Eremyas 31:6 - Fanawbuid tagsibaliwas Fakayabian

⁶ Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Eremyas 31:6 ပူးပေါင်းရင်းမြစ်များ

2 Krunika 13:4

Ay Abya ay at ngay tagfawayan nu ndasug sas Efraim at fagagbilugun fag ngay buksul, kanya fagayu namalindug sis tungud buksul Semaraim ay nauro Erubuam ay ngay taw Israel ay nalong te, “Dungugani.

Esra 1:5

Yawi nafamatangan tibak taw Israel laman kafoli sas Erusalem. Nu katanya, kanya fagayu nafalganan laman nangawat Yawi at bale. Ay galo yangay sanya Uda ay Benamin at ngay kasugfunanan, anggan ngay tagfon fanggalangun, ay ngay taw Lebi.

Alubad. 84:5

Mauseganan ngay taw at kinke fagmabitsugun siginan emu ay takaylat tua gugat glao sam bale.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Eremyas 50:19

Dewa katanya, gfafoli kban ngay taw Israel sat talun. Ay kanya ban fagayu umkata sik ngay tupa tagfangonan sis buksul Karmel, ay sis datag Basan, ay tagsis Efraim ay sis Gilyad fag ngay buksul, ay kanya fagayu umkapsug.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Esekyel 3:17

“Taw at baguama, nafili au emu laman tagulit ngay taw tagbanwan sis talun Israel. Nu katanya, nusnga setaw am nadungug siginan angku fag ngay famararang, nanlong o fia sa anya fagayu.

Esekyel 33:2

“Taw at baguama, nanlong o sam ngay kaiban te, ‘Nu nasugu au te, fawayani sik talun, at ngay tagbanwan sanya gfili at sadi at kaiban laman at nangulit at furuan.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 9:8

Au wan Dius at taglong ay kanya gufud angku kaduge au gfangguna ayu. Dewa katanya, nusnga nday tam, kaylat wayam gfaidapan angku. Kata au sik manuk tungud at kinsangdaw. Ngay taw Israel wan Dius at natuyan at fagbanwanan, dewa katanya, kanya fagayu kadotama angku.