Eremyas 3:23 - Fanawbuid tagsibaliwas Fakayabian

²³ Anud nasalan ami siginan nu nanseg ami ngay fagsegan sa sangay tungud buksul. Yawi em Dius, o way lang ngay taw Israel at tagfalangfe.

Eremyas 3:23 ပူးပေါင်းရင်းမြစ်များ

Alubad. 3:8

Yawi, o way lang at mafalangfe. Am ngay famonun nangus sumawa fia am ngay taw.

Alubad. 62:7

Dius wan ku tagfalangfe ay tagfasik takadungug angku. Kanya wan at mogat ku fagsarigan ay ku tagdiri.

Fangatulun 21:31

Ngay kabayu dewa mafalganan laman sas awayan, Yawi tua tagfababo.

Isayas 10:20

Ginanya ban fag buknga, ngay taw Israel, Akub at kasugfunanan at kinsawad, wa ban nanseg ya sat nafaurianan anya fagayu fag ngay talun, nu bunway nanseg tua ban Yawi, ngay taw Israel at Dius at yud e Malong.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 43:11

Au Yawi, ay sas day angku we tibak tagfalangfe.

Isayas 44:9

We tungkul ngay taw takawat ngay fagsegan, ay wa yangay e tungkul at fakesugun fag ngay fagsegan. Nusnga sinu tagseg takatanya fag ngay fagsegan kata nu yud glag ay nu yud e fagsafulun, ay umke fakaplaun way.

Isayas 45:15

Dius, o wan Israel at Tagfalangfe, at matuyan wo kalag.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Isayas 63:1

Sinu kanya takadasug siginans furuan Busra tagsis talun Edum, ay at ke lanbung masine at nadagatun maraska? Kanya kadasug e fagmabalyananun. Yawi wan takadasug, kanya e fagmabalyananun gfalangfe, ay nafoyung te, at ngay taw ban gbabo.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Eremyas 14:8

Yawi, o wan Israel at fagsegun ay at tagfalangfe gina e fagidapun. Wain am fakataun way em betaw? Ay wain am fakataun way sik tagfanloan tagsik yabi way nu gtiug si em talun?

Eremyas 17:14

Yawi, o way lang at mafafia ay at mafalangfe angku. Ay o way lang ku fagfausegananun.

Eremyas 17:2

Ay anggan ay ngay sisian nanseg yangay say ngay fagirugan ay sa sangay turuk fagtoglagan Asera fag fagsegan tagsi sangay fun kayu at marabung, ay tagsi sangay tungud buksul.

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Eremyas 31:7

Yawi glong te, “Alubadi ay uroi laman sas Akub at ngay kasugfunanan, aroro kanya wan tiba tungud fag gaban taw. Useganani ay uroi te, ‘Yawi, falangfei am ngay taw, at kinsawad tagleleg sis Israel.’ ”

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Usea 1:7

Dewa katanya, kafanyu kban ngay taw Uda. Au, ay Dius Yawi, namalangfe kban anya fagayu siginan ku fagmabalyananun, bundi siginans ngay tagfawayan at ngay famawayan, kata godun, fiso tagsumbalian at uyup, ay ngay kabayu ay fagayu tagsakay sanya.”

Uan 4:22

Wam toglag ay fagsegan, dewa katanya, ami taw Udyu toglag tuami em fagsegan, aroro siginan sa ngay taw Udyu anke fakalangfeun.