Eremyas 31:3 - Fanawbuid tagsibaliwas Fakayabian

³ Ebi Yawi ansure sa sangay taw Israel ay nalong te, “Nesug au ayu at yud e fakatabuan. Siginan ku fagmagalangun, nafakbang au ayu sa angku.

Eremyas 31:3 ပူးပေါင်းရင်းမြစ်များ

1 Fun 10:9

Segi Yawi am Dius aroro nafili emu laman sik fun sis Israel. Aroro Yawi kesug ngay taw Israel kabavn, kanya nafasik fun emu, laman namakamulun tuo at masine ay at matuyan.”

Alubad. 103:17

Dewa katanya, di e fakatabuan Yawi nu kesug ngay taw tagsuyu ay tagfaning at nasadian, ay tagamatangan tua gugat at ngay suguan. Ay gfataglayun yangay ban at fagmatuyanun anggan sa kafag ngay taw at ngay kasugfunanan.

Alubad. 25:6

Yawi, amatangi am fakafanyun ay nu mafangesug o, am nafalag sa angku siginan ebi taguna.

Sulumun at Alubad 1:4

Tabanani wa angku; gabanganan wata glao! Fun, tabani angku sam fagtiugan fag suluk. Sim day tigyangan manabayan tuami. Ay nu kaylat ami nu mafangesug o, gtungud yay nu kaylat ami fanlangu. Wa madulo kanya fag ngay mangena nu kesug emu.

Isayas 43:4

Ay namon au tibak talun at ngay taw laman fangungbus emu, laman famaungbus am leleg, aroro o wan at mafanud ay at masine sa angku, ay kesug au emu.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 49:14

Ngay taw Erusalem nalong te, “Yawi nafabayan ay wa gamatang ya emi.”

Usea 11:1

Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.

Usea 11:4

Naufud au anya fagayu fagdaul ku fakesugun, kata sik taw nu galaga at baka laman namafangon anya.

Malakyas 1:2

Yawi nalong te, “Kesug au ayu. Nu katanya, wain ay fagintoun yay te, ‘Tain nu kesug o emi?’ O nunda wam nasaful te, Isaw ay Akub dewa duksay, ku fakesugun Akub tua,

Ruma 8:30

Ay Dius nauro at ngay nafalganan. Ay kanya nafangayan at ngay nauro te, kata nu yud e asalanan. Ay kanya nafon at fagmasineun sa anya fagayu.

Ruma 9:13

Kata at Rirukan te, “Nesug au Akub ay ankuri kway Isaw.”

Deuterunumyu 10:15

Dewa katanya, Yawi nafili ay ngay mangaguyang laman kesug ay nafili ayu at kasugfunanan sas fagayu talun, ay dasug katsi am yay gugat at nafili laman at ngay taw.

Deuterunumyu 33:26

We gfasud taw Israel at Dius. Siginan at fagmabalyananun, kanya gsakay sis tungud linyabu laman ggubuk ayu.

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

Deuterunumyu 4:37

Ay aroro kanya kesug tua ay ngay mangaguyang, kanya nafili ay naufud ayu, ay siginan at fagmabalyananun kanya nafaduksun ayu siginans talun Igiptu.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Santiagu 1:18

Siginan tam natoglagan at matuyan, kanya nafili antam at ngay sisian, laman tagtungud sas fagayu at awatan.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

1 Uan 4:19

Si tua antam fakesugun aroro Dius nesug tua antam.