Eremyas 3:25 - Fanawbuid tagsibaliwas Fakayabian

²⁵ Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 3:25 ပူးပေါင်းရင်းမြစ်များ

Alubad. 106:6

Nafakamulun ami at mauri, ay anke asalanan ami sas Dius, kata em ngay mangaguyang.

Alubad. 106:7

Kanya fagayu, dewa yay sis talun Igiptu, wa gamatang ya Dius at nafakamulun fag ngay madulo. Ay nalyam yangay at ngay nafakamulun at masine, ay nafamabo anya sis Dagat Maraska.

Alubad. 109:29

Ngay taw nangus tagfantabugan sa angku umkapla wan, ay at fakaplaun nangus gsifig anya kata nu at lanbung.

Fangatulun 13:18

Sik taw nu dway kaylat gdungugan foyungan, dumalan fagidapun ay fakaplaun. Dewa katanya, sik taw nu kaylat tua gdungugan foyungan, e gfauseganan tua anya.

Fangatulun 5:13

Ay glong yangay ban o te, “Kwa nafaning ku ngay takamoyung.

Isayas 48:8

Wam nadungugan ay wam natogdungug kanya fagayu, aroro siginan ebi wam gdungugan. Nasaful kwa te, kamabo am, aroro siginan nu kasalug am kamabo wayam.

Isayas 50:11

Dewa katanya, dirii, fagayu am at ke algan namauri sa ay iba, aroro am yay ban at nangafaurianan kata ay ngay algan! Yawi ban tagfaurianan ayu, ay umbul ban am sat maksvn fag anini.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 12:13

Ku ngay taw natanum trigu, dewa katanya, at faggutluun ban dugi way. Ay kanya fagayu maksvn nu gfakamulun dewa katanya, wa ban e nagbulan. Kanya ban fagayu gumutlu fakaplaun aroro sa ku dotama at maksvn.”

Eremyas 14:20

Yawi, nasaful ami te, anke asalanan ami kata em ngay mangaguyang. Anud, anke asalanan ami sa emu.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:2

“Loi sas furuan Erusalem ay nanlong o sa sangay taw te, ‘Namatang au ebi ay fagmatuyanun ay nu kesug am angku kata sik baguina at bagu kadadwa. Nafaning tuam angku dewa am sis talun at yud e taw sat yud batang e gtanum fag daga.

Eremyas 2:26

Ngay taw Israel, umkapla ban am kata at nagamatan fag tagfangkamul. Gafaplan ban am, anggan ay ngay fun, ay ay ngay tagfangguna, ay ay ngay tagfon fanggalangun ay ay ngay taglong.

Eremyas 20:18

Wain ro ku faginsalugun yay? O laman nandalan au at maksvn fag fagidapun, o ay nangabul au sas fakaplaun?

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 31:19

Natalyuyan ami emu, ay katsi, nafoyung ami fagayu em asalanan. Ay nu nasaful ami te, e nasalan ami, natalaptap ami em ngay dubdub kaduge ami gfoyung em asalanan. Kapla ami sa em nafakamulun ebi gina ami masisian.”

Eremyas 6:26

Ku ngay taw, suluni ay ngay lanbung ay dagingani sas wa dafug laman gfalag am te, kabalu am. Abalui maksvn kata ay ngenge tagsesadi nu nbul, aroro ay ngay fawayan masakit nu kadasug laman namawayan antam.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Eremyas 8:14

Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Eremyas 9:18

Ay fasakiti anya fagayu nu kadasug sa ku ngay taw laman nanwayway maksvn.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Takabalu 5:7

Dewa em ngay mangaguyang at ke asalanan, ami way tagafaurianan.

Esekyel 2:3

Kanya nalong te, “Taw at baguama, gsugu au emu sa sangay tagbanwan ay takamabo fag talun Israel. Siginan at ngay mangaguyang at buknga ay dasug katsi, kanya fagayu kamabo way gugat angku.

Esekyel 36:32

Kaylat au nu sumaful am te, ku fagnafakamulunun sa ayu takatanya fagayu bunwa te, matuyan am. Ngay taw Israel, aplai tua sa ay nafakamulun at mauri. Au, Fun Dius Yawi taglong tuy.

Esekyel 44:13

Siginan ban katsi, kwa kaylat ya kanya fag ngay tagfon fanggalangun nu gfakamulun sa angku. Ay wa ban mananted ya ku ngay fagagbilugun nusnge wain, ay wa ban mananakbo ya sat Mafasamanan Fia fag Suluk. Kafag ngay taw umke fakaplaun maksvn aroro sat nafakamulun mauri.

Esekyel 7:18

Ay kanya ban fagayu gsulun saku ay gufo at ngay buk laman gfalag te, maksvn nu kabalu. Ay tiba ban ktaw nu glag kafag ngay taw at kamatan, tanan way lang ngayu kabalu ay kalimu.

Daniel 12:2

Ay ngayuk taw at kinbul ay at mafolian sis daga gdog yay ban gleleg. Tiba ban e leleg tua at yud e fakatabuan, ay tiba ban gaiyanan way sas fakaplaun at yud e fakatabuan.

Usea 9:10

Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

Tagfangguna 2:2

Nalong kyangay sa ayu te, ‘Lag am nangawat ay nasadian sa sangay tagbanwan sanya fag daga, abat ngate, rufai wan at ngay fagirugan.’ Dewa katanya, nataw ay nafakamulun? Wam nafaning ku longan!