Eremyas 32:21 - Fanawbuid tagsibaliwas Fakayabian

²¹ Ay siginan am ngay nafakamulun at madulo ay sam fagmabalyananun, ngay taw Igiptu anlimu, ay nafalfas o am nafili fag ngay taw Israel siginans talun Igiptu.

Eremyas 32:21 ပူးပေါင်းရင်းမြစ်များ

2 Samwel 7:23

Ay wa yangay e gfasud am ngay taw Israel. Sas fagdaul daga kanya way lang fag ngay taw am nafalfas siginan nu gafagsuguanan, laman am ngay taw. Ay nafakamulun o at mabalyanan ay at maksvn nu madulo, ay siginan nu ggubuk o am ngay taw laman gaiyan tibak gaban taw, gina o gfalangfe anya fagayu siginans Igiptu.

1 Krunika 17:21

Ay wa yangay e gfasud am ngay taw Israel. Sas fagdaul daga kanya way lang fag ngay taw am nafalfas siginan nu gafagsuguanan, laman am ngay taw. Ay am ngayan andungug aroro siginan am nafakamulun at mabalyanan ay at maksvn nu madulo, ay siginan nu ggubuk o am ngay taw laman gaiyan tibak gaban taw, gina o gfalangfe anya fagayu siginans Igiptu.

Alubad. 105:37

Nu ntabu takatanya, Dius nafalfas fagayu gaban taw Israel siginans talun Igiptu manabayan, ay e buba yay salapi ay gintu.

Alubad. 105:43

Kanya nafaduksun at nafili fag ngay taw siginans Igiptu, ay kanya fagayu guro guseganan.

Nu Galin 13:14

“Ay ay ngay sisian ban nu nainto way ayu te, ‘Nataw tuy at masuad?’ longi ban sa anya fagayu te, ‘Yawi at fagmabalyananun nafalfas emi siginans talun Igiptu, ebi gina ami gafagsuguanan.

Nu Galin 13:9

Takatatuy fag fagmafulun kata sik fakatoglagan sim famauyungan ay sim dangasan tagfamatang sa emu te, masine nu gfoyung o sa am iba sabaliwas Yawi at suguan, aroro at fagmabalyananun nafalfas emu siginans talun Igiptu.

Nu Galin 3:20

Namaurianan kban ngay taw Igiptu siginan at ngay madulo fag ngay fakamulun. Nu katanya, kanya ban fag fun kaylat wan nu glao am.

Nu Galin 6:1

Nu katanya, Yawi nalong sas Muisis te, “Katsi ro, lumag o ku fakamulun sas Igiptu at fun. Aroro siginan ku fagmabalyananun, kanya ro wa gfatawad ku ngay taw nu glao ste ginan, abat ngate, gfabulun gaiyan.”

Nu Galin 6:6

“Nu katanya, longi sa sangay taw Israel te, ‘Au wan Yawi. Gfalfas kban ayu siginans fagidapun ay siginan nu gafagsuguanan am sa sangay taw Igiptu. Siginan ku fagmabalyananun, maksvn fag faurianan ku fagnamadasugun sa sangay taw Igiptu. Ay gfalangfe kban ayu.

Isayas 63:12

Dada wan Yawi, at nafon sas Muisis at fagmabalyananun laman gfawabilug dagat si tam salubangan, laman kanya kadungug kabavn?

Deuterunumyu 11:3

ay wa yangay nalag at ngay nafakamulun fag ngay madulo sis talun Igiptu, sas Igiptu at fun ay sas fagdaul sanya fag talun.

Deuterunumyu 26:8

Nu katanya, Yawi em Dius, siginan am fagmabalyananun ay am ngay fakamulun at malimu, nataban o emi siginans talun Igiptu. Ay nafakamulun o at ngay madulo.

Deuterunumyu 4:34

O nunda e tibak dius at nafaskud gbul sik gaban taw siginan sik talun laman at ngay taw, siginan ngay famaskud, ay at madulo fag ngay fakamulun, ngay awayan ay at mabalyanan fag ngay fakamulun? Dewa katanya, ay Dius Yawi nafakamulun takatanya sis talun Igiptu, ay am wan at nalag takatanya.

Deuterunumyu 7:19

Nalag am ngay famaskud ay ngay madulo nusnga setaw, ay Dius Yawi at nafasure siginan at fagmabalyananun, gina gfaduksun ayu. Katanya yangay ban, ay Dius Yawi at fakamulun sa ay fakalimuun fag ngay taw.