Eremyas 32:17 - Fanawbuid tagsibaliwas Fakayabian

¹⁷ “Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Eremyas 32:17 ပူးပေါင်းရင်းမြစ်များ

Fakasigadan 18:14

O nunda Yawi e fagyudun mafakamulun? Kata ku longan te, kafoli kyay ban stie sat fadogan fag banwa, kata katsi fag buknga, ay Sara namasalug ban sik munama.”

2 Fun 19:15

Sanya ginan, kanya gdarangin te, “Yawi, Israel at Dius, at malunggung sit faglunggungan sis wabilug ngay awatan at ke fakfak, o way lang Dius sas fagayu fagfagtainanan sas fagdaul daga. O wan at nawat banwa ay fagdaul daga.

2 Fun 3:18

Yawi mafakamulun takatanya, ay namababo ayu sa sangay taw Muab.

Nemyas 9:6

Yawi, o wan at nawat banwa, ngay galeme, daga ay dagat, ay fagayu tagbanwan sanya. Ay nafae leleg o fagayu am awatan tagleleg, ay am ngay tagbarita sis banwa gseg tua gugat emu.

Ub 42:2

“Nasaful au te, mafakamulun o fagayu, ay nusnga sinu we mafaragang emu.

Alubad. 102:25

ay nawat o banwa ay daga.

Alubad. 136:12

Siginan at fagmabalyananun, kanya nafalfas anya fagayu. Nu mafangesug di e fakatabuan.

Nu Galin 20:11

Kaduge unumk menit, nawat au banwa, ay daga, ay dagat, ay fagayu tagsanya, ay natungkud au sis fafituk menit. Nu katanya, nafili kwan Famiangalay fag Menit, ay tuy at nafasamanan fag menit laman sa angku.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 59:1

Dungugani! Yawi mafalangfe tua, ay gdungug tua nu e get sa anya.

Eremyas 1:6

Ay nabalus au te, “Ku Fun Yawi, kya makatu namoyung am longan, aroro baguama kyay.”

Eremyas 14:13

Dewa katanya, nalong au te, “Yawi em Fun, saful wo ngay taglong glong gugat sa anya fagayu te, ‘Wa ban e awayan ay e fanlunus takadasug aroro Yawi glong te, gfon kban gugat fagmanabayanun ste fag talun.’ ”

Eremyas 21:2

“Namainfanyuan o sas Yawi te, gubuki emi, aroro Nabukudunusur, Babilunya at fun, namawayan emi. Tiba ginan ro Yawi nafasure sik madulo kata ebi at nafakamulun, laman karagang fun Nabukudunusur nu namawayan emi.”

Eremyas 27:5

Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 32:27

“Au Yawi, fagayu taw at Dius. O nunda e fagyudun au mafafakamulun nusnge wain?

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Eremyas 4:10

Sanya ginan, nalong au te, “Yawi, ku Fun, nafamuag o sam ngay taw, aroro ebi nafatuyanan o sa anya fagayu te, manabayan tua ban gugat Erusalem. Ay dewa katanya, katsi fiso tagsumbalian at uyup mafalganan wan laman namabul emi.”

Eremyas 51:15

Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Esekyel 11:13

Kaduge au glong Dius at longan, Pelatya, Benaya at baguama, anbul. Ay namalub au ay maksvn nu guro te, “Yawi ku Fun, o gfabul waban o fagayu at sawad fag ngay taw Israel?”

Esekyel 9:8

Kaduge kanya fagayu gfabul, au anfamato kway. Ay namalub au gdarangin te, “Yawi, ku Fun, o nunda gfamin wo fagayu taw Israel aroro kadotama o furuan Erusalem?”

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 6:20

Ay kanya nu ndasug sanya, mabaluanan guro te, “Daniel, tagleleg fag Dius at fagsuguan, o Dius nafalangfe tua emu sis wa liun?”

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.

Sakaryas 8:6

Yawi at Mabalyanan nalong yay fia te, “At sawad ban fag ngay taw umke amatanganan te, maidap way ban takatanya nu kafasludan. Dewa katanya, wa maidap sa angku.

Tap 11:23

Ay Yawi nalong sas Muisis te, “O nunda ku fagmabalyananun e fakatabuan way? Katsi ro lumag o te, o anud ku ngay longan kafasludan o ay mannga duan.”

Mateu 19:26

Ay Isus nadama at ngay tagadal ay glong te, “Ngay taw at fagyudun mafafakamulun, Dius mafafakamulun tua.”

Markus 10:27

Ay Isus nadama at ngay tagadal ay glong te, “Ngay taw at fagyudun mafafakamulun, Dius mafafakamulun tua.”

Lukas 1:37

aroro Dius mafafakamulun nusnge wain.”

Lukas 18:27

Ay Isus nabalus te, “Ngay taw at fagyudun mafafakamulun, Dius mafafakamulun tua.”

Fakamulun 14:15

“Wain ay fagfakamulunun takatanya? Ami, taw yangay ami kata ayu. Gfoyung waymi sa ayu at Masine fag Barita laman gubun am ay ngay fagsegan at yud e tungkul ay tumoglag am tagleleg fag Dius at nawat banwa ay daga, dagat ay anggan fagayu tagsanya.

Fakamulun 15:18

Ay nu gfoyung kafag longan siginan wa ebi.’

Fakamulun 17:24

“Kanya fag Dius banwa ay daga at fun, ay at nawat daga ay fagayu tagsanya. Ay kanya wa gbanwan sis taw at nawat fag bale,

At Nafasure 4:11

“Em Fun ay em Dius, e fagmasineun tuo gbul famauseganan ay nu gseg, ay fagmabalyananun, aroro fagayu nusnge wain o wan at nawat. Ay gfaning kata am fakaylatun, kanya fagayu ankawat.”