Eremyas 3:6 - Fanawbuid tagsibaliwas Fakayabian

⁶ Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Eremyas 3:6 ပူးပေါင်းရင်းမြစ်များ

1 Fun 14:23

Kanya fagayu nawat fagnansegan si tangabat fag ngay buknga ay si sangay fun kayu at marabung at lanbung, ay nawat ngay turuk fagtoglagan Asera fag fagsegan.

2 Krunika 34:1

Usyas waluk banwa gina gfasigad gfunan. Ay kanya gbanwan sis Erusalem, ay nu gfunan tuluk safulu e sadik banwa.

Alubad. 106:39

Siginan at nafakamulun takatanya, nafasuya wan anggan at ngay sadili. Ay natalyuyan Dius, kata sik mangena at nanangalo sa tibak mangama.

Isayas 57:3

Dewa katanya, tagfangufit, tagfanugtug, ay takamatugtug am at kasugfunanan, gewan.

Isayas 57:7

Kawat am ay ngay fagfiangalayan sa tangabat fag ngay buksul, ay sanya wan nu gfon am ay ngay fanggalangun.

Eremyas 1:2

Yawi nafon sas Eremyas sik foyungan ebi gina sis falabi tuluk banwa Usyas nu gfunan sis Uda. Usyas, Amun at baguama.

Eremyas 11:10

Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 17:2

Ay anggan ay ngay sisian nanseg yangay say ngay fagirugan ay sa sangay turuk fagtoglagan Asera fag fagsegan tagsi sangay fun kayu at marabung, ay tagsi sangay tungud buksul.

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Eremyas 5:11

Ngay taw Israel ay ngay taw Uda wa matuyan ya sa angku. Au, Yawi, taglong tuy.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Esekyel 16:31

Nafawat o ngay bale sangay sagbatan ay sa sangay fagaweanan laman fagnansegan tibak fagsegan. Nu mauri o gtungud yay sik takamatugtug fag mangena, aroro wo gfae bayad ya sas fagayu at nanamataladan emu.

Esekyel 16:35

“ ‘Nu katanya, dungugani ku longan emu!

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Esekyel 23:11

“Uliba dewa nalag at kinfasludan sat kaka, kanya gfataglayun yangay nu gfakamulun at mauri, aksvn yap tua at kaka at nafakamulun.

Esekyel 23:4

At kaka Ula ay at arian Uliba. Kafag duksay ku mangena fia ay anke sisian ami ngayu. Ay Ula, sik taw Samarya ay Uliba, sik taw Erusalem.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 4:13

Ay glao am sa sangay tungud fungsu ay sa sangay buksul ay sa sangay daga kayu at marabung laman namon am ay fagirugun fag ngay fanggalangun. Nu katanya, ay ngay baguina nanamataladan ngay mangama, ay ay nugang fag ngay mangena kamatugtug.

Tagfangguna 2:17

Dewa katanya, kanya fagayu wa nadungugan at ngay tagfangguna. Abat ngate, at ngay fakamulun kata way sik tagfaebayad fag mangena siginan nu gseg tibak fagsegan. Kanya fagayu natalyuyan masakit Yawi at ngay suguan, ay wa kata at ngay mangaguyang at nafaning tua.