Eremyas 3:22 - Fanawbuid tagsibaliwas Fakayabian

²² “Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 3:22 ပူးပေါင်းရင်းမြစ်များ

Sulumun at Alubad 1:4

Tabanani wa angku; gabanganan wata glao! Fun, tabani angku sam fagtiugan fag suluk. Sim day tigyangan manabayan tuami. Ay nu kaylat ami nu mafangesug o, gtungud yay nu kaylat ami fanlangu. Wa madulo kanya fag ngay mangena nu kesug emu.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 31:6

Am fag ngay taw Israel, maksvn nung am nafamabo Yawi. Afolii wan sa anya.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 31:18

Nadungug au ngay taw Efraim nu gfandeng glong te, “Yawi, kata waymi sik ngay riangan baka at yud annanad e fantungud liug, dewa katanya, nafoyung tuo emi nu setain nu gfaning ami emu. O wan em Dius Yawi, nu katanya katsi, fafolii emi sa em fagbanwanan.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Eremyas 4:1

Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Esekyel 18:30

“Ngay taw Israel, glong au ayu te, au Yawi at mabalyanan at nanginsaful ay ngay fakamulun. Nu katanya, falyami wan fagayu ay asalanan laman ban diam gafaurianan.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 14:4

Dius nabalus te, “Gfalyam kban ku ngay taw at fakamaboun ay maksvn nu kesug au anya sas fagdaul ku amatanganan. Aroro nalyam wan ku dotama sa anya fagayu.

Usea 14:5

Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”