Eremyas 30:18 - Fanawbuid tagsibaliwas Fakayabian

¹⁸ Yawi nalong yangay te, “Namafoli kyay ban sas Akub at kasugfunanan at ngay furuan at ramraman, ay kafanyu kban anya fagayu. Ay gdog kyangay ban kawat ngay furuan ay at ngay bale tangabat si ebi ataw at fakawatan.

Eremyas 30:18 ပူးပေါင်းရင်းမြစ်များ

1 Krunika 29:1

Ay sanya ginan, fun Dabid nalong sas fagayu taw Israel te, “Dius nafili ku baguama Sulumun, ay kanya mabaguama yay ay ye nagdalanan. Maksvn tuy fag fakamulun aroro at fagnamawatun fag bale bundi sas taw, sa tua tam Dius Yawi.

1 Krunika 29:19

Ay gubuki yangay ku baguama Sulumun laman kaugat yay nu matuyan ay nu gfaning am ngay suguan, ay am ngay foyungan, ay am ngay faugali ay nu gfakamulun fagayu laman gfawat am Bale ku nafalganan.”

Nemyas 7:4

Ebi furuan Erusalem gbia tua, dewa katanya, ya ngayu tagbanwan sanya, ay anggan at ngay bale ya ngayu.

Alubad. 102:13

Nasaful au te, namakamulun o laman namalangfe furuan Siun. Ay katsi andasug wan at buknga laman gfalag o am fakafanyun.

Alubad. 102:14

Yawi, ami am nafili fag ngay fagsuguan kesug tuami am furuan Siun, ay kesug yangay mi anggan at ngay alad gang at kinkiklas wan ay at lukbu.

Alubad. 122:7

Furuan Erusalem ban nangus manabayan tua gugat, ay fun ban nangus at bale daul umke fagmanabayanun.

Alubad. 48:13

Ay lingamani fia at ngay alad ay at ngay bale mogat, laman ban e fagmafoyungun am sat fadogan fag ngay kasugfunanan te,

Alubad. 48:3

Dius gfaogat Erusalem at ngay alad, laman gfalag te, gulit.

Alubad. 78:69

Ay sanya fag buksul, kanya nafalindug at bale: takabat sbanwa ay takaogat sdaga at yud ginbalian kabavn.

Alubad. 85:1

Yawi, nafae fagmasineun o am nafili fag daga. Nadog o nafae fagmanabayanun am ngay taw Israel.

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Isayas 44:28

Nalong au sas Sirus te, ‘O ban tagulit ku ngay taw, ay at namakamulun fagayu ku fakaylatun. Sugui te, Dogi yap awati furuan Erusalem, ay anggan ku bale.’ ”

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 30:3

Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Eremyas 31:38

Yawi gfataglayun glong te, “Abandi ban e gdog yay kawat Erusalem laman sa angku, siginans Kananel fag bale ngabat fagulitan, sitsigons Sakbawan tagsis Fugungan.

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Eremyas 31:40

Fagdaul datag fagukasan ngay kinbul ay ngay nakaurian ay anggan ngay gamasun tagsis Liskung Kidrun sitsigons sakbawan at nafangayan te, Sakbawan Kabayu tagsis fakamenitan baliwa, sanya fagdaul mafalganan wan laman sa angku. Ay kanya ban fag furuan wa gdog ya karasras ay kaiklas.”

Eremyas 32:15

Aroro ste ban fag talun at ngay taw gdog yay gbayad at ngay ramraman. Kanya ban fagayu gfalao at ngay bale, ay at ngay gamasun anggan at ngay tanuman ubas.”

Eremyas 32:44

“Ay sanya ban fag talun gdog tua e gfabayad at ngay gamasun ay kawat at ngay nasadian ay gfae famatuyan, ay e ngay tagfatuyan ban sit ngay nasadian. Katanya ban at fakamulun sas Benamin at daga, ay sa sangay daga at maligung sis Erusalem, ay sis Uda fag ngay furuan, ay sa sangay buksul ay sa tangayu fag buksul tagsis fakayabian ay anggan tagsis Negeb fag ngay daga. Umfasludan ban takatanya aroro namafoli kban ku ngay taw sat talun siginan at fagatabananan. Au, Yawi, taglong tuy.”

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Eremyas 33:7

Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Eremyas 46:27

Ngay taw Israel, ku fagsuguan Akub at ngay kasugfunanan, lag am kamomuy ay kalimu aroro gfalangfe kban ayu siginan tangayayu fag talun nu inda nu gatabanan am. Gdog yay ban am namanwan manabayan, ay wa ban e kadasug ya sa ayu fagidapun, ay we mafalimu ya ayu.

Eremyas 49:39

Dewa katanya, gfafoli kyay ban sas Elam at fagmanabayanun. Au, Yawi, taglong tuy.”

Eremyas 49:6

Dewa katanya, gfafoli kyay ban Amun at fagmanabayanun. Au, Yawi, taglong tuy.”

Esekyel 36:11

Namayu kban ngay taw ay anggan ngay fagbaugun si ayu fag ngay buksul. Ay gdog kyay ban namabanwan kafag ngay taw si ayu kata ebi ginan, ay namaramraman kban ayu fag ngay buksul gtungud yap tua ebi taguna. Ay sumaful ban am te, au Yawi.

Amus 9:14

Ay gfafoli kban ku ngay taw Israel sat talun siginan at fagatabananan. Ay kanya ban fagayu gdog yay nangawat at ngay furuan kinrasras wan ay gbanwan sanya. Ay kanya ban fagayu nananum wat ubas laman e fanginum tua fanlangu. Ay nananum yangay ban sat ngay fagtanuman laman ban at fakonun.

Sakaryas 1:12

Yawi at tagbarita ginto te, “Yawi at Mabalyanan, seduge tua ban nu yud o kafanyu Erusalem ay tiba yak furuan sis Uda? Nu kadotama o anya fagayu fitu wak safuluk banwa.”

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Sakaryas 12:7

Ku fagnamababoun taguna, tibak furuan sis talun Uda, laman Dabid at kasugfunanan ay ngay taw Erusalem at fagmasineun wa nantungud talun Uda.

Sakaryas 14:10

Ginanya ban namadatag wan fagdaul talun Geba sas fawalan fag alvngvdan sitsigons Rimun ay sas fasiunan fag alvngvdan Erusalem. Dewa katanya, Erusalem ban wa kabali, siginan Benamin at Sakbawan ay gtaglayun sa Taguna fag Sakbawan, sitsigons Sakbawan tagsis Fugungan, ay siginans Kananel fag bale ngabat fagulitan sitsigon fun at fagturisan rawvg ubas. Wa ban e gdog ya nanrasras Erusalem, ay at ngay tagbanwan ban gbanwan tua manabayan.