanya kadasug tsi baliwa fantaba fag ramit daul, ay kanya we tiba nu bunway Isus at bilug.