Eremyas 32:37 - Fanawbuid tagsibaliwas Fakayabian

³⁷ namaful kban ku ngay taw siginans fagayu talun nu inda ku fagfasaruayanan anya fagayu. Ay nantaban kban anya fagayu stae fag furuan ay kanya ban fagayu gbanwan manabayan.

Eremyas 32:37 ပူးပေါင်းရင်းမြစ်များ

Alubad. 106:47

Yawi em Dius, falangfei emi! Ay fafuli emi sa em talun, siginan em fagafagsuguanan fag ngay talun, laman manamauseganan ami emu, aroro matuyan tuo.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 16:14

“Abandi ban, ngay taw wa glong ya te, ‘Gfatuyanan au sas Yawi, tagleleg fag Dius at nafaduksun ngay taw Israel siginans talun Igiptu.’

Eremyas 16:15

Nu bunway, kata way ban tuy nu gfatuyanan: ‘Gfatuyanan au sas Yawi, tagleleg fag Dius at nafaduksun ngay taw Israel siginans fawalan fag alvngvdan fag talun, ay sa sangay talun nu inda nu gfasaruayan anya fagayu.’ Aroro namafoli kban anya fagayu sa ku nafon sat ngay mangaguyang fag talun.

Eremyas 21:5

Au wan at namawayan ayu siginan ku fagmabalyananun aroro maksvn nu kadotama au ayu.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 23:8

Abat ngate, kanya ban fagayu glong way te, ‘Gfatuyanan au sas Yawi, tagleleg fag Dius at nafalfas ngay taw Israel siginan ngay talun sas fawalan fag alvngvdan ay sas fagayu talun nu inda nu gfasaruayan anya fagayu.’ Ay kanya ban fagayu gbanwan wan sit talun.”

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 30:18

Yawi nalong yangay te, “Namafoli kyay ban sas Akub at kasugfunanan at ngay furuan at ramraman, ay kafanyu kban anya fagayu. Ay gdog kyangay ban kawat ngay furuan ay at ngay bale tangabat si ebi ataw at fakawatan.

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Eremyas 32:15

Aroro ste ban fag talun at ngay taw gdog yay gbayad at ngay ramraman. Kanya ban fagayu gfalao at ngay bale, ay at ngay gamasun anggan at ngay tanuman ubas.”

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Eremyas 33:7

Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Esekyel 11:17

Nu katanya, au, Fun Dius Yawi, glong au te, gdog kyay ban namaful ayu siginan ay fagsaruayanan fag ngay talun, ay gfafoli kyay ban sa ayu talun Israel.

Esekyel 20:34

Ay siginan ban ku fagmabalyananun ay ku dotama, namaful au ayu siginan ngay talun nu inda nu gbanwan am,

Esekyel 28:25

Yawi nalong yangay fia te, “Namaful kwa ban ngay taw Israel siginan at fagrapyaganan fag ngay talun. Siginan ban takatatuy, gfalag kban sa sangay talun ku fagmatuyanun. Kanya ban fag ngay taw namanwan sit mesa talun, ku nafon fag fagbanwanan sa ku fagsuguan Akub.

Esekyel 28:26

Kanya ban fag ngay taw manabayan tua nu gbanwan, ay kawat ban at mesa bale ay gtanum ngay wat ubas. Wa ban e mafauri ya anya fagayu gina kban nafaurianan fagayu at fakbangan fag ngay talun tagfalingun anya fagayu. Kanya ban fag ngay taw sumaful te, au at Fun Dius Yawi.”

Esekyel 36:24

“ ‘Namul kban ayu siginan tibak talun ay namafoli kban ayu sa ay talun.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Uel 3:20

Dewa katanya, Uda ban ay Erusalem umsik mabayan fag fagbanwanan kabavn.

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”

Sakaryas 3:10

Ginanya ban fag menit, manabayan tua nu mabanwan am. Galay am at sadi nantaban am ay ngay fasabale laman nanmalunggung am manabayan sis daga fun wat ubas ay sis daga fun kayu igus. Au, Yawi at Mabalyanan, taglong tuy.”