Eremyas 31:34 - Fanawbuid tagsibaliwas Fakayabian

³⁴ Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 31:34 ပူးပေါင်းရင်းမြစ်များ

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

Alubad. 25:7

Aroro mafangesug o ay masine, falyami ku ngay asalanan gina au mabaguama.

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 29:24

Ngay taw ban at yud saful at matuyan sumaful wan, ay takamayud ban guseganan wan nu e gfoyung anya.”

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 52:6

Dewa katanya, sik menit ban tumoglag am ku ngayan, aroro au wan tagaringang gugat sa ayu. Matuyan, au wan.”

Isayas 54:13

Namoyung kban sa am ngay taw laman gbanwan tua manabayan.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Eremyas 33:8

Namasine kban anya fagayu ay namalyam at ngay asalanan at nafakamulun sa angku.

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Usea 2:20

Kabavn ban matuyan ktua sa ayu, ay gtuyan ban am angku te, au wan Yawi.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Mikas 7:19

Gdog yay ban o kafanyu emi ay gfalyam em ngay asalanan kata ebi am nafakamulun, ay nangukas o sasad fagngabasadan dagat.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Lukas 1:77

ay laman namoyung ban o sas Dius at ngay taw te, ‘Dius wan tagfalangfe ay tagfalyam ay ngay asalanan,’

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Uan 17:6

“Nafatoglag kwan emu sam nafon angku fag ngay taw ste sfagdaul daga. Kanya am ngay taw, ay katsi nafon yangay o angku, ay kanya fagayu nafaning tua am longan.

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Fakamulun 10:43

Ngay taglong nafoyung sabaliwas Isus te, fagayu tagafanud sa anya umkalyam wan at ngay asalanan.”

2 Kurintu. 2:10

Nu nafalyam am nusnga sinu fag taw at asalanan, nafalyam kyangay. Ay tam Fun Isus wan tagfatuyan te, nafalyam au kafag taw at asalanan aroro sa ayu,

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

1 Tesalunika 4:9

Ay nu sabaliwa nu kedkesugan am, wam fagfoyungun ya, aroro Dius nafoyung wan ayu te, edkesugani.

Ebreu 5:12

Katsi nangus sik ngay takamoyung wam. Ay dewa katanya dasug katsi fagfoyungun yayam gugat taguna fag foyungan sabaliwas Dius at Longan. Gayudan yayam gugat susu bilug, ay yam makatu kon at matugas fag fakonun.

Ebreu 8:11

Kanya ban fagayu wa fagfoyungun ya, ay wa ban glong ya sat ngay iba te, ‘Toglagi tam Fun,’ aroro kanya ban fagayu tumoglag tua angku, dewa at mafalingun ay anggan tiba tungud fag taw.

Ebreu 8:12

Aroro ginanya ban gfalyam kwan kafag ngay taw at fagmauriun, ay kwa ban gamatangan ya at ngay asalanan.”

1 Uan 2:20

Ay nafon sa ayu at Masine fag Falad ay nasaful tuam at matuyan.

1 Uan 2:27

Tam Fun Isus nafon sa ayu at Masine fag Falad. Nu katanya wam gayudan ya tibak takamoyung, aroro at Masine fag Falad tagfoyung ayu nusnge wain fagayu. At ugali matuyan ay kanya wa kamuag. Ay faningi at foyungan ayu te, banwani gugat sa tam Fun Isus.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

1 Samwel 2:12

Eli at baguama fagdua mauri ay wa gfaning Yawi.