Eremyas 32:23 - Fanawbuid tagsibaliwas Fakayabian

²³ Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 32:23 ပူးပေါင်းရင်းမြစ်များ

Esra 9:7

Gfasigad siginan em ngay mangaguyang dasug katsi, maksvn em ngay asalanan. Ay aroro gasalanan way mi anggan em ngay fun anggan tagfon fanggalangun, nagbilugan ami tibak talun at fun. Kanya fagayu nafabul tiba si emi, ay tiba natabanan, ay tiba nabulan at ramraman ay nafaplan, kata at kinfasludan sa emi katsi.

Nemyas 9:15

Ay gina kanya fagayu kalunus, nafon tuo fakonun tagsiginans banwa, ay gina kadanum, nafon yangay o at fanginum tagsiginans gang, ay nalong o te, ‘Mananakbo ban am ay manangagbilug ku nafatuyanan sa ayu fag talun.’

Alubad. 78:10

Kanya fagayu wa nafaning Dius at nasadian sa anya fagayu, ay wa naylat gugali kata at suguan.

Eremyas 2:7

Ay nataban au ayu sat masine fag daga laman umke gutluan am, dewa katanya, fagnabanwan di am sanya, nafauri am ku nafili fag daga ay ansik mauri am.

Eremyas 26:4

Nanlong o sa anya fagayu ku longan te, ‘Nu dway ban am gafanud sa angku, ay wayam kaylat gfaning ku nafon ayu fag ngay suguan,

Eremyas 44:10

Dasug katsi, yam kamababaun ay yam kalimu angku. Ay wam gfaning ku ngay suguan ay ku ngay faugali ku nafon sa ayu ay sa ay ngay mangaguyang.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Esekyel 20:18

Ay gina kanya fagayu sit yud e taw fag talun, nalong au sat ngay sisian te, lag gfaning ay ngay fagtainan at ngay ugali ay lag am gfauri ay sadili siginan nu gseg am ngay fagsegan.

Esekyel 20:21

“Dewa katanya, kafag ngay taw at ngay sisian nafamabo yangay angku, ay wa nafaning ku ngay suguan ay ku faugali, ay nu nafafasludan di, gleleg tua ban. Ay kafag ngay taw nafayud e masuad Famiangalay fag Menit ku nalong sa anya fagayu. Nu katanya, gina kanya fagayu sit yud e taw fag talun nalong au sanya fag ngay taw te, namadasug au sa ayu ku dotama at maksvn.

Esekyel 20:8

“Dewa katanya, kanya fag ngay taw nafamabo ay wa nadungugan angku. Kanya fagayu wa natalyuyan talun Igiptu at ngay fagsegan at maksvn nu mauri. Nu katanya, nalong au te, namadasug au sa anya fagayu ku fandotama sis talun Igiptu.

Lukas 17:10

Katanyai yangay ay fakamulun, nu nafakamulun wam at fafakamulun sa ayu. Longi te, ‘Sik ngay fagsuguan way mi, gfakamulun way mi em fakamulun.’ ”

Uan 15:14

Am wan ku ngay fagadgalangan nu gfaning tuam ku ngay suguan.

Galasya 3:10

Umfaurianan ban ngay taw tagamatangan te, umtap kata nu yud e asalanan siginan nu gfaning Muisis at Faugali, aroro katatuy at kinriruk: “Umfaurianan ban nusnga sinu fag taw at yud gfaning at kinriruk sis Muisis at Faugali fag fafil.”

Santiagu 2:10

Nusnga sinu tagfaning Muisis at Faugali ay wa nafaning sanya fag ngay suguan sadi, anke asalanan, ay kata yay nu yud nafaning fagayu suguan.

Uswe 21:43

Nu katanya, Yawi nafagbilug sas Israel fagayu talun kata at nafatuyanan sat ngay mangaguyang. Kanya fagayu nagbilug kafag talun ay nabanwan sanya.

Uswe 23:16

Anud, umfasludan ban sa ayu takatanya, nu dway am nafaning ay Dius Yawi at nasadian at suguan ayu. Ay nu gseg way ban am sa tibak fagsegan, matuyan kanya ban namadasug sa ayu at dotama, ay masakit ban am umkamin ste ginan fag talun at masine at nafon sa ayu.”