Eremyas 30:12 - Fanawbuid tagsibaliwas Fakayabian

^12-13 Yawi nalong yay fia sat ngay taw te, “Maksvn wan ay ngay bangbang ay wa ban kafia ya. Wa ban e mananggubuk ay manamafia ayu. Ay wa yangay e famafia ya laman sa ayu.

Eremyas 30:12 ပူးပေါင်းရင်းမြစ်များ

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 14:19

Yawi, o matuyan naiyan wo Uda? O anud kauri wo furuan Erusalem? Wain am fagnafauriananun emi takatatuy, ay kata wa nu yud ami e fagsegun ya kafia? Nafanya oma tam fagmanabayanun dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Eremyas 15:18

Wain ku fagidapanun yay gugat? Wain ku ngay bangbang way kafia ya? O ay namae fakabaluun way lang o angku kata sik liskung at kinlanggang gina mangune?”

Eremyas 30:15

Lag am gfandeng te, ‘Wa ban kafia ya em ngay bangbang.’ Nafaurianan au ayu aroro maksvn wan ay ngayu ay asalanan.

Eremyas 6:7

Kanya fagayu nu gfakamulun at mauri, kata sik bulbug nu gfamilugan. Ay takadungug sit furuan fagmauriun way lang. Glag kway gugat ke ngay fakasaitun ay tagabangbang.

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Takabalu 2:13

Furuan Erusalem, nataw ya ku fagmafalongun sa emu? Dada ya nu gfaladlabian au emu? Am ngay natayukan ngabasad wan kata dagat. Sinu ya ban at mafafia emu?

Esekyel 37:11

Yawi gdog yay nalong sa angku te, “Taw at baguama, kanya fag ngay bini, ngay taw Israel, ay kanya fagayu glong te, ‘Em ngay bini an-gong wan, ay wami e fagsegun ya, ay ankamin ami.’

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Naum 3:19

Kata o sik taw at nabasingan yud kafia ya. Ay fagayu at nadungug at kinfasludan sa emu maksvn nu guseganan, aroro andotama o anya fagayu.