Eremyas 31:16 - Fanawbuid tagsibaliwas Fakayabian

¹⁶ Dewa katanya, Yawi nalong anya te, “Lag o gwayway ya aroro gfon kban sa emu famonun sas fagayu am nafakamulun. Am ngay baguama ban kafoli yay siginan at ngay fawayan at talun.

Eremyas 31:16 ပူးပေါင်းရင်းမြစ်များ

Fakasigadan 43:31

Sanya ginan, Use nafegus at mata ay anfoli sat ngay faduksay ay nafaragang at fagamatanganun. Ay kanya nasugu te, “Baiti wan fakonun.”

Fakasigadan 45:1

Use wa kagwanta ya, nu katanya, kanya nafaduksun fagayu at fagsuguan. Ay gina sia lang duksayan tagsanya, kanya nafatoglag anya sat ngay faduksay.

2 Krunika 15:7

Dewa katanya, am maksvni tua ay lag kamomuy, aroro e fon ban fia ayu sa ay ngay nafakamulun.”

Alubad. 126:5

Ngay taw dewa gidapan gina gtanum, gina ban ggutlu, galubad tua guseganan.

Alubad. 30:5

Aroro kanya dewa ndotama wa glugo, ay di e fakatabuan at fagmasineun sat nafili fag ngay taw. Ay sisad yabi dewa e gwayway, balabag di manabayan tua.

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 40:10

Yawi tam Fun kadasug, ay namagtainan e fagmabalyananun. Kanya kadasug wan gbuba at ngay famonun sat ngay taw.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 30:18

Yawi nalong yangay te, “Namafoli kyay ban sas Akub at kasugfunanan at ngay furuan at ramraman, ay kafanyu kban anya fagayu. Ay gdog kyangay ban kawat ngay furuan ay at ngay bale tangabat si ebi ataw at fakawatan.

Eremyas 30:3

Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Eremyas 33:7

Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Esekyel 37:21

Ay longi sanya fag ngay taw te, ‘Au, Fun Dius Yawi, glong au te, namaful kban ngay taw Israel siginan at fagnangarapyagan fag ngay talun, ay namafoli sat talun.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

1 Tesalunika 4:14

Gafanud tam te, Isus anbul ay nadog yay naleleg, nu katanya, gafanud yangay tam te, Dius ban nantaban fagayu at kinbul tagafanud sas Isus.

Ebreu 11:6

Sik taw at yud e fagafanudun wa mafauseganan Dius. Nusnga sinu at nangakbang sas Dius masine nu gafanud tua te, e Dius tagleleg ay tagfon at masine sas fagayu tagrvbvy anya.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Rut 2:12

Nu katanya, Yawi ban nangus gfon emu nusnge wain aroro sam ngay nafakamulun. Yawi, Israel at Dius, am fakakbangan gfamut yay ban at ngay fon emu.”