Eremyas 32:10 - Fanawbuid tagsibaliwas Fakayabian

¹⁰ Kanya nariruk at ngayan ay nafae famatoglag sis nasadian fag fafil laman gbayad kanya fag daga sis salubangan ngay tagfatuyan, ay kanya nafabudbungguan ku famayad fag salapi.

Eremyas 32:10 ပူးပေါင်းရင်းမြစ်များ

Fakasigadan 23:16

Ay Abrayam naylat Efrun at nalong at kayuan fag famayad. Nu katanya, Abrayam nafabudbungguan ufatk sandank lifung salapi kata ebi fag ngay tagfalao nu gfae bayad. Ay kanya nafon sas Efrun si sangay taw Ket at daga salubangan.

Fakasigadan 23:20

Nu katanya, kanya fag gamasun anggan kafag luib, ebi ngay taw Ket way at fagagbilugun, ay Abrayam nagbilug wan, ay nawat at fagfolian.

Ub 14:17

Ay gfalyam ban o ku fagmauriun kata nu masuadan si sik fagsuadan, ay natabun laman wo glag ya.

Sulumun at Alubad 8:6

Lag o e fakesugun tibak mangena, abat ngate amatangi tua gugat ku ngayan laman fagsafulan te, au wan tagagbilug emu. Ay kabavn, au yakman lang am fagugwanun, aroro fagfangasulupun mogat kata fagfolian, ay fakedkesuganun mabalyanan kata fakabulun, kata sik afuy tagbia at maksvn nu gigang.

Isayas 30:8

Yawi nalong sa angku te, “Gewan, riruki sa sik fafil ku nafayudan sa sangay taw Israel, laman ban gfamatang ay gfatuyan at ngay asalanan kabavn.

Isayas 44:5

Ay tiba glong te, ‘Au Yawi ktua at taw,’ ay tiba glong te, ‘Au Akub ktua at kasugfunanan.’ Ay tiba nanriruk sat daluap Yawi at ngayan, ay nantuyan at sadili te, taw Israel.”

Eremyas 32:12

Ay nafon au kafag nasadian sas Baruk, Nerya at baguama ay Makseya at fufu, sis Kanamel at daga salubangan ay si sangay taw at kinriruk at ngay ngayan, ay sis salubangan ngayuk taw Udyu at malunggung si sangay tagulit at fagmafulan.

Eremyas 32:25

Ay dewa anfasludan takatanya, o wan at nasugu angku laman namayad au kafag daga sis salubangan ngayuk tagfatuyan, ngay taw Babilunya dewa ganangagbilugun wan tuy fag furuan.”

Eremyas 32:44

“Ay sanya ban fag talun gdog tua e gfabayad at ngay gamasun ay kawat at ngay nasadian ay gfae famatuyan, ay e ngay tagfatuyan ban sit ngay nasadian. Katanya ban at fakamulun sas Benamin at daga, ay sa sangay daga at maligung sis Erusalem, ay sis Uda fag ngay furuan, ay sa sangay buksul ay sa tangayu fag buksul tagsis fakayabian ay anggan tagsis Negeb fag ngay daga. Umfasludan ban takatanya aroro namafoli kban ku ngay taw sat talun siginan at fagatabananan. Au, Yawi, taglong tuy.”

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Mateu 27:66

Ay kanya fag ngay taw nalo wan ay nafaksvn kafag fagfolian siginan nu gdafut sik taru laman ngay taw kalimu tua gluang. Ay nasugu yangay sanya sik ngay tagfawayan laman gulit.

Uan 3:33

Nusnga sinu tagafanud sat foyungan gfatuyan te, matuyan tua Dius.

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

2 Kurintu. 1:22

Dius nafatuyan te, itam wan at ngay taw, ay kanya nafasa antam at Masine fag Falad laman tagfatuyan te, mul ban tam at ngay fatuyanan.

Efesu 1:13

Ay kanya nafasadi yangay ayu sa tam Fun Isus nu nadungug am at matuyan fag longan, at Masine fag Barita tagfon fakalangfean. Ay aroro anke fagafanudun tuam, kanya nafon tua sa ayu at Masine fag Falad, laman at famatuyan te, kanya nafili ayu.

Efesu 4:30

Ay lag am gfae fakabaluun Dius at Masine fag Falad. Aroro kanya wan fakatoglagan te, masadi tuam si anya, ay tagdiri ayu anggan ban andasug Dius at falganan fag menit laman gfalangfe ayu.

Deuterunumyu 32:34

Yawi saful way kafag ngay taw at nafakamulun, ay nafaful yay at ngay fakamulun takatanya ay gfanya sik buknga laman gfaurianan anya fagayu.

Uswe 18:9

Nu katanya, kanya fag ngay taw nalao wan laman nanginsaful kanya fag talun. Ay kanya fagayu nawat sik fagaloan, laman gafud sas fitu tagsanya fag ngay furuan. Sanya ginan, kanya fagayu anfoli wan sas Uswe sas Silu.

At Nafasure 7:2

Ay nu ntabu takatanya, nalag kyangay sadi yak tagbarita nu kasure siginans fakamenitan, gbuba tagleleg fag Dius at fakatoglagan. Kanya guro sas ufatk tagbarita, Dius at fagfonan fagmabalyananun gfauri daga ay dagat.

At Nafasure 9:4

Ay e nalong sa anya fagayu te, “Lag am gfakamulun at mauri sa sangay makmak, sa sangay kayu, ay sas nusnga setaw fag fananumun. Ay fagfauriun ngay taw yakman lang at yud e rirukan sit ngay dangasan, Dius at fakatoglagan.”

Rut 4:1

Ay Buas nasas sakbawan furuan ay namalunggung sanya. Ay Elimelek at kalongan fag mangama nu nadalan, Buas nalong sa anya te, “Sama, gewan, malunggungi ste.” Ay kafag mangama namalunggung.