Eremyas 31:12 - Fanawbuid tagsibaliwas Fakayabian

¹² Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Eremyas 31:12 ပူးပေါင်းရင်းမြစ်များ

Alubad. 130:4

Dewa katanya, nafalyam tuo em ngay asalanan, laman gsuyu tuami emu.

Isayas 1:30

Umkata ban am sik fun kayu takarabas at ngay don, ay kata sik tanuman at kin-gong wan.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 51:11

Am nafalangfe fag ngay taw umfoli sas Siun, ay galubadan guseganan yud e fakatabuan. Umkalyam wan at fakabaluun, ay guseganan tua ban maksvn.

Isayas 52:8

Ngay tagulit emu guro guseganan, aroro lumag ban Yawi nu kafoli sas Erusalem.

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 60:20

Kabavn au wan menit ay magdanun at yud kafalyu, ay umkalyam ban am ngay fagagwantanun.

Isayas 65:19

Ay guseganan kyangay ban furuan Erusalem ay sa sangay taw tagbanwan sanya. Sanya ban we gwayway ya ay get gubuk, ay we gfandeng.

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

Eremyas 31:24

Ngay taw Israel ban namanwan sa sangay furuan tagsis Uda, gadgaloan ngay tagtanum ay ngay tagalaga ngay fagbaugun.

Eremyas 31:25

Ay ginanya ban gfafiangalay au fagayu takalufuy ay gfabitsug kban fagayu at mamomuy aroro kalunus. Nu katanya, ngay taw ban glong te,

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Eremyas 31:6

Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Eremyas 31:7

Yawi glong te, “Alubadi ay uroi laman sas Akub at ngay kasugfunanan, aroro kanya wan tiba tungud fag gaban taw. Useganani ay uroi te, ‘Yawi, falangfei am ngay taw, at kinsawad tagleleg sis Israel.’ ”

Eremyas 32:15

Aroro ste ban fag talun at ngay taw gdog yay gbayad at ngay ramraman. Kanya ban fagayu gfalao at ngay bale, ay at ngay gamasun anggan at ngay tanuman ubas.”

Eremyas 33:12

Yawi at Mabalyanan nalong yay fia te, “Katsi kanya fag talun dewa mabaluanan way aroro we taw ay we fagbaugun ya tagbanwan sanya, sik menit ban umke ngay fagnamafangonan sas fagayu furuan laman ngay tagalaga fagbaugun at fagnamafangonan at ngay fagbaugun.

Eremyas 33:13

Ay umkayu ban ngay fagbaugun tagsi sangay buksul fag ngay furuan, sis fakayabian fag ngay fun buksul, sis talun Negeb, sis taw Benamin at daga, si sangay furuan tagsis ligung Erusalem, ay sis Uda fag ngay furuan. Au, Yawi, taglong tuy.”

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Esekyel 34:14

Nangalaga kban anya fagayu sat marabung fia fag fagfafangonan tagsi sangay buksul sis Israel. Ay kanya ban fagayu gfiangalay ay gfangonan.

Esekyel 36:30

Ay namayu kban ay ngay kayu at rawvg ay ay ngay gutluan laman ban diam kalunus ya, ay tiba bank talun at taw di gfalingun ya ayu.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.

Agay 2:19

Ngay trigu ban dewa namin wan, ay dewa ban yud grawvg ya ngay tanum ubas, ay ngay fun kayu igus, pumigranata, ay ulibu, Yawi ban gfon tua gugat ayu nusnge wain.”

Sakaryas 8:12

Manabayan tua ban nu gfananumun am, ay grawvg tua ban ay ngay wat ubas, ay ngayu tua ban ay gutluan ay e damug tua ban siginans kiwang. Namon kban takatanya sa ayu, am at kinsawad, laman ay fagagbilugun.

Uan 16:22

Katanya yangay ban am, katsi kabalu am, ay nu nadog ban tam naladlagan, maksvn tua ban nu guseganan am, ay wa ban e maago siginan ayu ay fagusegananun.

Ruma 2:4

O gfae yud o e tungkul sa emu Dius at fagmalukmeun ay at fakesugun ay at fagmagwantaun? O nunda yo nasaful te, Dius at fagmalukmeun tagtaban emu laman gubun o am fagmauriun?

At Nafasure 21:4

‘Ay ginanya ban Dius garus kafag ngay taw at liasun. Ay wa ban e fakabulun ya, ay we fakabaluun ya,’ ay we fagwaywayun ya, ay we fakasaitun ya, aroro nalyam wan at dan fagayu nusnge wain.”

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”