Eremyas 3:7 - Fanawbuid tagsibaliwas Fakayabian

⁷ Nu glong kro, kanya fagayu nu ddi gfakamulun ya takatanya, kafoli wan sa angku, ay aroro mangaro, duan. Ay takamabo fag ngay taw Uda nalag at faduksay fag ngay taw Israel takamabo at nafakamulun.

Eremyas 3:7 ပူးပေါင်းရင်းမြစ်များ

2 Krunika 17:4

nu bunway kanya ankakbang tua sat mama at Dius ay nafaning tua at ngay suguan, abat ngate, gfaning ngay taw Israel nu gugali.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 33:24

“O wo nadungug kafag ngay taw nu glong te, ‘Yawi naiyan wan at nafili fag duak fagfagtainanan.’ Nu katanya, kanya fagayu gfalingun ku nafili fag ngay taw ay wa glong ya te, kanya fagayu sik talun at ngay taw.

Eremyas 5:11

Ngay taw Israel ay ngay taw Uda wa matuyan ya sa angku. Au, Yawi, taglong tuy.

Esekyel 16:46

Samarya tagsis fawalan baliwa kanya am kaka mangena gadgaloan at ngay baguina, ay Suduma tagsis fasiunan baliwa kanya am arian fag mangena gadgaloan yangay at ngay baguina.

Esekyel 16:47

Nafaning o kafag ngay taw at ngay ugali ay at fakamulun at maksvn nu masuya. Ay wa glugo am fakamulun amauri yap tua kafag ngay taw at ugali.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Amus 4:8

Naranranugan am glulian sa sangay furuan laman nanrvbvy ay fanginum, dewa katanya, ya nsak. Dewa kaksvn nya nu gidapan am, yam kafoli sa angku. Au, Yawi, taglong tuy.

Malakyas 2:11

“Ngay taw Uda nafamabo. Kanya fagayu nafakamulun at ngay mauri sas Erusalem ay sas fagdaul talun Israel. Ay nafauri Yawi at bale siginan nu gfafamubay at ngay baguama sa sangay baguina tagseg tibak fagsegan.