Eremyas 32:19 - Fanawbuid tagsibaliwas Fakayabian

¹⁹ At kasine am ngay algan, ay at kadulo am ngay nafakamulun. Glag way o fagayu taw at nafakamulun ay gfasud o ngay taw kata at ngay ugali ay at nafakamulun.

Eremyas 32:19 ပူးပေါင်းရင်းမြစ်များ

1 Fun 8:32

dungugani anya sanya sis banwa ay insafuli am ngay fagsuguan. Faurianani at ke ngay asalanan ay tuyani at yud e asalanan te, di e malong, laman fagayu taw sumaful te, di e asalanan.

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Ub 34:11

Kanya gfon sa sangay taw kata at ngay mesa nafakamulun, ay at fagfonan sa way lang tagugali at matuyan.

Ub 34:21

Dius gulit ngay taw at fakamulun.

Alubad. 111:2

Yawi at ngay fakamulun maksvn nu madulo. Ay fagayu taw taguseganan sanya baliwa gamatangan tua gugat takatanya.

Alubad. 34:15

Yawi gulit tua ngay taw at matuyan ay gdungug tua at ngay darangin.

Alubad. 62:12

Ku Fun, mafangesug tuo. Matuyan wan, gfon o sa sangay taw famangsi sat ngay nafakamulun.

Alubad. 92:6

Ngay taw at yud e fagsafulun wa saful te, kata ban kanya ngay taw mauri at fakadasugan.

Nu Galin 15:11

Yawi, sinu ya fag dius tagtungud emu? We gtungud ya emu sam fagmatuyanun ay sa am fagmabalyananun. Ay fagayu am nafakamulun madulo.

Fangatulun 5:21

Aroro Yawi glag way fagayu am fakamulun, ay nusnga nday o, gulit way emu.

Fangatulun 8:14

Sik tagsaful au gfangatulun, ay ku fagsafulun matuyan tua, mamatanganan ktua ay mabalyanan.

Takamoyung 12:14

Aroro Dius ban ginsaful tam ngay nafakamulun, at masine ay at mauri, at masure ay at masuksukan.

Isayas 28:29

Kanya fag fagsafulun siginan tuas Yawi at Mabalyanan. Masine at ngay fangatulun, ay maylat at fagsafulun.

Isayas 40:13

Sinu tagsaful Yawi at amatanganan? Ay sinu at mafalu anya te, fakatatuyi tua am fakamulun?

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 16:17

Nalag au kanya fagayu at ugali ay we masuksuk sa angku. Ay nalag kyangay kanya fagayu at ngay asalanan.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Daniel 2:45

Kanya kata am nalag at kintong fag gang siginans buksul (bunwa siginans taw at nafakamulun) at narufa kanya fag fagsegan at mawatan sanbung, tansu, lutuk, sanbung salapi, ay gintu. “Em fun Dius mabalyanan tua, ay nalong sa emu takadasug ban. Kanya am taginfan at masuad. Kanya fagayu ku nalong matuyan.”

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Sakaryas 9:1

Kata tuy Yawi at longan: “Namaurianan au furuan Kadrak ay Damasku. Aroro ngay taw nusnga nday, kaugat wan Israel at ngay kasugfunanan sa tua anya nu gdama.

Mateu 16:27

Aroro au, Taw at Baguama, kadasug kban stae at ke fagmasineun siginan ku Mama, gfasfuan at ngay tagbarita. Ay ginanya ban gfon au sas fagayu taw kata at nafakamulun.

Uan 5:29

Ay kanya ban fagayu mesa gduksun siginan at fagmafolianan. Fagayu at nafakamulun at masine gdog yay ban kafulo ay e leleg at yud e fakatabuan kabavn. Ay fagayu at nafakamulun mauri gdog yangay ban kafulo ay gafaurianan.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

At Nafasure 22:12

“Amatangani, gakadasugun kwan. Gbuba au ku famonun ku fagnamonun sas galay sadik taw kata at nafakamulun.