Eremyas 31:8 - Fanawbuid tagsibaliwas Fakayabian

⁸ Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Eremyas 31:8 ပူးပေါင်းရင်းမြစ်များ

Alubad. 107:3

Aroro kanya nafaful ayu siginan tibak talun, siginans fakamenitan ay fakayabian, ay anggan siginans dua alvngvdan.

Alubad. 65:5

Dius em tagfalangfe, nabalus tuo em darangin, ay nafalangfe tuo ay nafalag sa emi am ngay nafakamulun at madulo. Ay fagayu taw tagsas dife dagat anggan ngay taw sas fagdaul daga gseg tua emu.

Alubad. 98:3

Kanya di kalyam nu kesug ay nu matuyan sa antam fag ngay taw Israel. Ay ngay taw sas fagdaul daga nalag tam Dius nu gfalangfe antam.

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Eremyas 16:15

Nu bunway, kata way ban tuy nu gfatuyanan: ‘Gfatuyanan au sas Yawi, tagleleg fag Dius at nafaduksun ngay taw Israel siginans fawalan fag alvngvdan fag talun, ay sa sangay talun nu inda nu gfasaruayan anya fagayu.’ Aroro namafoli kban anya fagayu sa ku nafon sat ngay mangaguyang fag talun.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 23:8

Abat ngate, kanya ban fagayu glong way te, ‘Gfatuyanan au sas Yawi, tagleleg fag Dius at nafalfas ngay taw Israel siginan ngay talun sas fawalan fag alvngvdan ay sas fagayu talun nu inda nu gfasaruayan anya fagayu.’ Ay kanya ban fagayu gbanwan wan sit talun.”

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Eremyas 3:18

Ginanya ban, ngay taw Uda ay ngay taw Israel gadgaloan siginans fawalan fag alvngvdan siginan at fagatabananan ay kafoli sa ku nafon sat ngay mangaguyang fag talun laman at fagagbilugun.

Esekyel 20:34

Ay siginan ban ku fagmabalyananun ay ku dotama, namaful au ayu siginan ngay talun nu inda nu gbanwan am,

Esekyel 20:41

Gina kban nafaful ayu siginan ay mesa fagbanwanan fag ngay talun, kaylat kwa ban ayu kata nu kaylat au gayuk at mabebanglu fag fanggalangun laman sa angku. Kaduge ban tibak furuan gdama gfalag kban sa ayu ku fagyudun e malong.

Esekyel 34:12

Nanrvbvy kban anya fagayu kata sik tagalaga tupa nu grvbvy at ngay tupa tagsaruayan. Namaful kban anya fagayu siginan sangay talun nu inda nu marapyagan gina fag buknga e fagmauriun.

Esekyel 34:13

Siginan ban tibak talun namaful kban kanya fagayu ay namuba kban sat talun. Nangalaga kban anya sanya sa sangay buksul, ay si sangay tigyangan liskung tagsis talun Israel, ay si tibak fagbanwanan fag ngay talun.

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Mikas 4:6

Yawi nalong te, “Ginanya ban fag ngay menit, namaful kban ku nafaurianan fag ngay taw, kata sik ngay tupa tagalbi ay at narapyagan. Ay at ngay sawad namasik mabalyanan kban fag talun. Ay siginan ban ginanya fag menit, namagtainan kban anya fagayu sas Buksul Siun.

Sefanias 3:19

Ginanya ban fag menit, gfaurianan kban fagayu tagfaidapan ayu. Kata am tagalbi ay at nasaruayan fag ngay tupa, dewa katanya, namalangfe au ay namaful ayu. Ay ebi, nafaplan am, dewa katanya, namauseganan au ayu, ay namasik takadungug sas fagdaul daga.

Sakaryas 2:6

Yawi nalong sa sangay taw Israel te, “Nafarapyag au ayu sas fagdaul daga. Dewa katanya, katsi, lagyui wan am tagsis fawalan fag alvngvdan fag talun. Ay am at natabanan sas talun Babilunya, lagyui yangay, ay afolii wan sas Siun.”

Mateu 12:20

ay dewa e sik sigbo malukyukan, di ban ggatvng. Ay dewa sik salung gakarabungun, di ban gfarabung. Ay kanya ban gfataglayun nu gfakamulun yakmay ban nafae fagmatuyanun.

Uan 21:15

Isus ay at ngay tagadal nu nafangon wan, Isus nainto sas Simun Pedru te, “Simun, Uan at baguama, o kesug o angku gtungud yay tuy fagayu?” Ay Pedru nabalus te, “Sabv, em Fun, nasaful wo te, kesug au emu.” Ay Isus nalong anya te, “Fafangoni ku ngay tupa riangan.”

1 Kurintu 8:10

Aroro o at ke fagsafulun, nu kon way o sis bale fagnansegan sat yud matuyan fag fagsegan, ay sik taw at momuy at fagafanudun nu nalag emu, kanya ro nangon yangay kata emu, kanya dewa gamatangan te, takatanya asalanan way.

Deuterunumyu 30:4

Ay Dius Yawi dewa naiyan ayu sa tangayayu fag talun, kanya ban gdog yay gfaful ayu,

1 Tesalunika 5:14

Em ngay faduksay, glong ami ayu te, famatangi sat ngay momuy laman gfakamulun tua, ay fabitsugi at mamomuy at fagafanudun ay gubuki at yud e fagmakatuun, ay mafangagwantai tua sas fagayu taw.

Ebreu 12:12

Nu katanya, fabitsugi ay ngay take at mamomuy wan, ay ay ngay tud taglukmean.

Ebreu 4:15

Tam Tiba Tungud fag Tagfon Fanggalangun kanya nasaful tam ngay kamomuyan, aroro kanya nadalan wan fagayu famaskud kata antam, ay dewa katanya, kanya we asalanan.