Eremyas 3:3 - Fanawbuid tagsibaliwas Fakayabian

³ Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 3:3 ပူးပေါင်းရင်းမြစ်များ

Fakasigadan 19:34

Balabag di, at faglon nalong sat arian te, “Sad yabi nanamataladan au ta mama. Ay katsi ro gdog yap ta namainum ta mama sik malangu laman ro galangu, ay o man ro at namataladan anya laman ban umke sisian ta siginan anya.”

Nemyas 9:17

Kanya fagayu wa nafaning am ngay longan, ay wa namatang am ngay nafakamulun at madulo. Kanya fagayu nafamaogatun, ay nafamabo siginan nu gfili at ngay tagfangguna laman gdog nangasik fagsuguan sas talun Igiptu. Dewa katanya, o wan Dius at mafalganan gfalyam ngay asalanan, at mafangafanyu, at yud gfangalyam, at yud masakit gfangadotama, ay at mafangesug. Nu katanya, di o nafabayan anya fagayu,

Fangatulun 21:29

At mauri fag taw wa gamatangan ya nusnga setaw at fagnamakamulunun, dewa katanya, at matuyan fag taw gamatangan tua.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Eremyas 14:1

Katatuy Yawi at longan sa angku, sabaliwa tangaduge fag mangune:

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Eremyas 14:3

At ngay maramraman nasugu at ngay fagsuguan laman nanagub. Ay kafag ngay fagsuguan nalao sa sangay bubun, dewa katanya we mamam. Nu katanya, kanya fagayu anfoli ay we bilug at ngay baringan, ay at kaksvnan nu kapla natabun at ngay alfuyu.

Eremyas 14:4

Lutuk ankarang aroro we arak ay at kaksvnan ngay tagtanum nu kabalu natabun at ngay alfuyu.

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 5:24

Ay at ngay longan wa siginan at ngay amatanganan, kanya fagayu dewa glong fia te, ‘Gseg watam Yawi tam Dius, tagfon antam arak gina abagat, ay tagfon antam ngay rawvg gina fanggutluan.’

Eremyas 5:25

Siginan ay nafakamulun at mauri, fagayu nusnge wain anyayu siginan ayu. Ay ay ngay asalanan gsalag nu mabul am ngay famonun.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 6:15

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.”

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Esekyel 3:7

Dewa katanya, ngay taw Israel ro wa gdungugan emu, aroro kanya fagayu wa kaylat gdungugan angku. Kanya fagayu kamabo ay kamaogatun at amatanganan.

Lebitiku 26:19

Namalyam kban ay fakamatungudunun siginan nu gfadasug au sa ay talun sik fan-gong, nu katanya, umgong ban ay ngay gamasun.

Amus 4:7

Ay kwa nafarak kaduge tuluk magdanun yakmay andasug fanggutluan. Nafae arak au sa sik furuan ay sa tiba ngap kfuruan, duan. Ay nafae arak au sa sik gamasun ay sa ngap tibak gamasun wa karak.

Amus 4:8

Naranranugan am glulian sa sangay furuan laman nanrvbvy ay fanginum, dewa katanya, ya nsak. Dewa kaksvn nya nu gidapan am, yam kafoli sa angku. Au, Yawi, taglong tuy.

Sefanias 2:1

Sefanyas nalong sas Uda te, “Yud e apla fag ngay taw, afuli ay ubuni ay ngay asalanan

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Agay 1:11

Nafagong kwan fagdaul ay talun ay fagayu buksul, nu katanya, nataipan yangay ngay rawvg, ubas at mamam, langis, ay fagayu taw, ay ay ngay fagbaugun, ay anggan fagayu ay nainlufuyan.”

Deuterunumyu 28:23

Banwa umraska kata sik tansu ay we arak, ay daga ban umgong ay umtugas kata sik sanbung.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.