Eremyas 31:9 - Fanawbuid tagsibaliwas Fakayabian

⁹ Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Eremyas 31:9 ပူးပေါင်းရင်းမြစ်များ

1 Krunika 29:10

Dabid nafauseganan Yawi sis salubangan ngay taw. Glong te, “Yawi, em mangaguyang Akub at Dius, o way lang em fagfausegananun kabavn!

Alubad. 107:7

Kanya nataban tua anya fagayu sat mataglayun fag dalan laman sat fagnamanwanan fag furuan.

Alubad. 23:2

Ay gfafiangalay angku kata sik tupa sa sik fagnamafangonan tangayu at makmak, ay gtabanan angku sat manabayan fag bulbug.

Alubad. 89:27

Gtuyan au sa anya te, sia wan ku baguama taguna, ay tagtungud ngay fun nu mabalyanan.

Nu Galin 4:22

Sanya ginan, longi sa anya te, ‘Katatuy Yawi at longan: Ngay taw Israel wan ku sisian taguna.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 43:20

Fagayu ban mangilafang gfauseganan angku, gasfuan ngay idu talun ay ngay ebo, aroro namae bulbug kban sat magong fag talun, laman ku nafili fag ngay taw e fanginum tua.

Isayas 45:11

Yawi, Israel at Dius at yud e Malong, at nawat anya fagayu glong te, “O gfayud am ku ngay nawat? O gsugu yayam angku te, ‘Fakatatuyi tua nu kawat o’?

Isayas 57:14

Glong au te, ‘Fasinei dalan ku ngay taw at fagnanloan.’ ”

Isayas 63:13

Dada wan ebi at nagubuk antam gina tam gdife dagat? Ay di tam antaid kata sik ngay kabayu nu glao sit masine fag dalan.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 3:4

Ay katsi glong am sa angku te, ‘Em Mama, o wan em fagadgalangan siginan nu masisian ami.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Usea 12:4

siginan at tagbarita, ay nababo. Ay kanya gwayway gfainfanyu sanya fag tagbarita te, “Fadantei angku.” Kanya nalag Dius sis Betel, ay sanya Dius nafakamatoan anya.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Malakyas 2:10

Malakyas nalong sa sangay taw Israel te, “O nunda tam mama wa sadi? Ay o nunda wa sadi at nawat antam? Wain ay fakadkamuaganun? Nu katanya, nafa yud tam e masuad Yawi at nasadian sa tam ngay mangaguyang.

Tap 2:18

“Ay Efraim, Manase ay Benamin at ngay kasugfunanan nu gbale, sis fakayabian baliwa, sit mesa daga famatoglag fag ramit. Kayu tuy ngay tagfangguna at ngay ngayan ay at ngay tagfawayan at kayuan: Efraim Elisama, Amyud at baguama 40,500 Manase Gamaliel, Pedasur at baguama 32,200 Benamin Abidan, Gidyuni at baguama 35,400

Mateu 3:3

Uan Tagfasurung, Dius ebi at taglong Isayas at foyungan te, “Sik taw guro sis talun at yud e taw te, Falganani tam Fun at dalan. Faturunani at fagnanloan.”

Mateu 5:4

Mauseganan ngay taw takabalu, aroro kanya gbul ban Dius at nafatuyanan.

Mateu 6:9

Ay nu gdarangin am longi te, ‘Em Mama sas banwa, Ngay taw nangus sumeg tua am ngayan,

Lukas 6:21

“Mauseganan tuam, am fag ngay taw takalunus, aroro e gfapsug ban ayu. “Mauseganan tuam, am fag ngay taw tagwayway, aroro kase tua ban am.

Ruma 8:26

At Masine fag Falad ggubuk antam sa tam fagmamomuyun. Ya tam saful nusnge wain tam fagdaranginun, dewa katanya, at Masine fag Falad tagfaman antam gdarangin sas Dius, ay ginas tam fagyudun makatu garingang.

2 Kurintu. 6:18

“Ay au waban fia ay Mama, ay am waban fia ku ngay sisian. Au wan, ay Fun at mabalyanan, at nalong takatanya.”

Deuterunumyu 14:1

Am wan tam Dius Yawi at ngay sisian. Nu katanya, nu kabalu am at kinbul, lag am gfilas ay ngay sadili ay lag am gufo ay buk,

Deuterunumyu 32:6

Ngay taw at yud e fagsafulun, o nunda ban katanya way ay famafoli sas Yawi? O nunda bunwa sia ay Mama at nawat ayu, ay at nafasik gaban ayu?

Ebreu 12:13

Turunani tua nu glao am sat masine fag dalan laman ban at ngay mamomuy di galbi, abat ngate mabitsug tua.

Ebreu 12:23

Ay andasug wam sas Dius at ngay taw at maful, at natuyan te, at ngay sisian taguna kasalug. Kanya fagayu at ngay ngayan marirukan tua sis banwa. Ay andasug am sas Dius tagwabilug fagayu taw, ay sat matuyan fag ngay taw at ngay falad, Dius at nafayud e malong.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”