Eremyas 32:20 - Fanawbuid tagsibaliwas Fakayabian

²⁰ Nafakamulun o nusnge wain at madulo sis talun Igiptu, ay gfataglayun o gfakamulun takatanya anggan iste stalun Israel ay sa tibak talun. Ay siginan takatanya, andungug o sas fagayu talun.

Eremyas 32:20 ပူးပေါင်းရင်းမြစ်များ

2 Samwel 7:23

Ay wa yangay e gfasud am ngay taw Israel. Sas fagdaul daga kanya way lang fag ngay taw am nafalfas siginan nu gafagsuguanan, laman am ngay taw. Ay nafakamulun o at mabalyanan ay at maksvn nu madulo, ay siginan nu ggubuk o am ngay taw laman gaiyan tibak gaban taw, gina o gfalangfe anya fagayu siginans Igiptu.

1 Krunika 17:21

Ay wa yangay e gfasud am ngay taw Israel. Sas fagdaul daga kanya way lang fag ngay taw am nafalfas siginan nu gafagsuguanan, laman am ngay taw. Ay am ngayan andungug aroro siginan am nafakamulun at mabalyanan ay at maksvn nu madulo, ay siginan nu ggubuk o am ngay taw laman gaiyan tibak gaban taw, gina o gfalangfe anya fagayu siginans Igiptu.

Nemyas 9:10

Ay nafasure o at ngay madulo sas Igiptu at fun ay sat ngay tagfangguna, ay anggan sat ngay taw, aroro nasaful tuo kanya fagayu nu gfauri em ngay mangaguyang. Ay am ngayan kabavn ban di gbadbalian.

Nemyas 9:11

Ay dagat ankafud dua ay ansik matat fag daga laman am ngay taw at fagnanlaoan. Ay nafapnut o at ngay fawayan, ay kanya fagayu anlubgub kata sik ngay gang sisad dagat.

Alubad. 135:9

Kanya nafakamulun sa sangay taw Igiptu nusnge wain at madulo, laman gfaurianan kafag talun at fun gasfuan at ngay tagfangguna.

Nu Galin 10:2

ay laman ban mafansulit am sa ay ngay sisian ay sa ay ngay fufu, nu setain nu gfaurianan au maksvn ngay taw Igiptu ay nu gfakamulun au at ngay madulo sa sangay taw. Ay laman ban sumaful am te, au Yawi.”

Nu Galin 3:20

Namaurianan kban ngay taw Igiptu siginan at ngay madulo fag ngay fakamulun. Nu katanya, kanya ban fag fun kaylat wan nu glao am.

Nu Galin 7:3

Dewa katanya, namaogat kban Igiptu at fun at amatanganan. Dewa kban nafasure ngayuk fakamulun at madulo sas talun Igiptu,

Nu Galin 9:16

Dewa katanya, naylat kyay nung o gleleg laman lumag o ku fagmabalyananun, ay laman ku ngayan umtoglag sas fagdaul daga.

Isayas 63:12

Dada wan Yawi, at nafon sas Muisis at fagmabalyananun laman gfawabilug dagat si tam salubangan, laman kanya kadungug kabavn?

Isayas 63:14

Yawi at Falad nafafiangalay antam, kata sik ngay baka nu glao sas fagnamafangonan sas datag.” Yawi, nalaga tuo emi am ngay taw, laman gfauseganan tuami emu.

Eremyas 13:11

Nu setain kanya fag famutus fagwan nu gfutus taw at fagwan, kaylat kyangay nangus ngay taw Uda ay taw Erusalem nu masadi sa angku. Nafili au anya fagayu laman namauseganan ay nanseg angku, dewa katanya, kanya fagayu wa naylat. Au, Yawi, taglong tuy.”

Daniel 6:28

Kaduge fun Daryu gfunan ay anggan gina fun Sirus fag taw Persya gfunan, Daniel manabayan tua.

Daniel 9:15

“Em Fun Dius, nafalag o am fagmabalyananun gina o gfalfas am ngay taw siginans talun Igiptu. Nu katanya, dasug katsi kadungug tuo gugat. Gafanud ami te, nasalan ami ay nafakamulun ami at mauri.

Fakamulun 7:36

Muisis nafangguna ay nafalfas ngay taw Israel siginans talun Igiptu. Ay kaduge ufatk safuluk banwa, kanya nafakamulun at ngay madulo ay at mabalyanan fag ngay fakamulun tagfatoglag te, Dius si anya. Anfasludan takatanya gina kanya fagayu glao siginans talun Igiptu ay gina gdife sis Dagat Maraska ay sit yud e taw fag talun.

Deuterunumyu 11:3

ay wa yangay nalag at ngay nafakamulun fag ngay madulo sis talun Igiptu, sas Igiptu at fun ay sas fagdaul sanya fag talun.

Deuterunumyu 4:34

O nunda e tibak dius at nafaskud gbul sik gaban taw siginan sik talun laman at ngay taw, siginan ngay famaskud, ay at madulo fag ngay fakamulun, ngay awayan ay at mabalyanan fag ngay fakamulun? Dewa katanya, ay Dius Yawi nafakamulun takatanya sis talun Igiptu, ay am wan at nalag takatanya.

Deuterunumyu 6:22

Nalag ami at ngay nafakamulun at mabalyanan ay at maksvn nu madulo nu gfaurianan ngay taw Igiptu, anggan Igiptu at fun ay at talnayan.

Deuterunumyu 7:19

Nalag am ngay famaskud ay ngay madulo nusnga setaw, ay Dius Yawi at nafasure siginan at fagmabalyananun, gina gfaduksun ayu. Katanya yangay ban, ay Dius Yawi at fakamulun sa ay fakalimuun fag ngay taw.