Eremyas 30:7 - Fanawbuid tagsibaliwas Fakayabian

⁷ Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 30:7 ပူးပေါင်းရင်းမြစ်များ

Fakasigadan 32:7

Ay Akub maksvn nu kalimu ay gasagsagan at amatanganan, ay nu katanya, kanya nafud sas duak afud at ngay fadgaloan ay katanya yangay anggan at ngay tupa, ay at ngay baka, ay at ngay kambing, ay at ngay kamelyu.

Alubad. 25:22

Dius, falangfei ngay taw Israel siginans mauri.

Alubad. 34:19

At matuyan fag ngay taw ngayu at fagidapun, dewa katanya, Yawi gfalangfe tua anya fagayu siginan at ngay fagidapun.

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Eremyas 14:8

Yawi, o wan Israel at fagsegun ay at tagfalangfe gina e fagidapun. Wain am fakataun way em betaw? Ay wain am fakataun way sik tagfanloan tagsik yabi way nu gtiug si em talun?

Eremyas 2:27

Ay glong am te, ‘Em mama sik kayu ay em mina sik gang.’ Natalyuyan am angku, dewa katanya, sayay ngap gugat angku nu nangakbang am.

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Takabalu 1:12

Ay kanya glong sa sangay tagdalan anya te, “O batang wam e fagidapun takaksvn ku fagidapun katsi? Yawi nafadasug sa angku takatatuy fag fagidapun, aroro kadotama angku.

Takabalu 2:13

Furuan Erusalem, nataw ya ku fagmafalongun sa emu? Dada ya nu gfaladlabian au emu? Am ngay natayukan ngabasad wan kata dagat. Sinu ya ban at mafafia emu?

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Daniel 12:1

“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Daniel 9:12

Nafafasludan o am ngay longan sa emi ay sa em ngay tagfangguna siginan nu gfaurianan o emi maksvn. Nu katanya, sas fagdaul daga wa batang e kaksvn Erusalem at nadalan.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Uel 1:15

Anud! Munakbang wan Yawi at nafalganan fag menit laman namaurianan.

Uel 1:2

Am fag ngay tagfangguna ay ngay tagbanwan sis Uda, dungugani ku longan sa ayu. Ya batang anfasludan takatatuy dewa ebi gina ay ngay mangaguyang gleleg anggan dasug katsi.

Uel 2:11

Yawi at aringang kata sik lingsi gina gsugu at ngay tagfawayan at maseganama ay tangayu. Ay kanya fagayu gfaning tua at suguan. Yawi at nafalganan fag menit gina ban namaurianan maksvn nu malimu. Sinu ro at magwanta?

Uel 2:31

Ay menit ban umdulum ay magdanun ban umraska kata taguk. Yawi ban namafasludan fagayu takatanya gina andasug at nafalganan fag menit nu namaurianan ngay taw.

Mikas 4:9

Am fag ngay taw tagbanwan sis furuan Siun, wain ay fagidapanun kata sik mangena nu gafasalugun? Ay sanya yay oma ay ngay fun, ay ay ngay tagfalu longan. Katsi, gidapan am maksvn kata sik mangena nu gafasalugun, ay wa ban glugo ya gubun wam ay furuan ay namanwan ban am sasad araw. Sanya ginan ban, gatabanan am sas talun Babilunya. Dewa katanya, namalangfe kban ayu siginan ay ngay fawayan.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Sakaryas 14:7

Ginanya ban fag menit saman tua tibak menit, aroro wa ban kayabi, menit way lang. Yawi way lang tagsaful te, ginanya ban fag menit nu kadasug.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Markus 13:19

aroro ginanya ban fag ngay menit, maksvn takadasug fag faurianan, gtungud yay fagayu faurianan siginan Dius nu kawat fagdaul daga dasug katsi, ay wa ban e gtungud ya.

Fakamulun 2:20

Ay menit ban umdulum, ay magdanun ban umraska kata sik taguk. Umfasludan ban takatanya gina yud andasug tam Fun at menit at madulo ay at mauseganan,

Ruma 11:26

Nu katanya, umlangfe tua ban fagayu taw Israel, kata at Rirukan te, “Kadasug ban at Tagfalangfe siginans furuan Erusalem, kanya ban tagfalyam taw Israel at fagmauriun.

At Nafasure 6:17

Aroro andasug wan at nafalganan fag menit at maksvn nu malimu, laman namaurianan ngay taw. Sinu yaban at manansalubang sat daga salubangan?”