Eremyas 32:22 - Fanawbuid tagsibaliwas Fakayabian

²² Ay nafon o sa anya fagayu sik talun at masine ay at maramraman, am nafatuyanan sat ngay mangaguyang.

Eremyas 32:22 ပူးပေါင်းရင်းမြစ်များ

Fakasigadan 13:15

Kayayu am mata at fagdasugun, gfon kwan sa emu ay sa am ngay kasugfunanan, ay kabavn ban am wan tagagbilug kafag talun.

Fakasigadan 24:7

Yawi, Dius tagsis banwa, nafadasug angku stae siginan ku mama at kalongan, siginan ku fakasalugan fag talun, ay nafatuyanan te, ‘Gfon kban talun Kanaan sa am ngay kasugfunanan.’ Nu katanya, loi wan aroro Yawi sumugu at tagbarita at namangguna emu laman lumag o ku baguama at bubay ban.

Fakasigadan 50:24

Ay Use nalong sat ngay kalongan te, “Gakabulun kwan, dewa katanya, tam Dius ban wa gfabayan ayu. Dius nantaban ban ayu ste ginan ay namabanwan ban ayu sa sik talun at nafatuyanan sas Abrayam, sas Isak ay sas Akub.”

Nemyas 9:15

Ay gina kanya fagayu kalunus, nafon tuo fakonun tagsiginans banwa, ay gina kadanum, nafon yangay o at fanginum tagsiginans gang, ay nalong o te, ‘Mananakbo ban am ay manangagbilug ku nafatuyanan sa ayu fag talun.’

Nu Galin 13:5

Yawi ban nantabanan ayu sa sangay taw Kanaan, taw Ket, taw Amur, taw Kib, ay taw Ebus at talun, at nafatuyanan sa ay ngay mangaguyang te, at fon sa ayu. Kanya fag talun masine ay maramraman. Nu nfasludan waban takatanya, masine nu nanmaful am namauseganan sabaliwa Tagbarita nu Glangfe, galay taguna fag magdanun kayu banwa.

Nu Galin 3:17

Nafatuyanan au te, namalin kban ayu ste ginan fag talun, nu inda ngay taw Igiptu nu gfaidapan ayu, ay nantaban kban ayu sat masine ay sat maramraman fag talun; sa sangay taw Kanaan, taw Ket, taw Amur, taw Peres, taw Kib, ay taw Ebus at talun.’

Nu Galin 3:8

Nu katanya, nastie au sdaga laman namalangfe anya fagayu siginans talun Igiptu, ay nantaban au sat masine ay tagbia ay at maramraman fag talun; sa sangay taw Kanaan, taw Ket, taw Amur, taw Peres, taw Kib, ay taw Ebus at ngay fagbanwanan.

Eremyas 11:5

Nu katanya, gfafasludan au ku fatuyanan sa ay ngay mangaguyang te, gfon kban sa anya fagayu sik talun at masine ay at maramraman.’ Katsi, kanya wan ay fagbanwanan.” Au, Eremyas, nalong au te, “Yawi, katanya wa nangus fia.”

Esekyel 20:15

Ay gtuyan au te, kwa ban gtaban ya ku ngay taw sa ku fagnamonun fag talun, sat masine ay at maramraman fag talun, tagtungud tua sas fagayu talun nu masine.

Esekyel 20:6

Ginanya, nafatuyanan au sa anya fagayu te, namalfas kwan anya fagayu siginans talun Igiptu ay nantaban kban sa ku nafili fag talun, sat masine ay at maramraman fag talun, tagtungud tua sas fagayu talun nu masine.

Tap 14:16

‘Yawi wa makatu ya gtaban ngay taw Israel sat nafatuyanan fag talun. Nu katanya, kanya nafabul wan anya fagayu sis talun at yud e taw.’

Tap 14:30

at madasug sa ku nafatuyanan fag talun, nu bunway Kaleb, Efune at baguama, ay Uswe, Nun at baguama.

Deuterunumyu 1:8

Gfon kban sa ayu kanya fag ngay talun. Loi wan ay nangagbilug am kanya fag ngay talun, ku nafatuyanan sa ay ngay mangaguyang Abrayam, Isak, ay Akub ay sas fagayu at kasugfunanan.”

Deuterunumyu 6:10

Ay ay Dius Yawi tumaban ayu sa kafag talun at nafatuyanan sa ay ngay mangaguyang Abrayam, Isak, ay Akub. Kanya fag daga gbia, ay e ngay furuan ayu daul maramraman, ay bunwa am ya at nawat.

Deuterunumyu 6:18

Fakamuluni at matuyan ay at masine sis Yawi at daga salubangan. Laman umsine ay kayaunanan ay magbilug am at masine fag daga at nafatuyanan sa ay ngay mangaguyang.

Deuterunumyu 6:23

Ay kanya nafalao emi siginans talun Igiptu laman nantaban stie fag talun at nafatuyanan sa tam ngay mangaguyang.

Deuterunumyu 7:13

Kanya ban kesug ay namaramraman ay namayu ayu. Ay namon ban sa ayu ngayuk sisian ay namayu ay ngay fananumun si ay daga, ay ngay trigu, fanlangu ay ay ngay langis. Ay namayu ban ay ngay fagbaugun gina ban am gbanwan sit nafatuyanan sa ay ngay mangaguyang ay sa ayu fag daga.

Deuterunumyu 8:1

Faningi fia fagayu suguan ku nafon ayu katsi fag menit, laman ban ngaduge tua nu gleleg am ay umkayu am, sis Yawi at nafatuyanan si ay ngay mangaguyang fag talun.

Uswe 1:6

Maksvni tua ay maseganamai, aroro o wan at nanfunan ngay taw, laman ban kanya fagayu magbilug ku nafatuyanan sat ngay mangaguyang fag talun.

Uswe 21:43

Nu katanya, Yawi nafagbilug sas Israel fagayu talun kata at nafatuyanan sat ngay mangaguyang. Kanya fagayu nagbilug kafag talun ay nabanwan sanya.