Eremyas 30:3 - Fanawbuid tagsibaliwas Fakayabian

³ Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 30:3 ပူးပေါင်းရင်းမြစ်များ

Esra 3:1

Ay gina sis fafituk magdanun ngay taw Israel nu gbanwan sit ngay furuan, kanya fagayu anful sas Erusalem.

Esra 3:12

Ay sanya yangay at mafagtainan fag ngay tagfon fanggalangun, anggan ngay taw Lebi, ay tagfangguna ngay talanan at nalag Yawi at bale taguna. Tiba maksvn nu gwayway kabalu, ay tiba guseganan guro nu nalag Yawi at bale at fagfatungkudan turuk nu ntabu.

Esra 3:8

Ay gina sis faduak magdanun sis faduak banwa siginan ngay taw Israel nu kafoli sas Erusalem, kanya fagayu nafasigad nu kawat Dius at bale. Ay fagayu at kinfoli sas Erusalem siginan at fagatabananan ggudgubukan gfakamulun, ay gfakamulun yangay sanya Serubabel, Sealtiel at baguama, ay Eswa, Usadak at baguama, ay ngay tagfon fanggalangun. Ay kanya fagayu nafili ngay taw Lebi tagduak safulu at banwa sat tungud baliwa laman gfangguna gina gfakamulun.

Alubad. 126:4

Yawi, fafolii yap em fagmanabayanun, kata sik liskung at nadog yay anke mamam.

Alubad. 53:6

Umdasug wa nangus fakalangfeun sa sangay taw Israel siginans Buksul Siun! Ngay taw Israel ban guseganan, gina ban Dius gdog nafae fagmanabayanun anya fagayu.

Eremyas 16:15

Nu bunway, kata way ban tuy nu gfatuyanan: ‘Gfatuyanan au sas Yawi, tagleleg fag Dius at nafaduksun ngay taw Israel siginans fawalan fag alvngvdan fag talun, ay sa sangay talun nu inda nu gfasaruayan anya fagayu.’ Aroro namafoli kban anya fagayu sa ku nafon sat ngay mangaguyang fag talun.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 27:11

Dewa katanya, ngay talun at ngay taw tagfaning Babilunya at fun, si tua ban gugat at ngay mesa talun. Sanya way ban nu gbanwan ay gtanum sit mesa daga. Au, Yawi, taglong tuy.’ ”

Eremyas 29:10

Yawi glong te, “Nu nlangfe ban fituk safuluk banwa talun Babilunya nu gagbilug ayu, kafoli kban sa ayu ay namafasludan kban ku nafatuyanan te, namafoli au ayu sa ay fagbanwanan.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 3:18

Ginanya ban, ngay taw Uda ay ngay taw Israel gadgaloan siginans fawalan fag alvngvdan siginan at fagatabananan ay kafoli sa ku nafon sat ngay mangaguyang fag talun laman at fagagbilugun.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 30:18

Yawi nalong yangay te, “Namafoli kyay ban sas Akub at kasugfunanan at ngay furuan at ramraman, ay kafanyu kban anya fagayu. Ay gdog kyangay ban kawat ngay furuan ay at ngay bale tangabat si ebi ataw at fakawatan.

Eremyas 30:4

Katatuy yangay Yawi at longan sabaliwas Israel ay sas Uda: “Umdungug ban ngay taw nu gudguroan aroro sat maksvn fag fakalimuun, abat ngate, guseganan.

Eremyas 31:16

Dewa katanya, Yawi nalong anya te, “Lag o gwayway ya aroro gfon kban sa emu famonun sas fagayu am nafakamulun. Am ngay baguama ban kafoli yay siginan at ngay fawayan at talun.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Eremyas 31:27

Yawi glong te, “Kadasug ban sik menit, gfayu kban ngay taw Israel ay ngay taw Uda anggan at ngay fagbaugun.

Eremyas 31:31

Yawi nalong te, “Kadasug ban sik buknga, nangawat kban sik bagu fag nasadian sa sangay taw Israel ay sa sangay taw Uda.

Eremyas 31:38

Yawi gfataglayun glong te, “Abandi ban e gdog yay kawat Erusalem laman sa angku, siginans Kananel fag bale ngabat fagulitan, sitsigons Sakbawan tagsis Fugungan.

Eremyas 32:37

namaful kban ku ngay taw siginans fagayu talun nu inda ku fagfasaruayanan anya fagayu. Ay nantaban kban anya fagayu stae fag furuan ay kanya ban fagayu gbanwan manabayan.

Eremyas 32:44

“Ay sanya ban fag talun gdog tua e gfabayad at ngay gamasun ay kawat at ngay nasadian ay gfae famatuyan, ay e ngay tagfatuyan ban sit ngay nasadian. Katanya ban at fakamulun sas Benamin at daga, ay sa sangay daga at maligung sis Erusalem, ay sis Uda fag ngay furuan, ay sa sangay buksul ay sa tangayu fag buksul tagsis fakayabian ay anggan tagsis Negeb fag ngay daga. Umfasludan ban takatanya aroro namafoli kban ku ngay taw sat talun siginan at fagatabananan. Au, Yawi, taglong tuy.”

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Eremyas 51:60

Eremyas nariruk sat mafalutan fag fagrirukan fagayu faurianan takadasug sas talun Babilunya.

Esekyel 20:42

Ay gina kban nafadasug ayu sas Israel at talun, ku nafatuyanan sa ay mangaguyang, sumaful ban am te, au Yawi.

Esekyel 34:13

Siginan ban tibak talun namaful kban kanya fagayu ay namuba kban sat talun. Nangalaga kban anya sanya sa sangay buksul, ay si sangay tigyangan liskung tagsis talun Israel, ay si tibak fagbanwanan fag ngay talun.

Esekyel 36:24

“ ‘Namul kban ayu siginan tibak talun ay namafoli kban ayu sa ay talun.

Esekyel 47:14

Nu gafud am ay daga, fasudsudani tua, aroro nafatuyanan au sa ay ngay mangaguyang te, gfon kban ayu kafag daga laman ay fagagbilugun.

Uel 3:1

Yawi nalong te, “Gina kban nafafoli sas Uda ay sas Erusalem at fagmanabayanun,

Sefanias 2:7

Ay at kinsawad ban fag ngay taw Uda nangagbilug kafag talun. Ay sanya yangay ban nu namafangonan at ngay fagbaugun. Ay nu nyabi wan, kanya fagayu nantiug wan sis Askelun fag ngay bale. Ay ginanya ban, kafag ngay taw at Dius, Yawi kafanyu ay gdog yay namae ramraman anya fagayu.”

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”

Lukas 17:22

Isus nalong sat ngay tagadal te, “Umdasug ban sik buknga, maksvn ban nu gyalagun am Taw at Baguama dewa way sadik menit, ay ya ban am lumag.

Lukas 19:43

Aroro umdasug ban sik ngay menit, am ngay fawayan nantungluan namawayan emu, ay nanligung emu, ay kadasug nusnga ndaginan baliwa.

Lukas 21:6

Ay Isus nalong te, “Abandi ban we gang ya gtudtungudan. Fagayu ban umsaruayan wan.”

Deuterunumyu 30:3

ay Dius Yawi kesug tua ban ayu ay gfaful ayu siginan sangay talun nu inda nu gfatabanan ayu, ay gdog yay ban manabayan nu mabanwan am.

Deuterunumyu 30:5

ay gfafoli ban ayu sa ay mangaguyang at nagbilug fag fagbanwanan, ay nangagbilug ban am. Ay kanya ban gfaramraman ay gfayu ayu gtungud yay ay ngay mangaguyang.

Ebreu 8:8

Tam Fun nalag at furuan at kakurangan, ay kanya nalong te, “Kadasug ban sik menit, nangawat kban sik bagu fag nasadian sa sangay taw Israel ay sa sangay taw Uda.