Eremyas 31:5 - Fanawbuid tagsibaliwas Fakayabian

⁵ Ay gdog yay ban am gtanum wat ubas sa sangay buksul sis Samarya, ay gfanagsag ban am at ngay rawvg.

Eremyas 31:5 ပူးပေါင်းရင်းမြစ်များ

Alubad. 107:37

Kanya fag ngay taw gtanum ngay ubas ay tiba yak fananumun, ay ngayu at gutluan.

Eremyas 32:15

Aroro ste ban fag talun at ngay taw gdog yay gbayad at ngay ramraman. Kanya ban fagayu gfalao at ngay bale, ay at ngay gamasun anggan at ngay tanuman ubas.”

Esekyel 28:26

Kanya ban fag ngay taw manabayan tua nu gbanwan, ay kawat ban at mesa bale ay gtanum ngay wat ubas. Wa ban e mafauri ya anya fagayu gina kban nafaurianan fagayu at fakbangan fag ngay talun tagfalingun anya fagayu. Kanya ban fag ngay taw sumaful te, au at Fun Dius Yawi.”

Esekyel 36:8

“ ‘Ay siban ayu fag ngay buksul tagsis talun Israel, gtugbung ngayuk kayu tagrawvg laman sa ku ngay taw Israel, aroro ku ngay taw ban guli way vtv.

Amus 9:14

Ay gfafoli kban ku ngay taw Israel sat talun siginan at fagatabananan. Ay kanya ban fagayu gdog yay nangawat at ngay furuan kinrasras wan ay gbanwan sanya. Ay kanya ban fagayu nananum wat ubas laman e fanginum tua fanlangu. Ay nananum yangay ban sat ngay fagtanuman laman ban at fakonun.

Ubadyas 1:19

“Ngay taw Israel tagbanwan sis talun Negeb, nangagbilug ban Isaw at fagagbilugun fag ngay buksul. Ay ngay taw Israel tagbanwan sa sangay buksul, nangagbilug ban ngay taw Filistia at talun, ay nangagbilug yangay ban Efraim ay Samarya fag talun, ay Benamin ban at kasugfunanan nangagbilug Gilyad fag talun.

Mikas 1:6

Nu katanya, Yawi nalong te, “Nangiklas kban Samarya laman umsik fagtanuman wat ubas. Ay namabaras kban ngay gang sanya ginan fag furuan yakmay andasug sas datag ay yakmay ansure kafag furuan at ngay fagfatungkudan turuk.

Mikas 4:4

Ginanya ban, ngay taw nanmalunggung manabayan sat mesa tanum wat ubas ay fun kayu igus at lanbung. Matuyan umfasludan ban takatanya, aroro Yawi at Mabalyanan at nalong.

Sakaryas 3:10

Ginanya ban fag menit, manabayan tua nu mabanwan am. Galay am at sadi nantaban am ay ngay fasabale laman nanmalunggung am manabayan sis daga fun wat ubas ay sis daga fun kayu igus. Au, Yawi at Mabalyanan, taglong tuy.”

Deuterunumyu 20:6

Ay nu e bagu wayam gtanum wat ubas, ay yay nagutlu, kanya ulii yap aroro manbul sis awayan ay manyud ban sia at gumutlu.

Deuterunumyu 28:30

Tiba bank mangama gago ayu ay ngay fabubayan. Kawat ban am ay ngay bale, dewa katanya, bunwa ban am at namanwan. Gtanum ban am wat ubas ay bunwa ban am taggutlu.

1 Samwel 21:5

Dabid gbalus te, “Yami gfataladan em ngay mangena nu glao way mi sas awayan. Em fagnamakamulunun dewa way em fagfakamulunun gugat, wami kaylat nu kae mamalong ami. Kaugat wan takaksvn katsi em fagnamakamulunun.”