Eremyas 30:16 - Fanawbuid tagsibaliwas Fakayabian

¹⁶ Dewa katanya, namaurianan kyangay ban at nafauri ayu, ay fagayu ban ay fawayan gatabanan. E namawayan yangay ban fagayu at nafawayan ayu, ay at nabul ay ngay fagagbilugun, e gbul yangay ban siginan anya.

Eremyas 30:16 ပူးပေါင်းရင်းမြစ်များ

Alubad. 129:5

Ngay taw nangus takauri furuan Siun, lumagyu ginkaplan.

Nu Galin 23:22

Nu gfaning tua ban am at ngay longan, ay gfakamulun fagayu ku ngay longan, au wan at namawayan ay ngay fawayan.

Fangatulun 22:23

aroro Yawi taggubuk tua at ngay yud e kwa.

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 54:15

Ay nu e nanamawayan ban emu, kanya bunwa ku nasugu. Ay nusnga sinu ban at nanamawayan ayu gababawan way.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Eremyas 10:25

Fadasugi am dotama sa sangay talun at taw at yud natoglag emu ay sa sangay taw at yud nangakbang sa emu, aroro kanya fagayu nafamin Akub at kasugfunanan ay naiklas at ngay bale.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 2:3

Ngay taw Israel, nafasamanan au ayu laman sa angku, kata taguna fag rawvg at nafon sa angku. Nafaurianan au at nafaidapan ayu, ay kanya fagayu anbul wan.’ Au, Yawi, taglong tuy.”

Eremyas 25:12

“ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 30:15

Lag am gfandeng te, ‘Wa ban kafia ya em ngay bangbang.’ Nafaurianan au ayu aroro maksvn wan ay ngayu ay asalanan.

Eremyas 50:28

“Dungugani at nalagyu fag ngay taw siginans talun Babilunya nu gfansulit sas Erusalem nu setain Yawi nu gfaurianan talun Babilunya aroro sat nafakamulun sas Yawi at bale.

Eremyas 8:16

Tam ngay fawayan at ngay kabayu nu gengasan kadungug siginans Dan. Ay si omay lang at ngay uni, fagdaul talun gtadtaruyan wan. Kanya fagayu andasug laman nanrasras tuy fag talun, ay ste fag furuan ay fagayu tagsanya.”

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 1:22

Kanya fagayu nafakamulun at mauri; nu katanya, faurianani wan anya fagayu kata nu gfaurianan o angku aroro sa ku ngay asalanan. Malayun wan nu gfandeng au, ay kwa bangan gamatang ya ku bilug.”

Esekyel 29:6

Fagayu ban tagbanwan sis talun Igiptu sumaful te, au Yawi. “ ‘O oma ngay taw Israel at fagsegun, dewa katanya, kata way o sik anyamu takagabun.

Esekyel 35:5

Ngaduge wan nu kadotama am gugat Israel, ay gina yud e fagmakatuun, nafabayan am anya fagayu gina e fawayan, ay nafabayan am gina kanya fagayu gafaurianan aroro sat ngay asalanan.

Uel 3:8

Namae bayad au ay ngay sisian sas talun Uda ay kanya fagayu namae bayad yangay anya sa sangay taw Saba tagbanwan sa tangayayu fag talun. Kanya umfasludan aroro au Yawi taglong tuy.”

Mikas 4:11

Ginanya ban, ngay talun nangasadi laman namawayan ayu. Ay glong te, “Namapla watam furuan Siun! Sanya ginan, nandama ban tam anya aroro sat kaksvnan nu mapla at kayaunanan.”

Mikas 7:10

Ay tam ngay fawayan ban nu nalag takatanya, umkapla. Aroro ebi kanya fagayu nafalingun antam, glong te, ‘Dada wan ay Dius Yawi?’ Ay kadasug ban sik buknga, lumag tam kanya fagayu nu gafaurianan. Ay kanya ban fagayu umkata ngay lifak sa sangaba dalan ngay taw at fagsiadun.”

Naum 1:8

Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Abakuk 2:16

Nu katanya, am man ban takapla, aroro Yawi gfaurianan yangay ban ayu. Ay gfainum yangay ayu sit taya at fandotaman laman nu nalangu am, kalag nu malulasan am, ay umke fakaplaun am.

Sefanias 2:8

Yawi at Mabalyanan, Israel at Dius, nalong te, “Nadungug au ngay taw Muab ay ngay taw Amun nu glong mauri ay nu gfalingun ku ngay taw. Kanya fagayu kamatungudun te, ‘Makatu way mi gagbilug ngay taw Israel.’ Nu katanya, gfatuyanan au te, kafanud nu gleleg au, nanrasras kban talun Muab ay Amun kata Suduma ay Gumura. Ay kabavn ban at ngay fagbanwanan we tungkul ya, aroro tagtugbung sanya ngay makmak way lang at madugi ay e alian fakawatan barara. Ku ngay taw at sawad nangagbilug ban ay namul kafag ngay taw at ngay ramraman.”

Sakaryas 1:14

Ay tagbarita naringang sa angku te, “Foyungi te, ‘Katatuy Yawi at Mabalyanan at longan: maksvn nu kesug au Erusalem, at ngayan yangay te, Siun.

Sakaryas 1:15

Dewa katanya, maksvn nu kadotama au ngay talun ayu daul takaylat way gfauseganan at leleg. Ay ya oma fia son maksvn nu kadotama au anya, ay kanya yay fagayu at nafaksvn.’

Sakaryas 12:2

Ay Erusalem ban umkata sik fanlangu laman ban sit ligung fag ngay talun umsigung. Ay kanya ban fagayu nu nanamaurianan Erusalem, namaurianan yangay tibak furuan sis Uda.

Sakaryas 14:2

Aroro ginanya ban Yawi namaful fagayu talun at ngay taw laman namawayan Erusalem. Ay kanya ban fagayu nangagbilug Erusalem, ay nangago fagayu nusnge wain sit ngay bale, ay namakamulun at mauri sa sangay mangena. Kanya fagayu nantaban sik wabilug ngay taw Erusalem sa tangayayu fag talun. Dewa katanya, at kinsawad ban gbanwan yay gugat sit furuan.

Sakaryas 2:12

“Ay Yawi gdog yay nangagbilug talun Uda laman at afud sit yud e malong fag talun. Ay gdog yay ban gfili Erusalem laman at furuan.

Sakaryas 2:8

Nu nalag au kanya fag taginfan, Yawi at Mabalyanan nasugu angku laman nanlong au at mauri sa sangay talun at taw at nafauri Erusalem ay at nafangkamul at ngay ramraman. Aroro nusnga sinu at nafakamulun at mauri sas Yawi at furuan, nafakamulun at mauri sat fakesugun fag ngay taw. Nu katanya, Yawi at Mabalyanan glong te,

Deuterunumyu 30:7

Sanya ginan ban, ay Dius Yawi namadasug takatanya fag ngay faurianan sa ay ngay fawayan tagfalingun ay tagfaidapan ayu.

At Nafasure 13:10

Nusnga sinu at kinfalganan gatabanan, kanya ban gatabanan wa fia, ay nusnga sinu at kinfalganan nangabul sas fiso tagsumbalian at uyup, kanya ban kabul fia. Nu katanya, Dius at ngay taw, masine nu gagwantan tua gugat ay nu e fagafanudun tua gugat.

1 Samwel 17:53

Kanya fagayu nu nragang wan nu gfafalo, anfoli wan laman namul ngay taw Filistia at ngay nafamato sit fagmafulan.