Eremyas 30:14 - Fanawbuid tagsibaliwas Fakayabian

¹⁴ Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 30:14 ပူးပေါင်းရင်းမြစ်များ

Ub 16:9

Dius, siginan am dotama nafawayan o angku, ay kata o sik tagfangagat fag mela at narufa ku faknul, ay gfaringgit o am ngay bagang, ay glibayung o angku.

Ub 19:11

Kanya maksvn nu kadotama angku, sak nalong te, at fawayan kway.

Ub 30:21

Siginan am fagmabalyananun, kauri o ay gfaidapan angku.

Alubad. 107:17

Kanya fagayu we fagsafulun ay kamabo, ay gidapan aroro sat ngay asalanan ay sat fagmauriun.

Isayas 57:13

Ay nu naet am gubuk, fabayani wan ay ngay fagsegan taggubuk ayu. Kanya ban fagayu kalayug siginan at maksvn fag tagmara. Dewa katanya, nusnga sinu tagafanud sa angku, namanwan tua ban sanya fag daga ay nangagbilug at yud e malong fag buksul.

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 2:36

Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 22:20

Ngay taw Uda, nangundaud am sas tungud buksul Lebanun ay nanwayway am, aroro namin wan ay fagadgalangan fag ngay talun. Ay nanguro am anya fagayu sas Basan ay sas Abarim.

Eremyas 22:22

Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 30:15

Lag am gfandeng te, ‘Wa ban kafia ya em ngay bangbang.’ Nafaurianan au ayu aroro maksvn wan ay ngayu ay asalanan.

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 32:30

“Au, Yawi, glong au te, siginan ebi, ngay taw Uda ay ngay taw Israel at nafakamulun mauri way. Kanya fagayu nafadotama angku siginan at nafakamulun mauri.

Eremyas 32:34

Kanya fagayu nafasuya ku bale nu inda at fagnamauseganan angku. Ay nafasakbo sanya tibak fagsegan at maksvn nu mauri.

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Eremyas 38:22

Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 5:5

Nu katanya, glao au sat ngay tagfangguna laman namakamatoan. Anud kanya ro fagayu sumaful Yawi at ngay balyawvtan, at masuad te, sumaful at Dius at fakaylatun.” Ay dewa katanya, nu nafakamatoan au, kanya fagayu wa naylat gfaning Yawi at fagyafafakamulunun.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 50:42

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Babilunya.

Eremyas 6:23

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Erusalem.”

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 2:1

Fun Dius natabun furuan Erusalem sik tagbia fag linyabu, aroro maksvn nu kadotama. Kanya nafalyam Israel at fagmasineun, kata nu nafatong sas daga siginans banwa. Ay nafabayan wan at bale.

Esekyel 23:22

“Nu katanya, Uliba, au, Fun Dius Yawi, glong au sa emu te, namawayan au sa emu am ngay naiyan ay am nafataladan fag ngay mangama.

Esekyel 23:9

“Nu katanya, nafabayan kwan Asirya at ngay mangama nu gfakamulun sa anya kata at fakaylatun.

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Daniel 9:13

Anfasludan sa emi kanya fag faurianan kata at marirukan sis Muisis at Faugali. Ay dewa ndasug sa emi takatanya, wami naugatan laman guseganan tuo emi siginan nu gubun ami em ngay asalanan ay nu gafanud ami sa emu.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Ubadyas 1:7

Tagfadiugan ayu fag ngay talun nangaiyan ban ayu. Ay fagadgalangan fag ngay talun namabo ban ay nangaiyan ayu siginan ay furuan, ay fagayu ban at nafasfuan ayu gfangon nanrvbvy at balyawvtan laman namauri ayu.