Eremyas 30:17 - Fanawbuid tagsibaliwas Fakayabian

¹⁷ Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 30:17 ပူးပေါင်းရင်းမြစ်များ

Ub 5:18

Aroro sia yay tagfafia sat nafae fakarukan, ay kanya yangay tagfasun sat nafaidapan fag ngay taw.

Alubad. 103:3

Kanya nafalyam tua fagayu ku asalanan, ay nafafia fagayu ku fakasaitun.

Alubad. 107:20

Kanya naringang, ay kanya fagayu anfia, ay nafalangfe siginans fakabulun.

Alubad. 12:5

Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

Alubad. 142:4

Dius, glag wo ngay taw tagsi ku ligung, kanya fagayu we kafanyu ya angku. Ay kwe fagnangakbangan ya taggubuk angku.

Alubad. 23:3

Kanya gfon angku sik bagu fag fagmabitsugun, ay gtabanan angku sat matuyan fag dalan laman namauseganan au anya.

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 54:6

Erusalem, kata o sik baguina at bagu kadadwa, gwayway o ay kabalu aroro am mangama naubun emu. Ay katsi, au, Fun Dius, guro au emu te, ‘Gewan, magamut tua ta.’

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Isayas 58:8

Ay nu katanya tua ay fakamulun, dumamlag am kata nu bagu kamenit, ay namafia kwan ayu. Au Yawi at matuyan tagsi ay fagunan, ay siginan ku fagmabalyananun tagsi ay faguyanan, gdiri ktua ban ayu.

Isayas 60:15

Dewa nafamabo ay nafauri emu, ay wa nafae masuad, namasik takadungug kban emu kabavn ay fagayu ban kasugfunanan guseganan.

Eremyas 10:20

Dius at bale ankiklas wan, ay e nataban wan tam ngay kaiban, ay wa ban e nangawat ya tam ngay bale.”

Eremyas 17:14

Yawi, o way lang at mafafia ay at mafalangfe angku. Ay o way lang ku fagfausegananun.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 33:24

“O wo nadungug kafag ngay taw nu glong te, ‘Yawi naiyan wan at nafili fag duak fagfagtainanan.’ Nu katanya, kanya fagayu gfalingun ku nafili fag ngay taw ay wa glong ya te, kanya fagayu sik talun at ngay taw.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Takabalu 2:15

Ngay taw tagdalan ayu gifulan ay gfablangan at ngay daluap, laman gfalingun ayu. Kanya fagayu glong te, “O tuy oma fag furuan at nalong te, ‘We gtungud nu masine ay fagdaul daga at fagfanagsagun.’?”

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Esekyel 35:12

Ginanya yangay ban sumaful am te, au Yawi, nadungug au nu gfalingun am Israel at fagagbilugun fag ngay buksul. Nalong am te, “Kafag ngay buksul anrasras wan, ay gagbilug watam!”

Esekyel 36:20

Ay nusnga nday fag talun ngay taw Israel nu glao, kanya fagayu nafauri ku ngayan at yud e malong. Nu katanya, e glong te, ‘Kanya fagayu Yawi oma at ngay taw, dewa katanya, kanya naiyan anya fagayu siginan at talun.’

Usea 11:3

Au at naulit anya fagayu. Nataban au anya fagayu, ay gfoyung au anya fagayu nu glao, ay dewa katanya, wa natoglag te, au takafanyu anya.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

At Nafasure 22:2

ay gfamilugan sas wabilug furuan daul at dalan. Gsumbalian liskung e fun kayu tagfon leleg, labi dua ginan grawvg galay banwa, sayginan galay magdanun. Ay at ngay don mafafia fagayu talun at ngay taw at fakasaitun.