Eremyas 32:29 - Fanawbuid tagsibaliwas Fakayabian

²⁹ Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 32:29 ပူးပေါင်းရင်းမြစ်များ

2 Fun 25:9

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Nemyas 8:16

Nu katanya, ngay taw nanamul ngay kayu at sanga ay nawat sik ngay bale fayag sit ngay mesa tungud bale, ay sit day bale, ay sis Dius at bale at ngay fagaweanan, ay sis fagaweanan tagsalubang sas Mamam fag Sakbawan, ay sis aturunan Efraim fag Sakbawan.

Isayas 22:1

Katatuy at foyungan sabaliwa sik tagubungan nu inda Dius gfalag ngay taginfan: Setain katsi takafasludan? Wain ay fagsiun ay tungud bale?

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 19:13

Fagayu bale sis Erusalem anggan fun Uda at bale gtuyan au te, masuya kata Tufet. Aroro sit ngay tungud bale kanya fagayu nairug ngay famaebebanglu laman sat ngay fagsegan fag ngay galeme, ay sanya yangay nu gfon at fanggalangun fag fanginum laman sa tibak ngay fagsegan.’ ”

Eremyas 21:10

Nafalganan kwan namadasug sik faurianan ste fag furuan, abat ngate, fagmasineun. Ay namagbilug kban anya sas Babilunya at fun, ay kanya nangirug. Au, Yawi, taglong tuy.’

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 32:3

Fun Sedekya naubung anya aroro sat nafoyung. Eremyas nalong te, “Katatuy Yawi at longan: Gfon kban ay gfagbilug tuy fag furuan sas talun Babilunya at fun.

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 44:25

Yawi at Mabalyanan, Israel at Dius, glong te, ‘Am fag ngay dadwa nafafasludan am ay fatuyanan sas fagsegan fag Mangena tagsis Banwa, siginan nu girug am ngay famaebebanglu ay nu gfon am ngay fanginum fag ngay fanggalangun. Agvd, fataglayuni ay fakamulun, ay fafasludani ay fatuyanan.

Eremyas 52:12

Ay sis fasafuluk menit, sis falimak magdanun, ay sis falabi siamk banwa Nabukudunusur nu gfunan sis talun Babilunya, Nebusaradan fag tagfangguna ngay tagulit at fun andasug sas Erusalem.

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Eremyas 7:17

O nunda wo glag ngay taw at fakamulun sis talun Uda ay sis Erusalem at ngay dalan?

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Esekyel 23:47

Ay kanya fagayu gfana duksay ay namabul siginan at ngay fiso. Ay kanya ban fagayu namabul yangay duksay at ngay sisian ay nangirug at bale.

Mateu 22:7

Ay kafag fun maksvn nu kadotama ay nasugu at ngay tagfawayan laman namabul ngay taw takamabul ay nangirug at furuan.

Fakamulun 10:9

Ay balabag di nu swabilug menit wan, Kurnelyu at fagsuguan fag tulu nu munakbang wan sas furuan Upa, Pedru nasas tungud bale laman nandarangin.

Ebreu 3:16

Sinu at nafawayan Dius dewa nadungug at aringang? O nunda bunwa Muisis at nataban fag ngay taw siginans talun Igiptu?