Eremyas 30:19 - Fanawbuid tagsibaliwas Fakayabian

¹⁹ Ay kanya ban fagayu galubad gfauseganan ay guro guseganan. Gfayu kban ay gfauseganan anya fagayu.

Eremyas 30:19 ပူးပေါင်းရင်းမြစ်များ

Eremyas 33:22

Namayu kban Dabid ay Lebi at ngay kasugfunanan kata ngay galeme sis banwa ay ngay lagnas sis tigyangan dagat.”

Isayas 51:11

Am nafalangfe fag ngay taw umfoli sas Siun, ay galubadan guseganan yud e fakatabuan. Umkalyam wan at fakabaluun, ay guseganan tua ban maksvn.

Isayas 60:22

Kanya wa ngayu, dewa katanya umkayu ban. Kanya sik ngay yud e kwa, dewa katanya, umsik mabalyanan ban fag talun. Au Yawi, gabanganan kban gfakamulun takatanya nu ndasug ginanya fag buknga.”

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Esekyel 36:37

Fun Dius Yawi gfataglayun glong te, “Gdog kyay ban gdungugan ngay taw Israel at ngay fagetun, ay katatuy ban ku fagnamakamulunun sa anya fagayu: namayu kban anya fagayu kayu at fanggalangun fag ngay tupa galay fagmafulun sis furuan Erusalem. Nu katanya, ngayu bank taw at namanwan si sangay furuan ayu daul at kinrasras. Ay kanya ban fag ngay taw sumaful te, au Yawi.”

Sakaryas 10:8

Nanguro au ay namaful ku ngay taw Matuyan wan namalangfe au anya fagayu ay namayu au at ngay kasugfunanan kata ebi taguna.

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Sakaryas 12:8

Ginanya ban fag menit, Yawi galaga ngay taw Erusalem, dewa at mamomuy umbitsug kata Dabid. Dabid at ngay kasugfunanan umke fagmabalyananun kata Dius, ay umkata Yawi at tagbarita tagfangguna anya fagayu.

Esekyel 37:26

Nangawat kban sik nasadian sa kafag ngay taw laman ban kanya fagayu manabayan tua gugat. Ay em nasadian ban di e fakatabuan. Namabanwan kban ay namaayu anya fagayu sat talun. Ay namawat kban ku bale, ay sanya tua ban gugat.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Nemyas 8:12

Nu katanya, fagayu taw noli wan laman nanfangon ay nanginum, ay namon fakonun sat yud e kwa. Kanya fagayu naseg ay nauseganan, aroro anyamag at natap sa anya Dius at longan.

Esra 6:22

Ay kaduge fituk menit kanya fagayu maful guseganan sabaliwa Tinapay at yud e Famabia, aroro Yawi nafae fagusegananun anya fagayu, siginan nu gfabali fun Asirya at amatanganan laman ggubuk anya fagayu nu kawat Israel at Dius at bale.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Isayas 52:9

Am at kinrasras fag ngay afud Erusalem, asfuani alubadi useganani, aroro Yawi namasun wan at ngay taw ay namalangfe wan Erusalem.

Sakaryas 2:4

Ay kanya nalong sa tagfakamatoan angku fag tagbarita te, “Sakiti tua ay nanlong o sanya fag mangama at ke buba famasudsudan te, Erusalem umsik furuan at yud ya e dingding alad aroro ngayu wan ngay taw tagbanwan sanya ay at ngay fagbaugun.

Eremyas 31:27

Yawi glong te, “Kadasug ban sik menit, gfayu kban ngay taw Israel ay ngay taw Uda anggan at ngay fagbaugun.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Alubad. 53:6

Umdasug wa nangus fakalangfeun sa sangay taw Israel siginans Buksul Siun! Ngay taw Israel ban guseganan, gina ban Dius gdog nafae fagmanabayanun anya fagayu.

Nemyas 8:17

Fagayu at kinfoli siginan at fagatabananan nawat sik ngay fayag, ay sanya wan nu gbanwan ay nu guseganan. Siginan Uswe, Nun at baguama, nu gfangguna, anggan ginanya fag menit, ya batang e nafakamulun takatanya, ay kanya fagayu maksvn nu guseganan.

Uan 17:22

Am nafon angku fag famauseganan nafon kyangay sanya fag ngay taw, laman kanya fagayu masadi, kata nu masadi ta.

Isayas 55:5

Nanguro am ay fagyudun toglag fag ngay talun at ngay taw, ay kanya ban fagayu gabanganan nangakbang sa ayu, aroro au Yawi, Israel at Dius at yud e Malong, at nafae famauseganan ayu.”

Eremyas 17:26

Ay ngay taw at nanseg Yawi at bale kadasug siginans Erusalem at ligung fag ngay talun, siginans Uda ay Benamin at ngay furuan, ay siginans sangay buksul tagsibaliwas fakayabian, ay tagsiginan tiba yak buksul, ay siginans Negeb. Kanya fagayu gbuba ngay fagirugun fag ngay fanggalangun, ay tiba yak fanggalangun, kata gutluan fag fanggalangun, at nafalganan fia fag fanggalangun, ay ngay famaebebanglu.

Esekyel 37:10

Nu katanya, nafaning au at suguan sa angku ay kanya fagayu anke engasan, ay naleleg wan ay anlindug, ay we mafatap at kayuan.

Isayas 26:15

Yawi, nafabia tuo em talun, ay nafadugdug tuo em ngay taba daga, ay aroro katanya gfauseganan tuami emu.

Eremyas 3:16

Au, Yawi, glong au te, gina ban am ankayu sanya fag talun, wa ban am gkamatoan ya ay gamatang sabaliwas Fagsuadan Nasadian. Ay wa ban am namadog ya nangawat.