Eremyas 30:10 - Fanawbuid tagsibaliwas Fakayabian

¹⁰ Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 30:10 ပူးပေါင်းရင်းမြစ်များ

Fakasigadan 15:1

Nu nlangfe ngayuk buknga, Yawi naringang sas Abram siginan sik taginfan. Nalong te, “Abram, lag o kalimu aroro au tagdiri emu. Ngayu ban ku fon sa emu.”

Isayas 14:3

Ngay taw Israel, gina ban Yawi gfafaingalay ayu siginan ay ngay fagidapun ay ay fagafanawaun ay siginan nu gafagsuguanan am,

Isayas 35:9

Ay wa ban e liun ay anggan nusnge wain tagfangagat fag mangilafang at lumo sanya fag dalan, nu bunway Yawi at nafalangfe fag ngay taw.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Isayas 44:1

Dewa katanya, katsi, Israel ku fagsuguan, dungugani. Akub at kasugfunanan, nafili au emu.

Isayas 44:2

Au, Yawi at nawat ay at nagubuk emu. Lag kalimu, o wan ku fagsuguan ay ku nafili.

Isayas 46:11

Guro kban sik taw siginan tangayayu fag talun sibaliwas fakamenitan, kanya ban at namafasludan ku ngay algan. Ay kanya ban namakata au sik bio at madot. Namakamulun kban ku ngay nalong ay ku ngay algan.

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 54:4

Lag o kalimu aroro wo gafaplan. Ay wo gamatang ya am fakaplaun gina o sik fagbubayun at mabaguina.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 23:4

Ay nanfili kban sik ngay tagfangguna at nangalaga tua anya fagayu. Ay kanya ban fagayu di e fakalimuun ya ay we fagafanawaun, ay wa ban e kalyam ya. Au, Yawi, taglong tuy.”

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 23:8

Abat ngate, kanya ban fagayu glong way te, ‘Gfatuyanan au sas Yawi, tagleleg fag Dius at nafalfas ngay taw Israel siginan ngay talun sas fawalan fag alvngvdan ay sas fagayu talun nu inda nu gfasaruayan anya fagayu.’ Ay kanya ban fagayu gbanwan wan sit talun.”

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 3:18

Ginanya ban, ngay taw Uda ay ngay taw Israel gadgaloan siginans fawalan fag alvngvdan siginan at fagatabananan ay kafoli sa ku nafon sat ngay mangaguyang fag talun laman at fagagbilugun.

Eremyas 30:3

Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Esekyel 16:52

Am nafakamulun at maksvn nu mauri ayu yap tua sam faduksay mangena at nafakamulun, nu katanya, kanya amatuyan yap tua emu.

Esekyel 38:11

Nanlong ban o te, ‘Namawayan au Israel at ngay furuan ayu daul at yud e alad, ay at yud e sakbawan ay at yud e famalabag, ay at ngay taw at manabayan way fia ay at yud e fakalimuun.

Daniel 12:1

“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Usea 2:18

Ginanya ban fag menit, nangawat au sik nasadian sas fagayu mangilafang laman ban wa gfauri ayu. Gbul kyangay ban siginans Israel at ngay godun ay at ngay fiso, ay wa ban e awayan ya, laman ban manabayan tua nu gtiug am.

Usea 2:20

Kabavn ban matuyan ktua sa ayu, ay gtuyan ban am angku te, au wan Yawi.

Usea 6:11

Ay sa ayu fag ngay taw Uda, faurianan mafalganan wan. Ku fakaylatun ngvs ku ngay taw e fagmanabayanun tua.

Uel 2:21

Ngay taw Uda, lag am kalimu! Abat ngate, useganani tua, aroro Yawi at nafakamulun maksvn nu madulo.

Mikas 4:9

Am fag ngay taw tagbanwan sis furuan Siun, wain ay fagidapanun kata sik mangena nu gafasalugun? Ay sanya yay oma ay ngay fun, ay ay ngay tagfalu longan. Katsi, gidapan am maksvn kata sik mangena nu gafasalugun, ay wa ban glugo ya gubun wam ay furuan ay namanwan ban am sasad araw. Sanya ginan ban, gatabanan am sas talun Babilunya. Dewa katanya, namalangfe kban ayu siginan ay ngay fawayan.

Sakaryas 3:10

Ginanya ban fag menit, manabayan tua nu mabanwan am. Galay am at sadi nantaban am ay ngay fasabale laman nanmalunggung am manabayan sis daga fun wat ubas ay sis daga fun kayu igus. Au, Yawi at Mabalyanan, taglong tuy.”

Uan 12:15

“Ngay taw Erusalem, lag kalimu! Damai, ay Fun kadasug wan! Kanya gsakay si sik riangan asnu.”