Eremyas 32:18 - Fanawbuid tagsibaliwas Fakayabian

¹⁸ Nafalag o am fakafanyun sas ngayuk libuk taw, dewa katanya, gfaurianan o at ngay sisian aroro sat ngay fagtainan at ngay asalanan. Dius mabalyanan o, am ngayan Yawi at Mabalyanan.

Eremyas 32:18 ပူးပေါင်းရင်းမြစ်များ

Fakasigadan 49:24

Ay dewa katanya, anggan ban o, gfana o gugat anya fagayu, ay am ngay take ban mabitsug tua gugat, aroro siginan Akub at Dius at mabalyanan, Israel at tagulit ay at fagsarirungan at gubuk.

2 Fun 9:26

‘Egmenit nalag au Nabut talamean at taguk.’ Yawi nalong te, ‘Gfaurianan au Akab sis Nabut at daga.’ Nu katanya, namul o Akab at bilug ay nangukas o sas Nabut at daga kata Yawi at longan.”

Nemyas 1:5

Ay nalong au te, “Yawi, o wan at mabalyanan ay at madulo fag Dius. Nafafasludan tuo am nasadian ke fakesugun sas fagayu takesug emu ay sa tagfaning am ngay Faugali.

Alubad. 50:1

At mabalyanan fag Dius, Yawi garingang. Kanya guro gfaful sas fagdaul daga at ngay taw, siginans fakamenitan anggan sas fakayabian.

Alubad. 89:9

Si wayam daga fagmabalyananun taglugwak fag dagat, ay gfaragang o at maksvn fag lugwak.

Nu Galin 34:6

Yawi nadalan sas Muisis at daga salubangan ay nalong te, “Au Yawi, at mafangafanyu, at mafanggubuk fag Dius, at mafangesug, at matuyan, ay at yud masakit kadotama.

Nu Galin 34:7

Gfalag au ku fakesugun sas ngayuk taw, ay gfalyam au at ngay fagmauriun, at fagyudun gfaning ay at ngay asalanan, dewa katanya, gfaurianan kban ke ngay asalanan anggan at ngay sisian ay at ngay fufu anggan sas fatulu ay faufatk kasugfunanan.”

Isayas 10:21

Ay at kinsawad ban at ngay amatanganan umfoli sat Mabalyanan fag Dius.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 10:6

Yawi, we mafasud emu; mabalyanan tuo ay am ngayan kadungug.

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 31:35

Au, Yawi tagsugu menit laman gyamag fagngabak menit, ay au wan tagsugu magdanun ay ngay galeme laman gyamag fagngabak yabi. Ay au yangay tagfauigan dagat ay tagfafawas ngay lugwak. Au, Yawi at Mabalyanan, taglong tuy.

Eremyas 33:2

Kanya glong te, “Au at nawat fagdaul daga, ku ngayan Yawi.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Daniel 2:45

Kanya kata am nalag at kintong fag gang siginans buksul (bunwa siginans taw at nafakamulun) at narufa kanya fag fagsegan at mawatan sanbung, tansu, lutuk, sanbung salapi, ay gintu. “Em fun Dius mabalyanan tua, ay nalong sa emu takadasug ban. Kanya am taginfan at masuad. Kanya fagayu ku nalong matuyan.”

Abakuk 1:12

Abakuk nalong te, “Yawi, o wan ku Dius siginan ebi. O wan at yud e malong ay at yud e fakatabuan fag Dius. Yawi ku fagsarigan, nafili o ngay taw Babilunya laman gfaurianan emi.

Tap 14:18

mafangesug o ay di o gfangadotama ay gfalyam tuo ngay taw at asalanan. Dewa katanya, gfaurianan o ngay tagasalanan, sitsigons fatulu ay faufatk kasugfunanan.

Mateu 27:25

Ay kafag ngay taw nabalus te, “Kin, dewa ami ay em ngay sisian ke asalanan sat fakabulun.”

Lukas 6:38

Famoni tua ay e gfon yangay ban ayu, aroro at famafoli ban sa ayu matignan tua ay matarangas. Aroro nu seyuk tasan ay nafon sa ay iba, kayu yangay ban nya at fon ayu.”

Deuterunumyu 10:17

Aroro ay Dius Yawi, gtungud tua tibak dius ay tibak fun. Kanya at mabalyanan tua ay at madulo fag Dius. Kanya di e fagfili ay wa gbul famaylatan fag famonun.

Deuterunumyu 7:21

Lag am kalimu anya aroro ay Dius Yawi galo tua ayu, at mabalyanan ay at madulo fag Dius.