Eremyas 32:34 - Fanawbuid tagsibaliwas Fakayabian

³⁴ Kanya fagayu nafasuya ku bale nu inda at fagnamauseganan angku. Ay nafasakbo sanya tibak fagsegan at maksvn nu mauri.

Eremyas 32:34 ပူးပေါင်းရင်းမြစ်များ

2 Fun 21:1

Manase at banwa labi dua gina gfasigad gfunan. Ay kanya gbanwan sis Erusalem ay nu gfunan limak safulu e limak banwa. At mina Kefsiba.

2 Fun 23:6

Ay fun Usyas nasugu yangay sa kafag ngay taw laman namaduksun siginans Yawi at bale turuk fagtoglagan Asera fag fagsegan ay namuba sas day Erusalem, sas Liskung Kidrun, ay nangirug. Sanya ginan, kanya fagayu narufa ay nafarapyag at dafug sas fagfolian.

2 Krunika 33:15

Ay kanya nafaduksun siginans Yawi at bale at nafawat fag ngay fagsegan ay anggan tibak talun at ngay fagsegan, ay nabul yangay fagayu fagirugan at nafawat sis Yawi at bale fag buksul ay sis Erusalem, ay naukas sas day furuan.

2 Krunika 36:14

Ay anggan fagayu tagfon fanggalangun ay fagayu taw Israel wa nafaning Dius. Kanya fagayu nafaning way tibak talun at ngay taw at ngay fakamulun at maksvn nu mauri, ay kanya fagayu nafasuya Yawi at bale, at nafili fag buknga at yud e malong sis Erusalem.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 23:11

“Ngay tagfon fanggalangun kata yangay sik ngay taglong; kanya fagayu nafakamulun at mauri dewa si ku bale.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 34:15

Naubun am ay ngay asalanan ay nafakamulun am at matuyan sa ku daga salubangan. Fagayu am naylat am gfalfas ay ngay fagsuguan fag ngay taw Udyu. Ay nawat am ay nasadian sa angku sabaliwa takatatuy si ku bale nu inda at fagnamauseganan angku.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 7:10

Ay ankakbang am ay nanangalindug sa ku daga salubangan ste si ku bale nu inda at fagnamauseganan angku. Ay glong am te, “Ste we kadasug ya at mauri sa antam.” Dewa katanya, gfataglayun yayam gugat gfakamulun at mauri.

Eremyas 7:30

Yawi nalong te, “Ngay taw Uda nafakamulun at mauri. Ay kanya fagayu nafasakbo at masuya fag ngay fagsegan sa ku bale nu inda at fagnamauseganan angku, nu katanya, ansik masuya.

Eremyas 7:31

Ay kanya fagayu nawat sik fagirugan sis tungud buksul at nafangayan te, Tufet, tagsis datag Ben-Inum. Ay nairug sanya at ngay sisian laman at fanggalangun. Kdoma nasugu sa anya fagayu takatanya, ay kwe algan takatanya.