Eremyas 32:24 - Fanawbuid tagsibaliwas Fakayabian

²⁴ Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 32:24 ပူးပေါင်းရင်းမြစ်များ

2 Samwel 20:15

Nu katanya, Uab ay at ngay tagfawayan nu nasaful takatanya, kanya fagayu nasanya ay naligung Abel-Bet-Maaka. Kanya fagayu nafabungsud lutuk sis day furuan daul at alad laman mato ay kanya fagayu nafasigad naiklas kafag alad.

Isayas 37:33

Katatuy Yawi at longan sabaliwas Asirya at fun: “Kanya ban wa gsakbo sas furuan Erusalem, ay wa magbilug at godun laman gfatos nusdi sadi at banyas. Kanya wa manangakbang at ke famalabag ay nanligung laman namawayan.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 20:5

Namon kban sat ngay fawayan Erusalem at ngay ramraman: at ngay fagagbilugun at mabyat nu kabayad, ay fagayu at nainlufuyan, ay anggan Uda at fun at ramraman. Ay kanya ban fagayu namuba kafag ngay ramraman sas talun Babilunya.

Eremyas 24:10

Gfadasug kban sa anya fagayu awayan, fanlunus, ay fakasaitun yakmay ban anbul si ku nafon sa anya fagayu ay sat ngay mangaguyang fag fagbanwanan.”

Eremyas 29:17

Namadasug kban sa anya fagayu, fanlunus ay fakasaitun. Ay kanya ban fagayu umkata igus at rawvg at madanan yud kaon ya.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 32:25

Ay dewa anfasludan takatanya, o wan at nasugu angku laman namayad au kafag daga sis salubangan ngayuk tagfatuyan, ngay taw Babilunya dewa ganangagbilugun wan tuy fag furuan.”

Eremyas 32:28

Nu katanya, amatangani, namon kwan tuy fag furuan sa sangay taw Babilunya ay sat fun Nabukudunusur, ay kanya ban fagayu gagbilug wan tuy fag furuan.

Eremyas 32:3

Fun Sedekya naubung anya aroro sat nafoyung. Eremyas nalong te, “Katatuy Yawi at longan: Gfon kban ay gfagbilug tuy fag furuan sas talun Babilunya at fun.

Eremyas 32:36

Yawi nalong sas Eremyas te, “Matuyan am nalong te, gfon ban sas Babilunya at fun tuy fag furuan siginans awayan, fanlunus ay fakasaitun. Nu katanya, katsi, au, Yawi, Israel at Dius, glong au te,

Eremyas 32:5

Namataban kban fun Sedekya sas talun Babilunya ay kanya ban gbanwan sanya yakmay ban antabu gfaurianan anya. Dewa ban am gfawayan ngay taw Babilunya, wa ban am gbabo. Au, Yawi, taglong tuy.”

Eremyas 33:4

Aroro au, Yawi, Israel at Dius, glong au te, dewa ban narufa wan ngay bale sis furuan Erusalem ay talun Uda at fun at bale, laman at famaogat at alad laman at ngay fawayan wa masakbo,

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 52:4

Sis fasafuluk menit, sis fasafuluk magdanun sis fasiamk banwa fun Sedekya nu gfunan talun Uda, fun Nabukudunusur, talun Babilunya at fun, ay fagayu at ngay tagfawayan anful sis day furuan Erusalem ay nafabungsud lutuk sis fun alad laman at fagsakboan.

Eremyas 52:6

Ay sis fasiamk menit sis faufatk magdanun ginanya yangay fag banwa, anke fanlunus maksvn sis furuan Erusalem ay ngay taw tagbanwan sanya we fakonun ya.

Eremyas 6:6

Yawi at Mabalyanan glong te, “Nanggatvng ban am sik ngay kayu laman ay fangiklas furuan Erusalem at ngay alad, ay fabungsudi sik ngay lutuk sas tigyangan alad, laman ay dalan. Faurii wan tuy fag furuan aroro maksvn wan nu kamaidapan.

Esekyel 14:21

“Au, Fun Dius Yawi, glong au te, afanyuan ban furuan Erusalem gina kban nafadasug sa kafag ngay taw ku nalong fag ufatk faurianan: awayan, fanlunus, tagfangagat fag mela, ay fakasaitun. Aroro kanya ban fagayu at namabul kafag ngay taw gasfuan at ngay fagbaugun.

Esekyel 21:22

Ay at naguyud ban fag banyas at ke rirukan furuan Erusalem. Nu katanya, kanya ban guro ay gsugu te, ‘Sakboi sas Erusalem ay fabuli at ngay taw.’ Ay kanya gfoli sik kayu daul laman fangiklas Erusalem at sakbawan. Kafag ngay taw gfabungsud daga sa sangaba tigyangan alad furuan, laman makato sas alad.

Esekyel 21:27

Nanrasras kban furuan Erusalem, ay wa ban e namalindug ya yakmay ban andasug sanya ku nafili fag tagwabilug. Ay namatigwanan kban sa anya takatanya.’

Esekyel 26:8

Ay kanya ban namabul fagayu tagbanwan sis datag siginan at fiso tagsumbalian at uyup. Ay at ngay tagfawayan namawayan gbitbitan ngay fanrufa alad gang, ay gfabungsud lutuk sa sangaba tigyangan ngay alad laman masakbo.

Esekyel 4:2

Ay fae aninui yangay sanya kata sik ngay fawayan nu namawayan kafag furuan. Ay namoli o ngay agdan sas tigyangan alad gang, ay sis ligung furuan nangawat o sik ngay fagmafulan, ay namul o sik kayu at mabyat fanrufa alad gang.

Abakuk 1:10

Kanya fagayu gfalingun ngay fun ay at ngay tagfangguna. At kaksvnan nu gfalingun, kase ngay furuan aroro kanya fagayu makatu way gulul sas alad siginan nu gfabungsud lutuk. Takatanya fag balyawvtan, kanya fagayu masakbo ay magbilug ngay furuan.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Mateu 24:35

Banwa ay daga kalyam way ban, dewa katanya, ku longan ban sanya tua gugat kabavn.

Deuterunumyu 4:26

Katsi fag menit nauro au banwa ay daga, laman gfatuyan te, nu dway ban am gfaning angku, wa ban ngaduge nu gbanwan am sa ay fagnangagbilugun fag daga, sas dife Liskung Urdan. Ay wa ban ngaduge nu gbanwan am sanya. Ay sanya ginan ban fagayu am umbul am.